Feedback | E-PAPER | Pratibha

GT vs CSK: గుజరాత్ గెలుపు.. చెన్నైపై 5 వికెట్ల తేడాతో విజయం

ఐపీఎల్‌-16 (IPL 2023) సీజన్‌ ప్రారంభమైంది. అహ్మదాబాద్‌ వేదికగా డిఫెండింగ్‌ ఛాంపియన్‌ గుజరాత్‌ టైటాన్స్‌ (Gujarat Titans) తో చెన్నై సూపర్‌ కింగ్స్‌ (Chennai Super Kings) తలపడుతోంది. తొలుత బ్యాటింగ్‌ చేసిన చెన్నై నిర్ణీత 20 ఓవర్లలో 7 వికెట్ల నష్టానికి 178 పరుగులు చేసింది. ఈ లక్ష్యాన్ని గుజరాత్ 5 వికెట్లు కోల్పోయి 19.2 ఓవర్లలో ఛేదించింది. ఈ మ్యాచ్‌ లైవ్‌ అప్‌డేట్స్‌ మీకోసం..

Updated : 31 Mar 2023 23:39 IST

01/04/2023 00:16(IST)

ప్లేయర్‌ ఆఫ్‌ ది మ్యాచ్‌గా రషీద్‌ ఖాన్‌

గుజరాత్‌ విజయంలో కీలక పాత్ర పోషించిన రషీద్‌ఖాన్‌కు ప్లేయర్‌ ఆఫ్‌ ది మ్యాచ్‌ అవార్డు వచ్చింది. బౌలింగ్‌లో రెండు వికెట్లు తీయడంతో పాటు, బ్యాటింగ్‌ విలువైన సమయంలో 3 బంతుల్లో 10 పరుగులు చేసి గుజరాత్‌ను విజయతీరాలకు చేర్చాడు.

31/03/2023 22:46(IST)

రెండో వికెట్.. సగం ఓవర్లు పూర్తి

గుజరాత్ టైటాన్స్‌ రెండో వికెట్ కోల్పోయింది. రాజ్యవర్ధన్‌ హంగార్గేకర్‌ వేసిన 9.3 ఓవర్‌కు సాయి సుదర్శన్‌ (22) ధోనీకి క్యాచ్‌ ఇచ్చి ఔటయ్యాడు. 10 ఓవర్లు పూర్తయ్యేసరికి 93/2. గిల్ (38), హార్దిక్‌ పాండ్య (3) క్రీజులో ఉన్నారు.

31/03/2023 22:28(IST)

ఒకే ఓవర్లో 15 పరుగులు

ఇంపాక్ట్‌ ప్లేయర్‌ తుషార్‌ దేశ్‌పాండే వేసిన ఐదో ఓవర్‌లో గుజరాత్‌ బ్యాటర్లు 15 పరుగులు రాబట్టారు. మొదటి బంతికి గిల్ ఫోర్ బాదాడు. మూడో బంతి నో బాల్. ఫ్రీ హిట్‌ను గిల్ సిక్సర్‌గా మలిచాడు. 5 ఓవర్లకు గుజరాత్ స్కోరు 56/1. సాయి సుదర్శన్‌ (6), గిల్ (21) క్రీజులో ఉన్నారు.

31/03/2023 22:15(IST)

తొలి వికెట్‌ డౌన్‌.. వృద్ధిమాన్‌ సాహా ఔట్‌

చెన్నైతో జరుగుతున్న మ్యాచ్‌లో గుజరాత్‌ తొలి వికెట్‌ కోల్పోయింది. హంగార్గేకర్‌ వేసిన నాలుగో ఓవర్‌ ఐదో బంతికి భారీ షాట్‌ ఆడిన వృద్ధిమాన్‌ సాహా (25 ) బౌండరీ వద్ద శివం దుబే చేతికి చిక్కాడు.

31/03/2023 21:34(IST)

గుజరాత్ టార్గెట్ ఎంతంటే?

