Breaking | Feedback | ePratibha | E-PAPER | Pratibha

DC vs PBKS: దిల్లీపై పంజాబ్ ఘన విజయం.. ప్లే ఆఫ్స్‌ ఆశలు సజీవం

దిల్లీ క్యాపిటల్స్‌పై పంజాబ్‌ కింగ్స్‌ 31 పరుగుల తేడాతో విజయం సాధించింది. తొలుత ప్రభ్‌సిమ్రన్‌ సింగ్ (103; 65 బంతుల్లో 10 ఫోర్లు, 6 సిక్స్‌లు) శతకం బాదడంతో పంజాబ్‌ నిర్ణీత 20 ఓవర్లలో 7 వికెట్ల నష్టానికి 167 పరుగులు చేసింది. 168 పరుగుల లక్ష్యంతో బరిలోకి దిగిన దిల్లీ.. 20 ఓవర్లలో 8 వికెట్ల నష్టానికి 136 పరుగులే చేసింది.

Updated : 13 May 2023 23:25 IST

13/05/2023 23:07(IST)

పంజాబ్‌ విజయం.. ప్లే ఆఫ్స్ ఆశలు సజీవం

ప్లే ఆఫ్స్‌కు చేరాలంటే తప్పక గెలవాల్సిన మ్యాచ్‌లో పంజాబ్‌ కింగ్స్‌ అదరగొట్టింది. దిల్లీ క్యాపిటల్స్‌పై 31 పరుగుల తేడాతో విజయం సాధించింది. తొలుత ప్రభ్‌సిమ్రన్‌ సింగ్ (103; 65 బంతుల్లో 10 ఫోర్లు, 6 సిక్స్‌లు) శతకం బాదడంతో పంజాబ్‌ నిర్ణీత 20 ఓవర్లలో 7 వికెట్ల నష్టానికి 167 పరుగులు చేసింది. 168 పరుగుల లక్ష్యంతో బరిలోకి దిగిన దిల్లీ.. 20 ఓవర్లలో 8 వికెట్ల నష్టానికి 136 పరుగులే చేసింది.

13/05/2023 22:45(IST)

అమన్‌ ఖాన్ ఔట్

నాథన్ ఎల్లిస్‌ వేసిన 15.4 ఓవర్‌కు అమన్ ఖాన్ (16) ఔటయ్యాడు. అతడు.. హర్‌ప్రీత్‌ బ్రార్‌కు క్యాచ్‌ ఇచ్చాడు. దీంతో 118 పరుగుల వద్ద దిల్లీ ఏడో వికెట్ కోల్పోయింది. 16 ఓవర్లకు స్కోరు 119/7. కుల్‌దీప్‌ యాదవ్ (1), ప్రవీణ్ దూబె (15) పరుగులతో ఉన్నారు.

13/05/2023 22:25(IST)

మరో వికెట్

దిల్లీ ఆరో వికెట్ కోల్పోయింది. ఇంపాక్ట్‌ ప్లేయర్‌గా వచ్చిన మనీశ్ పాండే (0) ఔటయ్యాడు. హర్‌ప్రీత్‌ బ్రార్ వేసిన 10.1 ఓవర్‌కు క్లీన్‌బౌల్డ్‌ అయ్యాడు. 11 ఓవర్లకు స్కోరు 91/6. అమన్ ఖాన్‌ (2), ప్రవీణ్‌ దూబె (2) పరుగులతో ఉన్నాడు.

13/05/2023 22:17(IST)

వార్నర్ కూడా ఔట్

దిల్లీ క్యాపిటల్స్‌ కష్టాల్లో పడింది. డేవిడ్ వార్నర్ (54; 27 బంతుల్లో) ఔటయ్యాడు. హర్‌ప్రీత్‌ బ్రార్‌ వేసిన తొమ్మిదో ఓవర్‌లో చివరి బంతికి ఎల్బీడబ్ల్యూగా వెనుదిరిగాడు. ఇదే ఓవర్‌లో తొలి బంతికి రోసోవ్ (5) కూడా ఔటయ్యాడు. 9 ఓవర్లకు స్కోరు 86/4.

13/05/2023 21:56(IST)

అర్ధశతకానికి చేరువలో వార్నర్‌

దిల్లీ క్యాపిటల్స్‌ ఓపెనర్‌ వార్నర్‌ (48) అర్ధశతకానికి చేరువవుతున్నాడు. అర్షదీప్‌ సింగ్‌ బౌలింగ్‌లో వరుసగా ఫోర్‌, సిక్సర్‌ బాదాడు. దీంతో ఈ ఓవర్లో మొత్తం 12 పరుగులు వచ్చాయి. ఫిలిప్‌ సాల్ట్‌ (17) క్రీజులో కొనసాగుతున్నాడు. 6 ఓవర్లకు స్కోరు 65/0.

