పవన్‌ది పూటకో మాట: సజ్జల
close

తాజా వార్తలు

Published : 07/04/2021 01:24 IST
Facebook Share Twitter Share WhatsApp Share Telegram Share Link Share

పవన్‌ది పూటకో మాట: సజ్జల

అమరావతి: స్థానిక సంస్థల ఎన్నికలను బహిష్కరించినట్లు చెప్పిన తెదేపా.. కొన్ని చోట్ల భాజపాకు లోపాయికారిగా సహాయపడుతోందని వైకాపా ప్రధాన కార్యదర్శి, ఏపీ ప్రభుత్వ సలహాదారు సజ్జల రామకృష్ణారెడ్డి ఆరోపించారు. భాజపా-జనసేన కూటమిలో చేరేందుకు తెదేపా పలు రకాలుగా ప్రయత్నాలు సాగిస్తోందని చెప్పారు. జగన్‌ను ఎదుర్కోలేక ఆ మూడు పార్టీలు జట్టు కట్టాలని భావిస్తున్నాయన్నారు. తాడేపల్లిలోని వైకాపా కేంద్ర కార్యాలయంలో నిర్వహించిన మీడియా సమావేశంలో సజ్జల మాట్లాడారు. 

తిరుపతి ఉపఎన్నిక ప్రచారంలో ప్రతిపక్షాలన్నీ అబద్ధాలు ప్రచారం చేస్తున్నాయని ఆరోపించారు. జనసేన అధినేత పవన్‌కల్యాణ్‌ తన సొంత అభిప్రాయాలు లేకుండా పూటకో మాట మాట్లాడతారని ఎద్దేవా చేశారు. తిరుపతిలో వైకాపా విజయం రిపీట్‌ అవుతుందని సజ్జల ఆశాభావం వ్యక్తం చేశారు. మెజారిటీ ఎంత అనేది తేలాల్సి ఉందని ధీమాగా చెప్పారు. వరుస సెలవుల వల్లే ఉద్యోగులకు నిర్ణీత తేదీల్లో జీతాలు ఇవ్వలేకపోయామని.. దీనిపై విమర్శలు చేయడం సరికాదన్నారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని