close
Array ( ) 1

తాజా వార్తలు

పల్నాడులో భారీగా మద్యం: యరపతినేని

అమరావతి: వైకాపా ఎంపీ విజయసాయిరెడ్డిపై తెదేపా సీనియర్‌ నేత, గురజాల మాజీ ఎమ్మెల్యే యరపతినేని శ్రీనివాసరావు మండిపడ్డారు. ఏపీ మాజీ ఎస్‌ఈసీ రమేశ్‌కుమార్‌ కేంద్ర హోంశాఖకు పంపిన లేఖ తెలుగుదేశం పార్టీ తయారు చేసిందని విజయసాయిరెడ్డి డీజీపీకి ఫిర్యాదు చేయడం హేయమని యరపతినేని ఆరోపించారు. లేఖపై రమేశ్‌కుమార్‌ స్పష్టత ఇవ్వడంతో విజయసాయిరెడ్డి ప్రణాళిక వికటించిందని ఎద్దేవా చేశారు. రాష్ట్రంలో అధికారం చేపట్టిన ఏడాదిలోపే వైకాపా నిజ స్వరూపం ప్రజలు తెలుసుకున్నారని యరపతినేని అన్నారు. 

 రాష్ట్రంలో రోజురోజుకూ విజృంభిస్తున్న కరోనా వైరస్‌ విషయంలో ప్రభుత్వం నిమ్మకు నీరెత్తినట్లు వ్యవహరిస్తోందని మండిపడ్డారు. ప్రజలకు కరోనా చికిత్సలు, పరీక్షలు సరిగా చేయకపోగా.. రాష్ట్రంలో ఉన్న వైరస్‌ తీవ్రతను తగ్గించి చూపుతున్నారని ఆరోపించారు. వారి స్వార్థం కోసం ప్రజల ప్రాణాల్ని కూడా వైకాపా ప్రభుత్వం ఫణంగా పెడుతోందని విమర్శించారు. స్థానిక ఎన్నికల నిర్వహణ కోసం లాక్‌డౌన్‌ సమయంలోనూ అక్రమ మద్యాన్ని వైకాపా నేతలు అమ్ముతున్నారని, పల్నాడులో భారీగా మద్యం నిల్వ చేశారని యరపతినేని ఆరోపించారు. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.