13/05/2023 21:50(IST)

జోరు పెంచిన వార్నర్‌

వార్నర్‌ మరికాస్త జోరు పెంచాడు. నాథన్‌ ఎలిస్‌ వేసిన ఐదో ఓవర్లో వరుసగా 2 ఫోర్లు బాదాడు. దీంతో ఈ ఓవర్లో మొత్తం 12 పరుగులు వచ్చాయి. వార్నర్‌ (37), ఫిలిప్‌ సాల్ట్‌ (16) క్రీజులో కొనసాగుతున్నారు. 5 ఓవర్లకు స్కోరు 53/0.

13/05/2023 21:31(IST)

తొలి ఓవర్‌లో రెండు ఫోర్లు

పంజాబ్ నిర్దేశించిన 168 పరుగుల టార్గెట్‌ని ఛేదించేందుకు దిల్లీ బరిలోకి దిగింది. డేవిడ్ వార్నర్, ఫిలిప్‌ సాల్ట్ ఓపెనర్లుగా వచ్చారు. రిషి ధావన్ వేసిన మొదటి ఓవర్‌లో వార్నర్‌ వరుసగా రెండు ఫోర్లు బాదాడు. 1 ఓవర్‌కు స్కోరు 10/0. వార్నర్ (9), సాల్ట్ (1) క్రీజ్‌లో ఉన్నారు.

13/05/2023 21:12(IST)

ప్రభ్‌సిమ్రన్‌ సింగ్ సెంచరీ.. దిల్లీ లక్ష్యం ఎంతంటే?

దిల్లీ క్యాపిటల్స్‌తో జరుగుతున్న మ్యాచ్‌లో పంజాబ్ కింగ్స్ బ్యాటింగ్‌ పూర్తయింది. ప్రభ్‌సిమ్రన్‌ సింగ్ (103; 65 బంతుల్లో 10 ఫోర్లు, 6 సిక్స్‌లు) శతకం బాదడంతో నిర్ణీత 20 ఓవర్లలో 7 వికెట్ల నష్టానికి 167 పరుగులు చేసింది. సామ్‌ కరన్ (20) పరుగులు చేశాడు. శిఖర్ ధావన్ (7), లివింగ్‌స్టోన్ (4), జితేశ్ శర్మ (5), హర్‌ప్రీత్‌ బ్రార్‌ (2), షారూక్ ఖాన్‌ (2) ఘోరంగా విఫలమయ్యారు. సికిందర్‌ రజా (11*) పరుగులు చేశాడు. దిల్లీ బౌలర్లలో ఇషాంత్‌ శర్మ 2, ముఖేశ్‌ కుమార్, కుల్‌దీప్‌ యాదవ్, ప్రవీణ్ దూబె, అక్షర్ పటేల్ ఒక్కో వికెట్ పడగొట్టారు.

13/05/2023 20:55(IST)

ప్రభ్‌సిమ్రన్‌ సెంచరీ

పంజాబ్‌ బ్యాటర్‌ ప్రభ్‌సిమ్రన్‌ సింగ్ సెంచరీ (61 బంతుల్లో) పూర్తి చేసుకున్నాడు. ఖలీల్ అహ్మద్‌ వేసిన 18వ ఓవర్‌లో మూడు, నాలుగు బంతులకు వరుసగా రెండు ఫోర్లు బాది ఐపీఎల్‌లో మొదటి శతకం అందుకున్నాడు. 18 ఓవర్లకు స్కోరు 154/5. ప్రభ్‌సిమ్రన్‌ (103), షారూక్‌ ఖాన్‌ (1) క్రీజ్‌లో ఉన్నారు.

13/05/2023 20:50(IST)

ఐదో వికెట్

పంజాబ్‌ కింగ్స్ ఐదో వికెట్ కోల్పోయింది. కుల్‌దీప్ యాదవ్‌ వేసిన 16.1 ఓవర్‌కు హర్‌ప్రీత్‌ బ్రార్‌ (2) మిచెల్‌ మార్ష్‌కు క్యాచ్‌ ఇచ్చాడు. తర్వాత ప్రభ్‌సిమ్రన్‌ వరుసగా ఫోర్, సిక్స్‌ బాదాడు. 17 ఓవర్లకు స్కోరు 141/5. ప్రభ్‌సిమ్రన్‌ (90), షారూక్‌ ఖాన్‌ (1) క్రీజులో ఉన్నారు.

