Feedback | E-PAPER | Pratibha

DC vs CSK: దిల్లీ ఓటమి.. ప్లేఆఫ్స్‌కు దూసుకెళ్లిన చెన్నై

దిల్లీ క్యాపిటల్స్‌తో జరుగుతున్న మ్యాచ్‌లో చెన్నై సూపర్‌ కింగ్స్‌ బ్యాటర్లు దంచికొట్టారు. దీంతో నిర్ణీత 20 ఓవర్లలో 3 వికెట్ల నష్టానికి 223 పరుగులు చేసింది.

Updated : 20 May 2023 19:16 IST

20/05/2023 19:17(IST)

దిల్లీపై విజయం.. ప్లేఆఫ్స్‌కు చెన్నై

చెన్నై సూపర్‌ కింగ్స్‌ అదరగొట్టింది. దిల్లీ క్యాపిటల్స్‌తో జరిగిన తమ ఆఖరి లీగ్‌ మ్యాచ్‌లో 77 పరుగుల తేడాతో విజయం సాధించింది. ఈ సూపర్‌ విక్టరీతో చెన్నై సూపర్‌ కింగ్స్‌ ప్లేఆఫ్స్‌ బెర్తుని ఖరారు చేసుకుంది. సీఎస్కే నిర్దేశించిన 224 పరుగుల భారీ లక్ష్యఛేదనలో దిల్లీ క్యాపిటల్స్‌ 20 ఓవర్లలో 9 వికెట్లు కోల్పోయి 146 పరుగులే చేసింది.

20/05/2023 17:54(IST)

దిల్లీకి వరుస షాక్‌లు

దిల్లీ ఒకే ఓవర్‌లో వరుసగా రెండు వికెట్లు కోల్పోయింది. దీపక్‌ చాహర్‌ వేసిన 4.4 ఓవర్‌కు ఫిలిప్‌ సాల్ట్ (3) రహానెకు క్యాచ్‌ ఇచ్చాడు. తర్వాతి బంతికి రొసో (0) క్లీన్‌బౌల్డ్‌ అయ్యాడు. 5 ఓవర్లకు స్కోరు 26/3. యశ్‌ ధుల్ (0), డేవిడ్ వార్నర్ (18) పరుగులతో ఉన్నారు.

20/05/2023 17:16(IST)

అదరగొట్టిన చెన్నై బ్యాటర్లు.. దిల్లీ ముందు భారీ లక్ష్యం

దిల్లీ క్యాపిటల్స్‌తో జరుగుతున్న మ్యాచ్‌లో చెన్నై సూపర్‌ కింగ్స్‌ బ్యాటర్లు దంచికొట్టారు. దీంతో నిర్ణీత 20 ఓవర్లలో 3 వికెట్ల నష్టానికి 223 పరుగులు చేసింది. ఓపెనర్లు రుతురాజ్‌ గైక్వాడ్ (79; 50 బంతుల్లో 3 ఫోర్లు, 7 సిక్స్‌లు), డేవాన్‌ కాన్వే (87; 52 బంతుల్లో 11 ఫోర్లు, 3 సిక్స్‌లు) అర్ధ శతకాలతో మెరిశారు. చివర్లో శివమ్‌ దూబె (22; 9 బంతుల్లో 3 సిక్స్‌లు), రవీంద్ర జడేజా (20*; 7 బంతుల్లో 3 ఫోర్లు, 1 సిక్స్‌) మెరుపులు మెరిపించారు. దిల్లీ బౌలర్లలో ఖలీల్ అహ్మద్‌, నోకియా, చేతన్‌ సకారియా ఒక్కో వికెట్ పడగొట్టారు.

