Feedback | E-PAPER | Pratibha

MI vs GT: గుజరాత్‌పై ముంబయి విజయం.. సూర్యకు ‘ప్లేయర్‌ ఆఫ్‌ ది మ్యాచ్‌’

ఐపీఎల్ 2023 సీజన్‌లో (IPL 2023) గుజరాత్‌ టైటాన్స్‌పై ముంబయి ఇండియన్స్‌ 27 పరుగుల తేడాతో విజయం సాధించింది. తొలుత ముంబయి 218/5 స్కోరు సాధించగా.. అనంతరం లక్ష్య ఛేదనలో రషీద్ ఖాన్ (79: 32 బంతుల్లో 3 ఫోర్లు, 10 సిక్స్‌లు) మెరుపు ఇన్నింగ్స్‌ ఆడినప్పటికీ.. గుజరాత్ 191/8 స్కోరుకే పరిమితమై ఓటమిపాలైంది. దీంతో పాయింట్ల పట్టికలో ముంబయి మూడో స్థానానికి చేరుకుంది. అంతకుముందు సూర్య కుమార్‌ (103*: 49 బంతుల్లో 11 ఫోర్లు, 6 సిక్స్‌లు) శతకం సాధించాడు.

Updated : 12 May 2023 23:57 IST

12/05/2023 23:32(IST)

ముంబయి విజయం

20 ఓవర్లు: ముంబయి విజయం సాధించింది. చివరి వరకూ క్రీజ్‌లో ఉన్న రషీద్ ఖాన్ (79*: 32 బంతుల్లో 3 ఫోర్లు, 10 సిక్స్‌లు) ఓ దశలో ముంబయిని భయపెట్టాడు. అయితే ఛేదన భారీగా ఉండటంతో గుజరాత్ 20 ఓవర్లకు 191/8 స్కోరుకేపరిమితమైంది. దీంతో ముంబయి 27 పరుగుల తేడాతో విజయం సాధించింది. చివరి ఓవర్‌లో 48 పరుగులు అవసరం కాగా.. కుమార్‌ కార్తికేయ మూడు సిక్స్‌లు సహా 20 పరుగులు ఇచ్చాడు.

12/05/2023 23:05(IST)

ముగిసిన ఆకాశ్‌ మధ్వాల్‌ స్పెల్‌

16 ఓవర్లు: ఆకాశ్‌ మధ్వాల్ తన నాలుగు ఓవర్ల కోటాను ముగించాడు. మూడు కీలక వికెట్లు తీసి 31 పరుగులు ఇచ్చాడు. ఈ ఓవర్‌లో ఫోర్ సహా ఆరు వచ్చాయి. దీంతో గుజరాత్ స్కోరు 136/8కి చేరింది. క్రీజ్‌లో జోసెఫ్‌ (7*), రషీద్ ఖాన్ (26*) ఉన్నారు. ఆఖరి నాలుగు ఓవర్లలో గుజరాత్‌ విజయానికి 83 పరుగులు చేయాలి.

12/05/2023 22:47(IST)

తెవాతియా కూడా..

గుజరాత్‌కు మళ్లీ షాక్‌ తగిలింది. వరుస బంతుల్లో రెండు కీలక వికెట్లను నష్టపోయింది. పీయూశ్ చావ్లా వేసిన బంతిని (12.1వ ఓవర్) భారీ షాట్‌కు యత్నించిన రాహుల్ తెవాతియా (14) బౌండరీ లైన్‌ వద్ద కామెరూన్ గ్రీన్ చేతికి చిక్కాడు. దీంతో 100 పరుగుల వద్దే గుజరాత్ ఏడో వికెట్‌ను కోల్పోయింది. 13 ఓవర్లు ముగిసేసరికి గుజరాత్ స్కోరు 103/7. క్రీజ్‌లో నూర్ అహ్మద్ (1*), రషీద్ ఖాన్ (2*) ఉన్నారు. ఈ ఓవర్‌లో చావ్లా కేవలం మూడు పరుగులే ఇచ్చాడు.

12/05/2023 22:43(IST)

డేవిడ్ మిల్లర్‌ ఔట్

గుజరాత్‌ కీలక వికెట్‌ను కోల్పోయింది. దూకుడుగా ఆడిన డేవిడ్ మిల్లర్ (41)ను మధ్వాల్ ఎల్బీ చేశాడు. డీఆర్‌ఎస్‌కు వెళ్లినా ప్రయోజనం మాత్రం శూన్యం. దీంతో 100 పరుగుల వద్ద గుజరాత్ ఆరో వికెట్‌ను నష్టపోయింది. 12 ఓవర్లు ముగిసేసరికి గుజరాత్ స్కోరు 100/6.

