Breaking | Feedback | ePratibha | E-PAPER | Pratibha

KKR vs LSG: ఉత్కంఠ పోరులో లఖ్‌నవూదే గెలుపు..

Updated : 21 May 2023 00:03 IST

20/05/2023 23:29(IST)

ఉత్కంఠ పోరులో లఖ్‌నవూ విజయం

కోల్‌కతా నైట్‌రైడర్స్‌తో జరిగిన ఉత్కంఠ పోరులో లఖ్‌నవూ సూపర్‌ జెయింట్స్‌ ఒక్క పరుగు తేడాతో విజయం సాధించింది. 177 పరుగుల లక్ష్యంతో బరిలోకి దిగిన కోల్‌కతా.. 20 ఓవర్లలో 7 వికెట్లు కోల్పోయి 175 పరుగులు చేసింది. ఈ గెలుపుతో (17 పాయింట్లు) లఖ్‌నవూ ఇతర జట్ల ఫలితాలతో సంబంధం లేకుండా నేరుగా ప్లేఆఫ్స్‌లోకి దూసుకెళ్లింది.

20/05/2023 22:53(IST)

రస్సెల్ ఔట్

కోల్‌కతాకు భారీ షాక్‌ తగిలింది. ఆండ్రూ రస్సెల్ (7) ఔటయ్యాడు. రవి బిష్ణోయ్‌ వేసిన 15.4 ఓవర్‌కు క్లీన్‌బౌల్డ్ అయ్యాడు. దీంతో 120 పరుగుల వద్ద కోల్‌కతా ఐదో వికెట్ కోల్పోయింది. 16 ఓవర్లకు స్కోరు 121/5. శార్దూల్ ఠాకూర్ (1), రింకు సింగ్ (21) పరుగులతో ఉన్నారు. కేకేఆర్ విజయానికి 24 బంతుల్లో 56 పరుగులు అవసరం.

20/05/2023 22:19(IST)

ఒకే ఒక్క పరుగు

రవి బిష్ణోయ్‌ వేసిన తొమ్మిదో ఓవర్లో కోల్‌కతా ఒక వికెట్‌ కోల్పోయి..కేవలం ఒక్క పరుగు మాత్రమే రాబట్టింది. జేసన్‌ రాయ్‌ (45) అర్ధశతకానికి చేరువవుతున్నాడు. గుర్బాజ్‌ (1) క్రీజులో కొనసాగుతున్నాడు. 9 ఓవర్లు స్కోరు 79/1.

20/05/2023 22:11(IST)

నితీశ్‌రాణా ఫోర్‌

కృనాల్‌ పాండ్య వేసిన 7వ ఓవర్లో నితీశ్‌రాణా ఫోర్‌ కొట్టాడు. 6.5వ బంతికి స్నిప్‌ చేసి 4 పరుగులు రాబట్టాడు. దీంతో ఈ ఓవర్లో మొత్తం 8 పరుగులు వచ్చాయి. జేసన్‌రాయ్‌ (38), నితీశ్‌ రాణా (6) క్రీజులో కొనసాగుతున్నారు. 7 ఓవర్లకు స్కోరు 69/1.

20/05/2023 22:04(IST)

వెంకటేశ్‌ అయ్యర్‌ ఔట్‌

కోల్‌కతా తొలి వికెట్‌ కోల్పోయింది. కృష్ణప్ప గౌతమ్‌ వేసిన 5.5వ బంతికి వెంకటేశ్‌ అయ్యర్‌ (24) ఔటయ్యాడు. షాట్‌ ఆడే క్రమంలో ఫ్రంట్‌ ఫీల్డర్‌ రవి బిష్ణోయ్‌కు క్యాచ్‌ ఇచ్చాడు. నితీశ్‌ రాణా క్రీజులోకి వచ్చాడు. ఈ ఓవర్లో కేవలం 2 పరుగులు మాత్రమే వచ్చాయి. 6 ఓవర్లకు స్కోరు 61/1.

20/05/2023 21:41(IST)

లక్ష్యఛేదనకు దిగిన కోల్‌కతా

లఖ్‌నవూ నిర్దేశించిన 177 పరుగుల లక్ష్యాన్ని ఛేదించేందుకు కోల్‌కతా బరిలోకి దిగింది. వెంకటేశ్‌ అయ్యర్, జేసన్‌ రాయ్‌ ఓపెనర్లుగా వచ్చారు. మోసిన్ ఖాన్‌ వేసిన తొలి ఓవర్‌లో వెంకటేశ్‌ రెండు ఫోర్లు, ఓ సిక్స్‌ బాదాడు. 1 ఓవర్‌ ముగిసేసరికి స్కోరు 15/0.