13/05/2023 20:42(IST)

సామ్‌కరన్ ఔట్

పంజాబ్‌ నాలుగో వికెట్ కోల్పోయింది. సామ్‌కరన్ (20) ఔటయ్యాడు. ప్రవీణ్ దూబె వేసిన 14.4 ఓవర్‌కు అమన్‌ ఖాన్‌కు చిక్కాడు. ఇదే ఓవర్లో తొలి బంతికి ప్రభ్‌సిమ్రన్‌ సింగ్ (69) సిక్స్ బాదాడు. 15 ఓవర్లకు స్కోరు 117/4. హర్‌ప్రీత్‌బ్రార్‌ (0), ప్రభ్‌సిమ్రన్‌ (69) పరుగులతో క్రీజ్‌లో ఉన్నారు.

13/05/2023 20:37(IST)

ప్రభ్‌సిమ్రన్ సిక్స్‌

కుల్‌దీప్‌ యాదవ్‌ వేసిన 14వ ఓవర్‌లో 10 పరుగులు వచ్చాయి. మొదటి నాలుగు బంతుల్లో రెండే పరుగులు రాగా. . ఐదో బంతికి ప్రభ్‌సిమ్రన్‌ సింగ్ (62) సిక్సర్ బాది చివరి బంతికి రెండు పరుగులు చేశాడు. 14 ఓవర్లకు స్కోరు 109/3. సామ్‌కరన్ (19) పరుగులతో ఉన్నాడు.

13/05/2023 20:29(IST)

ప్రభ్‌సిమ్రన్ హాఫ్‌ సెంచరీ

నిలకడగా ఆడుతున్న ప్రభ్‌సిమ్రన్ సింగ్ హాఫ్‌ సెంచరీ పూర్తి చేసుకున్నాడు. అక్షర్ పటేల్ వేసిన 12.3 ఓవర్‌కు సింగిల్ తీసి అర్ధ శతకం అందుకున్నాడు. 13 ఓవర్లకు స్కోరు 99/3. ప్రభ్‌సిమ్రన్ (53), సామ్‌ కరన్ (18) పరుగులతో ఉన్నారు.

13/05/2023 20:25(IST)

ఒక్క ఓవర్‌లోనే 21

మిచెల్ మార్ష్‌ వేసిన 11వ ఓవర్‌లో 21 పరుగులు వచ్చాయి. మొదటి రెండు బంతులకు మూడు పరుగులు రాగా.. తర్వాతి మూడు బంతులకు ప్రభ్‌సిమ్రన్ సింగ్ వరుసగా 6,6,4 బాదాడు. 11 ఓవర్లకు స్కోరు 87/3. సామ్‌కరన్ (15), ప్రభ్‌సిమ్రన్ సింగ్ (44) పరుగులతో ఉన్నారు.

13/05/2023 20:01(IST)

విజృంభిస్తున్న దిల్లీ బౌలర్లు

దిల్లీ బౌలర్లు విజృంభిస్తున్నారు. అక్షర్‌ పటేల్ వేసిన ఆరో ఓవర్‌లో నాలుగో బంతికి జితేశ్ శర్మ (5) క్లీన్‌బౌల్డ్ అయ్యాడు. దీంతో 45 పరుగుల వద్ద పంజాబ్‌ మూడో వికెట్ కోల్పోయింది. 6 ఓవర్లకు స్కోరు 46/3. ప్రభ్‌సిమ్రన్ సింగ్ (21), సామ్‌ కరన్ (1) పరుగులతో ఉన్నారు.

13/05/2023 19:53(IST)

లివింగ్‌స్టోన్‌ ఔట్

పంజాబ్‌ రెండో వికెట్ కోల్పోయింది. ఇషాంత్ శర్మ వేసిన 4.1 ఓవర్‌కు లివింగ్‌స్టోన్ (4) క్లీన్‌బౌల్డ్ అయ్యాడు. తర్వాత క్రీజులోకి వచ్చిన జితేశ్ శర్మ (5) ఐదో బంతికి ఫోర్ బాదాడు. ప్రభ్‌సిమ్రన్ (14) పరుగులతో ఉన్నాడు. 5 ఓవర్లకు స్కోరు 38/2.