గుజరాత్‌తో జరుగుతున్న మ్యాచ్‌లో చెన్నై సూపర్‌ కింగ్స్‌ బ్యాటింగ్‌ ముగిసింది. నిర్ణీత 20 ఓవర్లలో 7 వికెట్ల నష్టానికి 178 పరుగులు చేసింది. రుతురాజ్‌ గైక్వాడ్ (92; 50 బంతుల్లో) సెంచరీ మిస్‌ చేసుకున్నాడు. గుజరాత్‌ బౌలర్లలో రషీద్ ఖాన్‌, అల్జారీ జోసెఫ్‌, షమి తలో రెండు వికెట్లు పడగొట్టగా.. లిటిల్ ఒక్క వికెట్ తీశాడు.

31/03/2023 21:15(IST)

రుతురాజ్ సెంచరీ మిస్‌

రుతురాజ్‌ గైక్వాడ్ (92) త్రుటిలో సెంచరీ మిస్‌ చేసుకున్నాడు. అల్జారీ జోసెఫ్‌ వేసిన 17.1 ఓవర్‌కు శుభ్‌మన్‌ గిల్‌కు క్యాచ్‌ ఇచ్చి ఔటయ్యాడు. ఇదే ఓవర్‌లో మూడో బంతికి రవీంద్ర జడేజా (1) విజయ్‌ శంకర్‌కు క్యాచ్‌ ఇచ్చి పెవిలియన్‌ చేరాడు. 18 ఓవర్లకు చెన్నై స్కోరు 155/6. ధోనీ (1), శివమ్‌ దూబె (11) క్రీజులో ఉన్నారు.

31/03/2023 20:27(IST)

రుతురాజ్‌ హాఫ్‌ సెంచరీ

సీఎస్కే ఓపెనర్‌ రుతురాజ్‌ గైక్వాడ్ దూకుడు ఆడుతున్నాడు. అల్జారీ జోసెఫ్‌ వేసిన 9 ఓవర్‌లో మూడు సిక్సర్లు బాదాడు. ఈ క్రమంలోనే కేవలం 23 బంతుల్లోనే హాఫ్‌ సెంచరీ పూర్తి చేసుకున్నాడు. 9 ఓవర్లకు స్కోరు 90/3. రుతురాజ్‌ (56), అంబటి రాయుడు (1) క్రీజులో ఉన్నారు.

31/03/2023 20:20(IST)

సీఎస్కేకు బిగ్ షాక్‌.

సీఎస్కేకు బిగ్ షాక్‌. మంచి హిట్టర్‌గా పేరున్న బెన్‌ స్టోక్స్‌ (7) పరుగులకే వెనుదిరిగాడు. రషీద్‌ఖాన్‌ వేసిన 7.4 ఓవర్‌కు వికెట్ కీపర్‌ సాహాకు క్యాచ్‌ ఇచ్చి ఔటయ్యాడు. దీంతో 70 పరుగుల వద్ద చెన్నై మూడో వికెట్ కోల్పోయింది. 8 ఓవర్లకు సీఎస్కే స్కోరు 72/3. రుతురాజ్‌ గైక్వాడ్ (38), అంబటి రాయుడు (1) క్రీజులో ఉన్నారు.

31/03/2023 20:06(IST)

కాన్వే ఔట్

చెన్నై సూపర్‌ కింగ్స్‌ రెండో వికెట్ కోల్పోయింది. రషీద్‌ఖాన్‌ వేసిన 5.5 ఓవర్‌కు కాన్వే (23) వికెట్ కీపర్‌ సాహాకు క్యాచ్‌ ఇచ్చి ఔటయ్యాడు. పవర్‌ ప్లే పూర్తయ్యేసరికి సీఎస్కే స్కోరు 51/2. బెన్‌ స్టోక్స్‌ (1), రుతురాజ్‌ (24) క్రీజులో ఉన్నారు.