12/05/2023 22:37(IST)

1 1 0 1 1 4

చావ్లా వేసిన 11వ ఓవర్లో గుజరాత్‌ 8 పరుగులు రాబట్టింది. తొలి రెండు బంతులకు రెండు సింగిల్స్‌ రాగా.. తర్వాత బంతి డాట్‌గా మిగిలింది. చివరి బంతి ఫోర్‌ కాగా.. ఈ ఓవర్లో మొత్తం 8 పరుగులు వచ్చాయి.తెవాతియా (12), డేవిడ్‌ మిల్లర్‌ (33) క్రీజులో ఉన్నారు. 11 ఓవర్లకు స్కోరు 90/5.

12/05/2023 22:25(IST)

డేవిడ్‌ మిల్లర్‌.. భారీ సిక్సర్‌

పియూష్‌ చావ్లా వేసిన 8.3వ బంతికి డేవిడ్‌ మిల్లర్‌ సిక్సర్‌ బాదాడు. ఆ తర్వాతి బంతికి ఫోర్‌ కొట్టాడు. దీంతో మొత్తం ఈ ఓవర్లో 18 పరుగులు వచ్చాయి. డేవిడ్‌ మిల్లర్‌ (29), రాహుల్‌ తెవాతియా (3) క్రీజులో ఉన్నారు. 9 ఓవర్లకు స్కోరు 77/5.

12/05/2023 22:21(IST)

ఎనిమిదో ఓవర్లో 4 పరుగులే

భారీ లక్ష్యాన్ని ఛేదించేందుకు దిగిన గుజరాత్‌ జట్టు కఠిన పరిస్థితులు ఎదుర్కొంటోంది. కార్తికేయ వేసిన 8వ ఓవర్లో ఒక వికెట్‌ కోల్పోయి 4 పరుగులు చేసింది. డేవిడ్‌ మిల్లర్‌ (12), రాహుల్‌ తెవాతియా (2) క్రీజులో ఉన్నారు. 8 ఓవర్లకు స్కోరు 59/5.

12/05/2023 22:09(IST)

ముగిసిన పవర్‌ప్లే

6 ఓవర్లు: రనౌట్‌ అయ్యే ప్రమాదం నుంచి గుజరాత్ బ్యాటర్లు తప్పించుకున్నారు. క్రిస్ జొర్డాన్ వేసిన ఈ ఓవర్‌ చివరి బంతిని డేవిడ్ మిల్లర్ (5*) ఆడాడు. లెగ్‌సైడ్ వికెట్ల వెనుకగా వెళ్లిన బాల్‌ను కీపర్‌ ఇషాన్‌ కిషన్ అద్భుతంగా ఆపాడు. అయితే, నాన్‌స్ట్రైకర్‌లోని విజయ్‌ శంకర్ (29*) పరుగు కోసం ప్రయత్నించాడు. కానీ, బంతిని అందుకొని విసరడంలో ఇషాన్‌ విఫలం కావడంతో విజయ్‌ శంకర్‌ సురక్షితంగా వెనక్కి వచ్చేశాడు. ఈఓవర్‌లో 9 పరుగులు రావడంతో గుజరాత్ టైటాన్స్‌ 48/3కి చేరింది.

12/05/2023 21:58(IST)

గిల్ క్లీన్‌బౌల్డ్‌

శుభ్‌మన్‌ గిల్‌ (6)ను ఆకాశ్‌ మధ్వాల్ క్లీన్‌బౌల్డ్‌ చేశాడు. మంచి ఫామ్‌లో ఉన్న గిల్ వికెట్‌ తీయడంతో ముంబయి సంబరాల్లో తేలింది. మధ్వాల్ వేసిన బంతిని (3.5వ ఓవర్) సరిగా అంచనా వేయలేకపోయిన గిల్ బౌల్డ్‌గా పెవిలియన్‌కు చేరాడు. ఈ ఓవర్‌లో విజయ్ శంకర్ (14*) రెండు బౌండరీలు బాదాడు. మొత్తం 9 పరుగులు రావడంతో గుజరాత్ స్కోరు 4 ఓవర్లకు 26/3కి చేరింది. క్రీజ్‌లో విజయ్‌తోపాటు డేవిడ్ మిల్లర్ ఉన్నాడు.