20/05/2023 16:40(IST)

రుతురాజ్‌ ఔట్

చెన్నై సూపర్‌ కింగ్స్‌ మొదటి వికెట్ కోల్పోయింది. రుతురాజ్‌ గైక్వాడ్ (79) ఔటయ్యాడు. సకారియా వేసిన 14.3 ఓవర్‌కు రొసోకు క్యాచ్‌ ఇచ్చాడు. తర్వాత డేవాన్‌ కాన్వే ఓ ఫోర్ బాదాడు. 15 ఓవర్లకు స్కోరు 148/1. డేవాన్‌ కాన్వే (65), శివమ్ దూబె (1) క్రీజ్‌లో ఉన్నారు.

20/05/2023 16:38(IST)

సిక్స్‌తో ఫిప్టీ

డేవాన్‌ కాన్వే కూడా అర్ధ శతకం పూర్తి చేసుకున్నాడు. ఖలీల్‌ అహ్మద్ వేసిన 14వ ఓవర్‌లో తొలి బంతికి సిక్స్‌ బాది హాఫ్‌ సెంచరీ అందుకున్నాడు. తర్వాత కాన్వే ఓ బౌండరీ బాదాడు. 14 ఓవర్లకు స్కోరు 140/0. రుతురాజ్ గైక్వాడ్ (79), కాన్వే (59) పరుగులతో ఉన్నారు.

20/05/2023 16:17(IST)

రుతురాజ్‌ 50

రుతురాజ్‌ గైక్వాడ్ దూకుడు పెంచాడు. అక్షర్ పటేల్ వేసిన 10వ ఓవర్‌లో వరుసగా రెండు సిక్స్‌లు బాదాడు. తర్వాత సింగిల్‌ తీసి అర్ధ శతకం అందుకున్నాడు. 10 ఓవర్లకు చెన్నై స్కోరు 87/0. డేవాన్‌ కాన్వే (35) పరుగులతో ఉన్నాడు.

20/05/2023 15:55(IST)

50 కొట్టేసిన ఓపెనర్లు

5 ఓవర్లు: చెన్నై ఓపెనర్లు డేవన్ కాన్వే (27*), రుతురాజ్‌ గైక్వాడ్ (21*) తొలి వికెట్‌కు హాఫ్‌ సెంచరీ భాగస్వామ్యం నిర్మించారు. ఆన్రిచ్‌ నోకియా వేసిన ఈ ఓవర్‌లో రెండు ఫోర్లు సహా 9 పరుగులు వచ్చాయి. దీంతో చెన్నై స్కోరు 50/0కి చేరింది.

20/05/2023 15:51(IST)

1000 దాటిన సిక్స్‌లు

టోర్నీలో మొత్తం సిక్స్‌లు వెయ్యి దాటాయి. అక్షర్ పటేల్ వేసిన ఈ ఓవర్‌లో రుతురాజ్‌ గైక్వాడ్ (20*) అద్భుతమైన సిక్స్‌ కొట్టాడు. దీంతో ఐపీఎల్‌ 2023 సీజన్‌లో సిక్స్‌లు 1001కి చేరాయి. ఈ ఓవర్‌లో 11 పరుగులు రావడంతో చెన్నై స్కోరు 4 ఓవర్లకు 41/0కి చేరింది. క్రీజ్‌లో గైక్వాడ్‌తోపాటు డేవన్ కాన్వే (19*) ఉన్నాడు.

20/05/2023 15:42(IST)

కాన్వే సిక్స్‌.. గైక్వాడ్ ఫోర్

2 ఓవర్లు: దిల్లీ కెప్టెన్‌ డేవిడ్‌ వార్నర్‌ రెండో ఓవర్‌లోనే స్పిన్నర్‌ను రంగంలోకి దింపాడు. లలిత్ యాదవ్‌ వేసిన ఈ ఓవర్‌లో డేవన్ కాన్వే (8*) సిక్స్‌, రుతురాజ్‌ (10*) ఫోర్ బాదారు. ఈ ఓవర్‌లో 13 పరుగులు రావడంతో చెన్నై స్కోరు 19/0కి చేరింది.