13/05/2023 19:12(IST)

దిల్లీ క్యాపిటల్స్‌ వీళ్లే..

డేవిడ్‌ వార్నర్‌ (కెప్టెన్‌), ఫిలిప్‌ సాల్ట్‌ (కీపర్‌), మిచెల్‌ మార్ష్‌, రిలీ రొసోవ్‌, అమన్‌ హకిమ్‌ ఖాన్‌, అక్షర్‌ పటేల్‌, ప్రవీన్‌ దుబే, కుల్దీప్‌ యాదవ్‌, ఇషాంత్‌ శర్మ, ఖలీల్‌ ఆహ్మద్‌, ముకేశ్‌ కుమార్‌.

13/05/2023 19:10(IST)

పంజాబ్‌ కింగ్స్‌ వీళ్లే..

ప్రభ్‌ సిమ్రన్‌ సింగ్‌, శిఖర్‌ ధావన్‌ (కెప్టెన్‌), లివింగ్‌స్టోన్‌, జితేశ్‌ శర్మ (కీపర్‌), శామ్‌ కరన్‌, సికిందర్‌ రజా, షారూక్‌ ఖాన్‌, హర్‌ప్రీత్‌ బ్రార్‌, రిషి ధావన్‌, రాహుల్‌ చాహర్‌, అర్షదీప్‌ సింగ్‌

13/05/2023 19:07(IST)

మేం కూడా బౌలింగ్‌ ఎంచుకోవాలనుకున్నాం: ధావన్‌

ఒకవేళ టాస్‌ గెలిస్తే తాము కూడా బౌలింగ్‌ ఎంచుకోవాలనుకున్నట్లు పంజాబ్‌ కింగ్స్‌ కెప్టెన్‌ శిఖర్‌ ధావన్‌ తెలిపాడు. తుది జట్టులో ఒక చిన్న మార్పు చేసినట్లు చెప్పాడు. రాజపక్స స్థానంలో రజాను తీసుకున్నట్లు తెలిపాడు.

13/05/2023 19:03(IST)

బౌలింగ్‌ ఎంచుకున్న దిల్లీ

పంజాబ్‌ కింగ్స్‌తో జరగనున్న మ్యాచ్‌లో టాస్‌ గెలిచిన దిల్లీ తొలుత బౌలింగ్‌ ఎంచుకుంది. పిచ్‌ బౌలింగ్‌కు అనుకూలంగా ఉందనే ఉద్దేశంతోనే ఈ నిర్ణయం తీసుకున్నట్లు ఆ జట్టు కెప్టెన్‌ డేవిడ్‌ వార్నర్‌ తెలిపాడు.

13/05/2023 19:02(IST)

దిల్లీ క్యాపిటల్స్‌× పంజాబ్‌ కింగ్స్‌

ఐపీఎల్‌ 16 సీజన్‌లో మరో రసవత్తర మ్యాచ్‌కు రంగం సిద్ధమైంది. దిల్లీలోని అరుణ్‌ జైట్లీ మైదానం వేదికగా దిల్లీ- పంజాబ్‌ తలపడనున్నాయి. ఇప్పటికే దిల్లీకి ప్లే ఆఫ్‌ అవకాశాలు లేకపోగా.. పంజాబ్‌కు మాత్రం కాస్త మిగిలి ఉన్నాయి. ఈ మ్యాచ్‌లో విజయం సాధించి, తన చివరి రెండు మ్యాచుల్లోనూ విజయం సాధిస్తే ప్లేఆఫ్‌ అవకాశాలు సజీవం అవుతాయి.

App

DC vs PBKS: దిల్లీపై పంజాబ్ ఘన విజయం.. ప్లే ఆఫ్స్‌ ఆశలు సజీవం

తాజా వార్తలు (Latest News)

సరిహద్దు దాటిన మానవత్వం.. భారతీయుడి దానంతో పాక్‌ యువతికి కొత్త జీవితం

శిక్షణ నుంచి తప్పించుకున్న గుర్రాలు.. లండన్ వీధుల్లో హల్‌చల్!

ఓటరు జాబితాలో.. ‘డీ’ ఓటరు అంటే ఎవరు?

ఈనాడు.నెట్‌లో టాప్‌ 10 వార్తలు @ 9 PM

ఏపీ ఇంటెలిజెన్స్‌ డీజీగా విశ్వజిత్‌, విజయవాడ సీపీగా రామక్రిష్ణ

ఎన్నికల బరిలో ‘పొలిమేర’ నటి..

సుఖీభవ

చదువు