20/05/2023 21:21(IST)

లఖ్‌నవూ బ్యాటింగ్‌ పూర్తి

కోల్‌కతా నైట్‌రైడర్స్‌తో జరుగుతున్న మ్యాచ్‌లో లఖ్‌నవూ సూపర్‌ జెయింట్స్‌ బ్యాటింగ్‌ ముగిసింది. నిర్ణీత 20 ఓవర్లలో 8 వికెట్లు కోల్పోయి 176 పరుగులు చేసింది. క్వింటన్ డికాక్ (28; 27 బంతుల్లో), ప్రేరక్ మన్కడ్ (26; 20 బంతుల్లో), ఆయుష్‌ బదోని (25; 21 బంతుల్లో) ఫర్వాలేదనిపించగా.. చివర్లో నికోలస్ పూరన్ (58; 30 బంతుల్లో 4 ఫోర్లు, 5 సిక్స్‌లు) మెరుపులు మెరిపించాడు. కోల్‌కతా బౌలర్లలో సునీల్ నరైన్, వైభవ్‌ అరోరా, శార్దూల్ ఠాకూర్ రెండేసి వికెట్లు పడగొట్టగా.. హర్షిత్ రాణా, వరుణ్ చక్రవర్తి ఒక్కో వికెట్ పడగొట్టారు.

20/05/2023 21:12(IST)

పూరన్‌ హాఫ్‌ సెంచరీ.. ఔట్

శార్దూల్ ఠాకూర్‌ వేసిన 19వ ఓవర్‌లో తొలి బంతికి సిక్స్‌ బాది హాఫ్‌ సెంచరీ (28 బంతుల్లో) పూర్తి చేసుకున్న నికోలస్‌ పూరన్ (58) మరో సిక్స్‌ బాది ఔటయ్యాడు. మూడో బంతికి వెంకటేశ్‌ అయ్యర్‌కు క్యాచ్‌ ఇచ్చాడు. ఇదే ఓవర్‌లో ఐదో బంతికి రవి బిష్ణోయ్ (2) క్లీన్‌బౌల్డ్ అయ్యాడు. 19 ఓవర్లకు స్కోరు 163/8. నవీనుల్ హక్‌ (1), కృష్ణప్ప గౌతమ్ (0) క్రీజ్‌లో ఉన్నారు.

20/05/2023 20:26(IST)

కృనాల్ ఔట్

లఖ్‌నవూ కష్టాల్లో పడింది. డికాక్ (28; 27 బంతుల్లో) ఔటయ్యాడు. వరుణ్ చక్రవర్తి వేసిన 10.1 ఓవర్‌కు రస్సెల్‌కు చిక్కాడు. తర్వాత క్రీజులోకి వచ్చిన నికోలస్‌ పూరన్‌ వరుసగా 4,4,6 బాదాడు. 11 ఓవర్లకు స్కోరు 88/5. బదోని (1), పూరన్ (15) పరుగులతో ఉన్నారు.

20/05/2023 20:15(IST)

ఒకే ఓవర్లో రెండు వికెట్లు

వైభవ్‌ అరోరా వేసిన ఏడో ఓవర్‌లో లఖ్‌నవూ రెండు వికెట్లు కోల్పోయింది. మూడో బంతికి ప్రేరక్ మన్కడ్ (26) హర్షిత్ రాణాకు క్యాచ్‌ ఇవ్వగా.. ఐదో బంతికి స్టాయినిస్ (0) వెంకటేశ్‌ అయ్యక్‌కి చిక్కాడు. 7 ఓవర్లకు స్కోరు 55/3.

20/05/2023 19:47(IST)

కరణ్‌శర్మ ఔట్‌..

లఖ్‌నవూ తొలి వికెట్‌ కోల్పోయింది. హర్షిత్‌ రాణా వేసిన 2.3వ బంతికి భారీ షాట్‌ ఆడిన కరణ్‌ శర్మ ఠాకూర్‌ చేతికి చిక్కిపోయాడు. అంతకు ముందు 2.1వ బంతికి డికాక్‌ సిక్సర్‌ బాదాడు. హర్షిత్‌ రాణా వేసిన మూడో ఓవర్ తొలి బంతికి ఆఫ్‌సైడ్‌ మీదుగా బంతిని బౌండరీ అవతలికి తరలించాడు.

20/05/2023 19:44(IST)

రెండో ఓవర్లో 6 పరుగులు

వైభవ్‌ అరోరా వేసిన రెండో ఓవర్లో లఖ్‌నవూ 6 పరుగులు రాబట్టింది. తొలి బంతి డాట్‌ కాగా.. రెండో బంతికి కరణ్‌ శర్మ సింగిల్‌ తీశాడు. ఆ తర్వాత వరుసగా 2, 1, 1, 1 పరుగులు వచ్చాయి. డికాక్‌ (4), కరణ్‌ శర్మ (3) క్రీజులో కొనసాగుతున్నారు.

20/05/2023 19:18(IST)

కోల్‌కతా నైట్‌ రైడర్స్‌ వీళ్లే..