20/05/2023 15:31(IST)

చెన్నై బ్యాటింగ్‌ ప్రారంభం

చెన్నై సూపర్‌ కింగ్స్‌ బ్యాటింగ్‌ ప్రారంభించింది. ఓపెనర్లుగా రుతురాజ్‌ గైక్వాడ్, డేవన్ కాన్వే క్రీజ్‌లోకి వచ్చారు. మొదటి ఓవర్‌ను దిల్లీ బౌలర్‌ ఖలీల్ అహ్మద్ వేస్తున్నాడు. ఈ మ్యాచ్‌లో దిల్లీ క్యాపిటల్స్‌ కొత్త జెర్సీతో బరిలోకి దిగింది. రెయిన్‌బో కలర్స్‌తో కూడిన జెర్సీని దిల్లీ ఆటగాళ్లు ధరించారు.

20/05/2023 15:02(IST)

టాస్‌ నెగ్గిన ధోనీ

దిల్లీ క్యాపిటల్స్‌తో కీలక మ్యాచ్‌లో చెన్నై సూపర్ కింగ్స్‌ టాస్‌ నెగ్గింది. కెప్టెన్ ఎంఎస్ ధోనీ బ్యాటింగ్‌ ఎంచుకున్నాడు. ప్రస్తుతం పాయింట్ల పట్టికలో చెన్నై (15 పాయింట్లు) రెండో స్థానంలో ఉంది. తొలి మ్యాచ్‌ నుంచి విజయం సాధించేందుకే ఆడామని ‘‘మా జట్టు సమతూకంగా ఉంది. కాబట్టి, ఎలాంటి మార్పులు లేకుండానే బరిలోకి దిగుతున్నాం. మ్యాచ్‌ జరిగే కొద్దీ పిచ్‌ నెమ్మదించే అవకాశం ఉంది. అందుకే బ్యాటింగ్‌ ఎంచుకున్నాం’’ అని ధోనీ చెప్పాడు.

20/05/2023 14:16(IST)

బ్యాటర్లు విజృంభించాలి..

సీఎస్‌కే బ్యాటర్లు మరోసారి తమ విశ్వరూపం చూపించాలి. ఓపెనర్లు డేవన్ కాన్వే, రుతురాజ్‌ మంచి ఆరంభం ఇవ్వాలి. ఆ తర్వాత రహానె, దూబె ఫర్వాలేదనిపిస్తున్నా.. అంబటి రాయుడు వరుసగా విఫలం కావడం సీఎస్‌కేకు నష్టం కలిగిస్తోంది. కీలకమైన ఈ పోరులో తన సత్తా ఏంటో నిరూపించాల్సిన అవసరం ఉంది. లోయర్‌ఆర్డర్‌లో జడేజా, ఎంఎస్ ధోనీ బ్యాట్‌ను ఝుళిపిస్తే.. దిల్లీ ఎదుట భారీ లక్ష్యం నిర్దేశించే అవకాశం ఉంది. లేకపోతే డేవిడ్ వార్నర్, మిచెల్ మార్ష్‌, ఫిలిప్ సాల్ట్, పృథ్వీషాతో కూడిన టాప్‌ఆర్డర్‌ చెలరేగితే ప్రత్యర్థి జట్టుకు చాలా కష్టం. చెన్నై బౌలర్లు వారిని అడ్డుకొనేందుకు ప్రత్యేక ప్రణాళికతో బరిలోకి దిగాలి.

20/05/2023 14:15(IST)

గత మ్యాచ్‌లో దిల్లీపై ఆధిక్యం..