12/05/2023 21:50(IST)

హార్దిక్‌ పాండ్య ఔట్‌

బౌండరీతో పరుగుల ఖాతా తెరిచిన గుజరాత్ కెప్టెన్ హార్దిక్‌ పాండ్య (4) పెవిలియన్‌కు చేరాడు. బెహ్రాన్‌డార్ఫ్‌ బౌలింగ్‌లో (2.3వ ఓవర్‌) కీపర్‌ ఇషాన్‌ కిషన్‌ చేతికి క్యాచ్‌ ఇచ్చాడు. దీంతో 12 పరుగుల వద్ద గుజరాత్ రెండో వికెట్‌ను నష్టపోయింది. అనంతరం క్రీజ్‌లోకి విజయ్‌ శంకర్ (5*) వచ్చాడు. తాను ఎదుర్కొన్న తొలి బంతినే ఫోర్‌గా మలిచాడు. ఈ ఓవర్‌లో ఆరు పరుగులు రావడంతో గుజరాత్ స్కోరు 17/2కి చేరింది.

12/05/2023 21:47(IST)

గుజరాత్‌కు తొలి షాక్‌

గుజరాత్‌కు మొదటి షాక్‌ తగిలింది. ఓపెనర్‌ వృద్ధిమాన్‌ సాహా (2)ను ఆకాశ్ మధ్వాల్ ఎల్బీ చేశాడు. అయితే, సాహా డీఆర్‌ఎస్‌కు వెళ్లగా.. సమీక్షలో ‘అంపైర్స్‌ కాల్’ రావడంతో సాహా పెవిలియన్‌కు చేరకతప్పలేదు. దీంతో ఏడు పరుగుల వద్ద గుజరాత్ తొలి వికెట్‌ను నష్టపోయింది.అనంతరం క్రీజ్‌లోకి వచ్చిన కెప్టెన్ హార్దిక్ (4*) బౌండరీతో ఖాతా తెరిచాడు. ప్రస్తుతం 2 ఓవర్లకు గుజరాత్ స్కోరు 11/1.

12/05/2023 21:32(IST)

సూర్య రికార్డులే రికార్డులు

సూర్యకుమార్‌కు (103*) ఐపీఎల్‌లో ఇదే అత్యధిక స్కోరు కావడం విశేషం. ముంబయి తరఫున అత్యధిక వ్యక్తిగత స్కోర్లు సాధించిన మూడో బ్యాటర్‌గా సూర్యకుమార్‌ అవతరించాడు. అయితే, గుజరాత్‌పై అత్యధిక పరుగులు చేసిన బ్యాటర్‌ కూడా సూర్యకుమారే. ఒకే సీజన్‌లో ఐదుసార్లు 200+ పరుగులు సాధించిన జట్టుగా ముంబయి రికార్డు సృష్టించింది.

12/05/2023 21:22(IST)

సూర్య తొలి సెంచరీ.. ముంబయి 218/5

సూర్యకుమార్‌ (103*) సెంచరీ సాధించాడు. ఇన్నింగ్స్‌ చివరి బంతిని సిక్స్‌గా మలిచి తన ఐపీఎల్‌ కెరీర్‌లో తొలి శతకం పూర్తి చేశాడు. కేవలం 49 బంతుల్లోనే సెంచరీ మార్క్‌ను అందుకొన్నాడు. హాఫ్‌ సెంచరీను 31 బంతుల్లో చేసిన సూర్య.. కేవలం 18 బంతుల్లోనే మరో అర్ధశతకం సాధించడం విశేషం. అల్జారీ జోసెఫ్‌ వేసిన 20వ ఓవర్‌లో రెండు సిక్స్‌లు సహా 17 పరుగులు వచ్చాయి. దీంతో ముంబయి స్కోరు 218/5కి చేరింది.

12/05/2023 21:04(IST)

టిమ్‌ డేవిడ్ ఔట్

17 ఓవర్లు: రషీద్ ఖాన్‌ మరో కీలక వికెట్‌ను తీశాడు. డేంజరస్‌ బ్యాటర్ టిమ్‌ డేవిడ్‌ (5) అతడికే రిటర్న్‌ క్యాచ్‌ ఇచ్చి పెవిలియన్‌కు చేరాడు. దీంతో 164 పరుగుల వద్ద ముంబయి ఐదో వికెట్‌ను నష్టపోయింది. రషీద్ ఖాన్ రెండుఫోర్లు సహా 11 పరుగులు ఇచ్చాడు.