రహ్మనుల్లా గుర్బాజ్‌, జేసన్‌ రాయ్‌, వెంకటేశ్‌ అయ్యర్‌, నితీశ్‌ రాణా (కెప్టెన్‌), ఆండ్రూ రస్సెల్‌, రింకూ సింగ్‌ ,శార్ధూల్‌ ఠాకూర్‌, సునీల్‌ నరైన్‌, వైభవ్‌ అరోరా, హర్షిత్‌ రాణా, వరుణ్‌ చక్రవర్తి

20/05/2023 19:04(IST)

టాస్‌ గెలిచిన కోల్‌కతా

మరికాసేపట్లో ఈడెన్‌ గార్డెన్స్‌ వేదికగా లఖ్‌నవూతో జరగనున్న మ్యాచ్‌లో టాస్‌ గెలిచిన కోల్‌కతా కెప్టెన్‌ నితీశ్‌ రాణా బౌలింగ్‌ ఎంచుకున్నాడు. భారీ తేడాతో ఈ మ్యాచ్ గెలవాలని అనుకుంటున్నట్లు చెప్పాడు. ‘‘ మా భవితవ్యం మా చేతుల్లోనే ఉంది. గత మ్యాచ్‌లో గట్టి పోటీ ఇచ్చాం.’’ అని అన్నాడు. హుడా స్థానంలో కరణ్‌ను తీసుకున్నట్లు చెప్పాడు. స్వప్నిల్‌ స్థానంలో గౌతమ్‌కు అవకాశం ఇచ్చామన్నాడు.

20/05/2023 19:02(IST)

కోల్‌కతాను తక్కువ అంచనా వేస్తే అంతే..

కోల్‌కతా నైట్‌రైడర్స్‌ను ఏమాత్రం తక్కువగా అంచనా వేసినా ఇక్కట్లు తప్పవు. గత మ్యాచ్‌లో చెన్నైను వారి సొంత గడ్డపైనే కోల్‌కతా ఓడించింది. ఇవాళ మ్యాచ్‌ ఈడెన్ గార్డెన్స్‌లో కావడంతో కోల్‌కతాను ఆపడం అంత తేలికేం కాదు. ఈ మ్యాచ్‌లో కోల్‌కతా గెలిస్తే 14 పాయింట్లతో ఏడో స్థానంలోకి వచ్చే అవకాశం ఉంది. అదీనూ, ముంబయి మ్యాచ్‌ ఫలితంపై ఆధార పడి ఉంది.

20/05/2023 19:01(IST)

చివరి మ్యాచ్‌లో గెలిస్తే..

ప్రస్తుతం లఖ్‌నవూ 15 పాయింట్లతో మూడో స్థానంలో కొనసాగుతోంది. చివరి మ్యాచ్‌లో గెలిస్తే 17 పాయింట్లతో ఇతర జట్ల ఫలితాలో సంబంధం లేకుండా ప్లేఆఫ్స్‌కు చేరుతుంది. ఒకవేళ ఓడినా అవకాశాలు ఉన్నాయి. కానీ, అది ముంబయి, బెంగళూరు జట్ల ఫలితాలపై ఆధార పడి ఉంది. ఇరు జట్లూ తమ చివరి మ్యాచుల్లో ఒక్క టీమ్‌ ఓడినా లఖ్‌నవూకు బెర్తు ఖాయం. కానీ, ఇది తేలాలంటే ఆదివారం వరకు వేచి చూడాలి. అలా కాకుండా ప్లేఆఫ్స్‌ భవిష్యత్తుపై ఇవాళ స్పష్టత రావాలంటే గెలిచి తీరాలి.

20/05/2023 19:00(IST)

లఖ్‌నవూ భవితవ్యం నేడు తేలేనా..?

వరుసగా రెండు మ్యాచ్‌ల్లో గెలిచిన లఖ్‌నవూ సూపర్‌ జెయింట్స్‌ (LSG) ఐపీఎల్‌ ప్లేఆఫ్స్‌ రేసులోకి దూసుకొచ్చింది. వరుసగా హ్యాట్రిక్‌ విజయం సాధించి బెర్తును ఖరారు చేసుకోవాలని లఖ్‌నవూ ఊపు మీదుండగా.. భారీ గెలుపుతో పాయింట్ల పట్టికలో మెరుగైన స్థానంతో టోర్నీని ముగించాలని కోల్‌కతా నైట్‌రైడర్స్‌ భావిస్తోంది.

App

KKR vs LSG: ఉత్కంఠ పోరులో లఖ్‌నవూదే గెలుపు..

తాజా వార్తలు (Latest News)

20లక్షల ఉద్యోగాలు ఇచ్చే బాధ్యత నాది: చంద్రబాబు

ఈనాడు.నెట్‌లో టాప్‌ 10 వార్తలు @ 9 PM

కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం

హైదరాబాద్‌ శివారులో వర్ష బీభత్సం.. శ్రీశైలం హైవేపై ట్రాఫిక్‌ జామ్‌

‘విక్రమార్కుడు’, ‘బజరంగీ భాయిజాన్‌’ సీక్వెల్స్ అప్‌డేట్‌.. ఎంతవరకు వచ్చాయంటే!

సుప్రీం లీడర్‌ పుట్టిన రోజే ఇరాన్‌పై దాడులు.. అమెరికాకు చివరి క్షణంలో తెలిసిందట!

సుఖీభవ

చదువు