ఈ సీజన్‌లోనే చెపాక్‌ వేదికగా దిల్లీతో జరిగిన మ్యాచ్‌లో చెన్నై విజయం సాధించింది. దిల్లీకి నిర్దేశించిన 168 పరుగుల లక్ష్యాన్ని కాపాడుకొని మరీ 27 పరుగుల తేడాతో గెలిచింది. దీంతో మరోసారి దిల్లీని ఓడించి ఎలాంటి ఇబ్బంది లేకుండా ప్లేఆఫ్స్‌కు చేరుకోవాలని సీఎస్‌కే అభిమానులు ఆశిస్తున్నారు. మరోవైపు పంజాబ్‌తో జరిగిన గత మ్యాచ్‌లో దిల్లీ విజయం సాధించి 10 పాయింట్లతో 9వ స్థానంలోకి చేరింది. దిల్లీ వేదికగా జరిగే మ్యాచ్‌కావడంతో క్యాపిటల్స్‌ను తేలిగ్గా తీసుకోవడానికి వీల్లేదు. కెప్టెన్‌ ధోనీకిదే చివరి సీజన్‌ అని ప్రచారం జరుగుతున్న వేళ.. సీఎస్‌కేకు ఐదో కప్‌ను అందించి వెళ్లాలనేది ఆ జట్టు సగటు అభిమాని కోరిక. మరి ఈ మ్యాచ్‌లోనే గెలిచి చెన్నై ప్లేఆఫ్స్‌కు చేరుకుంటుందో.. లేదో తెలియాలంటే వేచి చూడాల్సిందే.

20/05/2023 14:15(IST)

గెలిస్తే బెర్తు ఖాయం

ప్రస్తుతం పాయింట్ల పట్టికలో చెన్నై సూపర్ కింగ్స్‌ (CSK) 15 పాయింట్లతో రెండో స్థానంలో కొనసాగుతోంది. ఆ తర్వాత లఖ్‌నవూ కూడా 15 పాయింట్లతో ఉన్నప్పటికీ.. నెట్‌రన్‌రేట్‌ కారణంగా మూడో స్థానంలో ఉంది. దిల్లీతో మ్యాచ్‌లో ధోనీ సేన విజయం సాధిస్తే అప్పుడు సీఎస్‌కే ఖాతాలో 17 పాయింట్లు వచ్చి చేరతాయి. దీంతో ఎలాంటి ఇబ్బంది లేకుండా ప్లేఆఫ్స్‌లోకి వెళ్లిపోతుంది. మంచి రన్‌రేట్‌తో విజయం నమోదు చేస్తే రెండో స్థానం దక్కే అవకాశమూ లేకపోలేదు. అప్పుడు క్వాలిఫయర్‌ మ్యాచ్‌లను ఆడొచ్చు. ఒక వేళ ఈ మ్యాచ్‌లో ఓడితే మాత్రం లఖ్‌నవూ, ముంబయి, బెంగళూరు జట్ల ఫలితాలపై ఆధారపడాల్సి వస్తుంది.

App

DC vs CSK: దిల్లీ ఓటమి.. ప్లేఆఫ్స్‌కు దూసుకెళ్లిన చెన్నై

తాజా వార్తలు (Latest News)

OTT తర్వాత థియేటర్‌లోకి.. ఇలా జరగడం ఇదే తొలిసారి

Train accident: గూడ్స్‌ రైలును ఢీకొట్టిన కోరమాండల్‌ ఎక్స్‌ప్రెస్‌.. ఏడు బోగీలు బోల్తా!

Cyber Crime: రూ.5 జీఎస్టీ కట్టాలని చెప్పి.. రూ.లక్ష కాజేశాడు!

Imran Khan: రూ.1500 కోట్ల పరువు నష్టం దావా వేసిన ఇమ్రాన్‌ఖాన్‌

Hyderabad: పెట్రోల్‌ బంకు సమీపంలో ప్రైవేటు ట్రావెల్స్‌ బస్సు దగ్ధం

Amit Shah: మణిపుర్‌ కల్లోలం.. అమిత్‌ షా వార్నింగ్ ఎఫెక్ట్‌ కనిపిస్తోందా..?

సుఖీభవ

చదువు