12/05/2023 21:01(IST)

సూర్యకుమార్‌ హాఫ్ సెంచరీ

ముంబయి స్టార్‌ బ్యాటర్ సూర్యకుమార్‌ యాదవ్ (53*) అర్ధశతకం సాధించాడు. రషీద్ ఖాన్‌ వేసిన బంతిని బౌండరీగా తరలించి ఈ మార్క్‌ను అందుకొన్నాడు. 31 బంతుల్లో హాఫ్‌ సెంచరీ పూర్తి చేశాడు. గత ఏడు ఇన్నింగ్స్‌ల్లో ఐదో అర్ధశతకం కావడం విశేషం.

12/05/2023 20:44(IST)

50+ పార్టనర్‌షిప్‌

14 ఓవర్లు: సూర్యకుమార్‌ యాదవ్ (35*), విష్ణు వినోద్ (28*) నాలుగో వికెట్‌కు అర్ధశతక భాగస్వామ్యం నిర్మించారు. ఇప్పటి వరకు 30 బంతుల్లో 51 పరుగులు జోడించారు. నూర్ అహ్మద్ వేసిన ఈ ఓవర్‌లో ఫోర్ సహా 8 పరుగులు వచ్చాయి. దీంతో ముంబయి స్కోరు 139/3కి చేరింది.

12/05/2023 20:20(IST)

వధెరా ఔట్

9 ఓవర్లు: రషీద్ ఖాన్‌ మరో వికెట్‌ తీశాడు. దూకుడుగా ఉన్న నెహాల్ వధెరా (15)ను బౌల్డ్‌ చేశాడు. ఆఫ్‌ సైడ్‌ వేసిన బంతిని వికెట్ల మీదకు ఆడిన వధెరా పెవిలియన్‌కు చేరాడు. దీంతో 88 పరుగుల వద్ద ముంబయి మూడో వికెట్‌ను కోల్పోయింది. ప్రస్తుతం క్రీజ్‌లో సూర్యకుమార్‌, విష్ణు వినోద్ ఉన్నారు. ముంబయి స్కోరు 88/3.

12/05/2023 20:16(IST)

వధెరా దూకుడు

8 ఓవర్లు: స్వల్ప వ్యవధిలో రెండు వికెట్లను కోల్పోయినప్పటికీ.. ముంబయి స్కోరుబోర్డు మాత్రం పరుగులు పెడుతోంది. నూర్ అహ్మద్ వేసిన ఈ ఓవర్‌లో నెహాల్ వధెరా (14*) సిక్స్‌, ఫోర్ బాదేశాడు. మొత్తం 15 పరుగులు రావడంతో ముంబయి స్కోరు 81/2కి చేరింది.

12/05/2023 20:08(IST)

రెండో షాక్‌

ముంబయికి మళ్లీ షాక్‌ తగిలింది. రషీద్ ఖాన్‌ బౌలింగ్‌లో (6.5వ ఓవర్‌) ఇషాన్‌ కిషన్‌ (31) వికెట్ల ముందు దొరికిపోయాడు. దీంతో 66 పరుగుల వద్ద ముంబయి రెండో వికెట్‌ను కోల్పోయింది. రషీద్ ఖాన్‌ వేసిన ఈ ఓవర్‌లో ఐదు పరుగులు మాత్రమే వచ్చాయి. రెండు కీలక వికెట్లను తీశాడు. ప్రస్తుతం క్రీజ్‌లో నెహాల్ వధెరా, సూర్యకుమార్‌ ఉన్నారు.

12/05/2023 20:06(IST)

రోహిత్ ఔట్

పవర్‌ ప్లేలో దూకుడుగా ఆడిన రోహిత్ శర్మ (29) పెవిలియన్‌కు చేరాడు. రషీద్‌ ఖాన్ వేసిన అద్భుతమైన బంతిని (6.1వ ఓవర్) ఆడే క్రమంలో స్లిప్‌ రాహుల్ తెవాతియాకు దొరికిపోయాడు. దీంతో 61 పరుగుల వద్ద ముంబయి తొలి వికెట్‌ను నష్టపోయింది. క్రీజ్‌లోకి సూర్యకుమార్‌ వచ్చాడు.