31/03/2023 20:01(IST)

ఇప్పుడు మొయిన్‌ అలీ వంతు

గత ఓవర్‌లో రుతురాజ్‌ దూకుడు చూపించగా.. షమి వేసిన ఐదో ఓవర్‌లో మొయిన్‌ అలీ ధాటిగా ఆడాడు. మూడో బంతికి ఫోర్‌ బాదాడు. నాలుగో బంతి నో బాల్ కావడంతో ఫ్రీ హిట్‌ వచ్చింది. దాన్ని అతడు సిక్సర్‌గా మలిచాడు. ఐదో బంతికి ఫోర్‌ బాదాడు. 5 ఓవర్లకు స్కోరు 46/1. రుతురాజ్ (24), మొయిన్‌ అలీ (19) క్రీజులో ఉన్నారు.

31/03/2023 19:45(IST)

షమి వందో వికెట్

చెన్నై సూపర్‌ కింగ్స్‌ మొదటి వికెట్‌ కోల్పోయింది. షమి వేసిన రెండో ఓవర్‌లో రెండో బంతికి కాన్వే (1) క్లీన్‌బౌల్డ్ అయ్యాడు. షమికి ఐపీఎల్‌లో ఇది 100 వికెట్‌ కావడం విశేషం. ఈ ఓవర్‌లో తర్వాతి నాలుగు బంతులకు పరుగులు రాలేదు. మూడు ఓవర్లకు సీఎస్కే స్కోరు 14/1. మొయిన్‌ అలీ (0), రుతురాజ్‌ గైక్వాడ్ (12) క్రీజులో ఉన్నారు.

31/03/2023 19:38(IST)

ప్రారంభమైన మ్యాచ్‌

గుజరాత్, చెన్నై జట్ల మధ్య మ్యాచ్‌ ప్రారంభమైంది. టాస్‌ గెలిచి గుజరాత్ బౌలింగ్‌ ఎంచుకోవడంతో సీఎస్కే బ్యాటింగ్‌కు దిగింది. షమి వేసిన మొదటి ఓవర్‌లో పరుగులు వచ్చాయి. మొదటి ఓవర్‌ పూర్తయ్యేసరికి చెన్నై సూపర్‌ కింగ్స్‌ స్కోరు 2/0. డేవాన్‌ కాన్వే (0 , రుతురాజ్‌ గైక్వాడ్ (1) క్రీజులో ఉన్నారు.

31/03/2023 18:46(IST)

సామి సామి పాటకు అదరగొట్టిన రష్మిక మందాన

సినీ నటి రష్మిక మందాన పుష్ప సినిమాలోని ‘సామి సామి ’, ‘శ్రీ వల్లి’ పాటలకు అదిరిపోయే స్టెప్పులేసి ప్రేక్షకుల్లో జోష్‌ నింపుతోంది.‘ఆర్‌ఆర్‌ఆర్‌’లోని ‘నాటు నాటు’ పాటకూ నృత్యం చేసి అలరించింది.

31/03/2023 18:41(IST)

తమన్నా.. ఊ.. అంటావా మావా.. ఊఊ అంటావా

ఐపీఎల్ ఆరంభ వేడుకల్లో సినీ నటి తమన్నా భాటియా సందడి చేస్తోంది. వివిధ భాషల పాటలకు డ్యాన్స్‌ చేస్తూ ప్రేక్షకులను అలరిస్తోంది. తెలుగు సినిమా ‘పుష్ప’లోని ఊ.. అంటావా మావా.. ఊఊ అంటావా అనే పాటకు కూడా స్టెప్పులేసింది.

31/03/2023 18:25(IST)

వేడుకలకు హాజరైన బీసీసీఐ అధ్యక్షుడు

గుజరాత్ టైటాన్స్‌, చెన్నై సూపర్‌ కింగ్స్‌ జట్ల అభిమానులతో నరేంద్ర మోదీ స్టేడియం నిండిపోయింది. అర్జిత్‌ సింగ్‌ తన గాత్రంతో ప్రేక్షకుల్లో జోష్‌ నింపుతున్నాడు. ఆరంభ వేడుకలకు బీసీసీఐ అధ్యక్షుడు రోజర్‌ బిన్నీ, కార్యదర్శి జై షా హాజరయ్యారు.

31/03/2023 18:06(IST)

వేడుకలు ప్రారంభం

ఐపీఎల్‌ -16 సీజన్‌ ఆరంభ వేడుకలు అహ్మదాబాద్‌లోని నరేంద్ర మోదీ స్టేడియంలో అట్టహాసంగా ప్రారంభమయ్యాయి. స్టార్‌ గాయకుడు అర్జిత్‌ సింగ్‌ తన గాత్రంతో ప్రేక్షకులను మైమరిపిస్తున్నాడు. కరోనా కారణంగా గత మూడేళ్లుగా ఐపీఎల్‌ ఆరంభ వేడుకలు జరగలేదు. దీంతో ఈ సారి ప్రారంభోత్సవాన్ని అదిరేలా నిర్వహించేందుకు బీసీసీఐ ఏర్పాట్లు చేసింది.

31/03/2023 16:46(IST)

IPL 2023: ఆ జట్టుదే ఐపీఎల్‌ 16వ సీజన్‌ టైటిల్‌: మైకెల్ వాన్

ఇండియన్ ప్రీమియర్ లీగ్ (IPL 2023) మెగా టోర్నీ 16వ సీజన్‌ ఇవాళ సాయంత్రం నుంచి ప్రారంభం కానుంది. సినీ స్టార్ల ప్రదర్శనలతో నరేంద్ర మోదీ స్టేడియం హోరెత్తనుంది. తొలి మ్యాచ్‌ గుజరాత్ టైటాన్స్ - చెన్నై సూపర్ కింగ్స్ జట్ల (GT vs CSK) మధ్య జరగనుంది. కొత్తగా వచ్చిన గుజరాత్‌ గతేడాది ఛాంపియన్‌గా నిలిచిన సంగతి తెలిసిందే. అయితే, ఈసారి ఎవరు విజేతగా నిలుస్తారనేది ఆసక్తిగా మారింది. పూర్తి వార్త కోసం క్లిక్‌ చేయండి

31/03/2023 16:40(IST)

Hardik Pandya: ఆ కల తీరిపోయింది.. ఇక అదే మా లక్ష్యం: హార్దిక్‌ పాండ్య

ఈసారి ఐపీఎల్‌ సీజన్‌లో (IPL 2023) గుజరాత్‌ టైటాన్స్‌ సారథి హార్దిక్ పాండ్య (Hardik Pandya) తమ జట్టు ఏం చేయాలనేదానిపై వివరణ ఇచ్చేశాడు. గతేడాది ఛాంపియన్‌గా నిలవడం ఆనందంగా ఉందని, ఇప్పుడు దానిని కొనసాగించడానికి ప్రయత్నిస్తామని వెల్లడించాడు. పూర్తి వార్త కోసం క్లిక్‌ చేయండి

31/03/2023 16:39(IST)