12/05/2023 20:02(IST)

ముగిసిన పవర్‌ప్లే

6 ఓవర్లు: ముంబయి ఇన్నింగ్స్‌లో పవర్‌ ప్లే ముగిసింది. నూర్ అహ్మద్‌ వేసిన ఈ ఓవర్‌లో రెండు ఫోర్లు సహా 10 పరుగులు వచ్చాయి. ఆ రెండు బౌండరీలను ఇషాన్‌ కొట్టాడు. దీంతో ముంబయి స్కోరు 61/0. క్రీజ్‌లో ఇషాన్ (31*), రోహిత్ (29*) ఉన్నారు.

12/05/2023 19:59(IST)

50 దాటిన స్కోరు

ముంబయి స్కోరు 50 దాటింది. ఆరంభం నుంచే దూకుడుగా ఆడుతున్న రోహిత్ శర్మ (28*), ఇషాన్‌ కిషన్ (22*) అదే ఊపును కొనసాగిస్తున్నారు. రషీద్ ఖాన్‌ వేసిన ఈ ఓవర్‌లో ఏడు పరుగులు వచ్చాయి. ప్రస్తుతం ముంబయి స్కోరు 5 ఓవర్లకు 51/0. రోహిత్ శర్మ ఔట్ కోసం గుజరాత్‌ డీఆర్‌ఎస్‌కు వెళ్లినా ఫలితం మాత్రం సానుకూలంగా రాలేదు.

12/05/2023 19:40(IST)

3 డాట్‌లు.. 3 బౌండరీలు

2 ఓవర్లు: రోహిత్ శర్మ (15*) విజృంభించాడు. మోహిత్ శర్మ వేసిన ఈ ఓవర్‌లో మూడు బంతులను బౌండరీలుగా తరలించి... మరో మూడింటిని డాట్‌బాల్స్‌ చేశాడు. ఇందులో ఒక సిక్స్‌, రెండు ఫోర్లు ఉన్నాయి. ఈ ఓవర్‌లో 14 పరుగులు రావడంతో ముంబయి స్కోరు 20/0కి చేరింది.

12/05/2023 19:09(IST)

గత మ్యాచ్‌ మాదిరిగానే: రోహిత్

కీలక సమయంలో విజయాలు సాధించడం బాగుంది. ప్రతి మ్యాచ్‌ను గెలవడానికి చివరి వరకు ప్రయత్నిస్తున్నాం. మా బ్యాటింగ్, బౌలింగ్‌ విభాగాల్లో రాణించడం బాగుంది. ఇతర విషయాలు గురించి ఆలోచించకుండా నాణ్యమైన ఆటతీరును ప్రదర్శించాలనేది మా లక్ష్యం.

12/05/2023 19:01(IST)

టాస్‌ నెగ్గిన గుజరాత్

ముంబయితో పోరులో గుజరాత్‌ టైటాన్స్ టాస్‌ నెగ్గింది. కెప్టెన్ హార్దిక్‌ పాండ్య బౌలింగ్‌ ఎంచుకున్నాడు. మ్యాచ్ జరిగే కొద్దీ తేమ ప్రభావం చూపే అవకాశం ఉండటంతో తొలుత బౌలింగ్ ఎంచుకున్నట్లు హార్దిక్‌ తెలిపాడు. ‘‘ఛేజింగ్‌కు పిచ్ అనుకూలంగా ఉంటుంది. ప్రతి మ్యాచ్‌ కీలకమని తెలుసు. మా ప్రణాళికలను పక్కాగా అమలు చేసేందుకు ప్రయత్నిస్తాం. ప్రతి ఓటమి నుంచి గుణపాఠాలు నేర్చుకుంటున్నాం. మరోసారి తప్పిదాలు పునరావృతం కాకుండా చూసుకుంటున్నాం’’ అని పాండ్య చెప్పాడు.

App

MI vs GT: గుజరాత్‌పై ముంబయి విజయం.. సూర్యకు ‘ప్లేయర్‌ ఆఫ్‌ ది మ్యాచ్‌’

తాజా వార్తలు (Latest News)

నయన చిత్రం.. ప్రతీకార నేపథ్యం

శ్రీవారి సర్వదర్శనానికి 24 గంటలు

బ్యాటింగ్‌ ఎంచుకోవాల్సింది: మాజీ కోచ్‌ రవిశాస్త్రి

భారతీయులకు వీసాల మంజూరులో జాప్యమేల?

ప్రియుడి మర్మాంగం కోసిన యువతి

భారత్‌లో మహిళలకు బైపాస్‌ సర్జరీ అనంతర ముప్పు తక్కువే!

సుఖీభవ

చదువు