CSK: అత్యుత్తమ ఆల్‌రౌండర్‌.. ఈ స్టార్‌కు మరెవరూ సాటిరారు: హర్భజన్‌ సింగ్‌

ఐపీఎల్‌ (IPL 2023) చరిత్రలో నాలుగు టైటిళ్లను తన ఖాతాలో వేసుకున్న చెన్నై సూపర్ కింగ్స్ (Chennai Super Kings) మరోసారి విజేతగా నిలవడానికి సమాయత్తమైంది. ఐపీఎల్‌ 16వ సీజన్‌లో గుజరాత్‌ టైటాన్స్‌తో (GT vs CSK) చెన్నై తొలి మ్యాచ్‌లో తలపడనుంది. అంతర్జాతీయంగా టాప్‌ ఆల్‌రౌండర్లు సీఎస్‌కే (CSK) ఫ్రాంచైజీ సొంతం. రవీంద్ర జడేజా, బెన్‌ స్టోక్స్, మొయిన్ అలీతోపాటు యువ ఆటగాడు శివమ్‌ దూబే, దీపక్ చాహర్‌ కూడా ఇటు బౌలింగ్‌, బ్యాటింగ్ విభాగాల్లో రాణించగల సమర్థులు కావడం సీఎస్‌కేకు సానుకూలాంశం. పూర్తి వార్త కోసం క్లిక్ చేయండి

31/03/2023 16:36(IST)

GT vs CSK: గుజరాత్‌తో తొలి మ్యాచ్‌.. ధోనీ అందుబాటులో ఉంటాడా..? లేదా..?

ఎప్పుడెప్పుడా అని ఎదురు చూస్తున్న ఐపీఎల్ (IPL 2023) 16వ సీజన్‌ మరికొన్ని గంటల్లో ప్రారంభం కానుంది. సాయంత్రం 6 గంటలకు ప్రారంభోత్సవ కార్యక్రమాలు ఉంటాయి. సినీ తారలు తమన్నా భాటియా, రష్మిక మంధాన ప్రదర్శనలు ఇచ్చేందుకు సిద్ధమవుతున్నారు. అతిపెద్ద మైదానం నరేంద్రమోదీ స్టేడియం వేదికగా గుజరాత్ టైటాన్స్, చెన్నై సూపర్ కింగ్స్ జట్ల (GT vs CSK) మధ్య మొదటి మ్యాచ్‌ జరగనుంది. పూర్తి వార్త కోసం క్లిక్‌ చేయండి

31/03/2023 16:33(IST)

IPL 2023: పడిపోదాం పదహారులో..

ధోని.. ధోని.. అరుపులతో చెపాక్‌ స్టేడియం దద్దరిల్లిపోయే సమయం ఆసన్నమైంది. విరాట్‌ విన్యాసాలకు మంత్రముగ్ధులయ్యేందుకు అభిమానుల కేరింతల్లో మునిగిపోయేందుకు చిన్నస్వామి స్టేడియం సిద్ధమైంది. ఇటు సొంతగడ్డపై సన్‌రైజర్స్‌ హైదరాబాద్‌ ఆట చూసేందుకు తెలుగు అభిమానులు సై అంటున్నారు. నాలుగేళ్ల తర్వాత మళ్లీ ఇంటా, బయట మ్యాచ్‌లతో పాత విధానంతో.. కొన్ని మార్పులతో కొత్తగా ముస్తాబైన ఐపీఎల్‌ వచ్చేసింది. శుక్రవారం 16వ సీజన్‌కు తెరలేవనుంది. పూర్తి వార్త కోసం క్లిక్‌ చేయండి

App

GT vs CSK: గుజరాత్ గెలుపు.. చెన్నైపై 5 వికెట్ల తేడాతో విజయం

తాజా వార్తలు (Latest News)

Odisha train tragedy: నెత్తుటి పట్టాలపై.. నలిగిపోయిన ‘ప్రేమ గీతాలు’!

Odisha Train Accident: ఆ చిన్నారులను ఆదుకుంటాం.. అదానీ, సెహ్వాగ్‌ల చొరవ!

Social Look: శ్రీలంకలో మృణాళిని రవి సెల్ఫీ.. విష్ణుప్రియ ‘ఎల్లో’ డ్రెస్సు

Bridge Collapse: నిర్మాణంలో ఉండగానే కుప్పకూలిన వంతెన.. వీడియో వైరల్‌

Top Ten News @ 9PM: ఈనాడు.నెట్‌లో టాప్‌ 10 వార్తలు

Crime News: ఖమ్మంలో వైద్య విద్యార్థిని ఆత్మహత్య

సుఖీభవ

చదువు