Feedback | E-PAPER | Pratibha

PBKS vs RR: పంజాబ్‌పై అద్భుత విజయం.. నిలిచిన రాజస్థాన్‌ ప్లేఆఫ్స్‌ ఆశలు!

ఐపీఎల్ 2023 సీజన్‌లో (IPL 2023) తన చివరి లీగ్‌ మ్యాచ్‌లో పంజాబ్ కింగ్స్‌పై రాజస్థాన్‌ రాయల్స్‌ నాలుగు వికెట్ల తేడాతో విజయం సాధించింది. పంజాబ్‌ కింగ్స్‌ నిర్దేశించిన 188 పరుగుల టార్గెట్‌ను రాజస్థాన్‌ 19.4 ఓవర్లలో ఆరు వికెట్లను కోల్పోయి ఛేదించింది. యశస్వి జైస్వాల్ (50), దేవదత్ పడిక్కల్ (51), షిమ్రోన్ హెట్మయెర్ (46) కీలక ఇన్నింగ్స్‌ ఆడారు. రబాడ 2.. సామ్ కరన్, అర్ష్‌దీప్‌ సింగ్, నాథన్‌ ఎల్లిస్, రాహుల్ చాహర్‌ తలో వికెట్‌ తీశారు. దీంతో తమ ప్లేఆఫ్స్‌ అవకాశాలను సజీవంగా ఉంచుకుంది. మరోవైపు పంజాబ్ ఇంటిముఖం పట్టింది. బెంగళూరు, ముంబయి తమ చివరి మ్యాచుల్లో ఓడితే రాజస్థాన్‌కు అవకాశం దక్కుతుంది.

Updated : 19 May 2023 23:33 IST

19/05/2023 23:25(IST)

రాజస్థాన్‌ విజయం

రాజస్థాన్‌ విజయం సాధించింది. ప్లేఆఫ్స్‌ అవకాశాలను సాంకేతికంగా సజీవంగా ఉంచుకుంది. చివరి ఓవర్‌లో 9 పరుగులు అవసరం కాగా.. మూడు బంతులకు నాలుగు పరుగులు వచ్చాయి. రాహుల్‌ చాహర్‌ వేసిన నాలుగో బంతిని రాజస్థాన్‌ ఇంపాక్ట్‌ ప్లేయర్‌ ధ్రువ్ జురెల్ (10*) సిక్స్‌గా మలిచి రాజస్థాన్‌ను గెలిపించాడు.

19/05/2023 23:18(IST)

ధావన్‌ సూపర్ క్యాచ్‌

శిఖర్ ధావన్‌ అదిరిపోయే క్యాచ్‌ పట్టాడు. కీలకమైన హెట్మయెర్ (46) వికెట్‌ను రాజస్థాన్‌ కోల్పోయింది. సామ్‌ కరన్‌ బౌలింగ్‌లో షాట్‌కు యత్నించి ధావన్‌ చేతికి చిక్కాడు. దీంతో 179 పరుగుల వద్ద రాజస్థాన్ ఆరో వికెట్‌ను కోల్పోయింది. అంతకుముందు వరుసగా రెండు బంతులను ఫోర్లను మలిచాడు. చివరి ఓవర్‌లో రాజస్థాన్‌ విజయానికి 9 పరుగులు అవసరం. క్రీజ్‌లో ధ్రువ్‌ జురెల్, ట్రెంట్ బౌల్ట్‌ ఉన్నారు.

19/05/2023 23:13(IST)

పరాగ్‌ ఔట్

18 ఓవర్లు: రాజస్థాన్‌ ఐదో వికెట్‌ను నష్టపోయింది. రబాడ వేసిన ఈ ఓవర్‌ చివరి బంతికి రియాన్‌ పరాగ్ (20) ఔటయ్యాడు. అథర్వ తైడేకి క్యాచ్‌ ఇచ్చాడు. దీంతో 169 పరుగుల వద్ద రాజస్థాన్‌ ఐదో వికెట్‌ను నష్టపోయింది. చివరి రెండు ఓవర్లలో రాజస్థాన్‌ విజయానికి 19 పరుగులు కావాలి. ఇంపాక్ట్‌ ప్లేయర్‌గా చాహల్‌ స్థానంలో జురెల్‌ బ్యాటింగ్‌కు దిగాడు.

19/05/2023 23:07(IST)

ఈ సారి క్యాచ్‌

17 ఓవర్లు: గత ఓవర్‌లో ఫీల్డింగ్‌ మిస్‌ కారణంగా బౌండరీ ఇచ్చిన పంజాబ్ ఆటగాళ్లు.. ఈసారి కీలకమైన హెట్మెయర్‌ (37*) ఇచ్చిన సులువైన క్యాచ్‌ను బ్రార్‌ వదిలేశాడు. సామ్‌ కరన్‌ వేసిన ఈ ఓవర్‌లో కేవలం ఆరు పరుగులే వచ్చాయి. దీంతో రాజస్థాన్‌ స్కోరు 155/4కి చేరింది. చివరి 18 బంతుల్లో రాజస్థాన్‌కు 33 పరుగులు అవసరం.

19/05/2023 22:49(IST)

యశస్వి ఔట్

యశస్వి (50*) హాఫ్‌ సెంచరీ సాధించిన తర్వాత నాథన్ ఎల్లిస్‌ బౌలింగ్‌లో (14.3 ఓవర్లు) సబ్‌స్టిట్యూట్ రిషి ధావన్‌ చేతికి చిక్కాడు. దీంతో 137 పరుగుల వద్ద రాజస్థాన్‌ నాలుగో వికెట్‌ను నష్టపోయింది. ఈ ఓవర్‌లో ఎల్లిస్‌ ఏడు పరుగులు ఇచ్చాడు. దీంతో రాజస్థాన్‌ స్కోరు 15 ఓవర్లకు 141/4కి చేరింది. క్రీజ్‌లో షిమ్రోన్ (29*), రియాన్ పరాగ్ (3*) ఉన్నారు. చివరి ఐదు ఓవర్లలో రాజస్థాన్‌ విజయానికి 47 పరుగులు కావాలి.

19/05/2023 22:34(IST)

హెట్‌మయర్‌ సిక్సర్‌

అర్షదీప్‌ సింగ్‌ వేసిన 11.4వ బంతికి హెట్‌మయర్‌ సిక్సర్‌ బాదాడు. ఫుల్‌టాస్‌ బంతిని నేరుగా బౌండరీ అవతలికి పంపించాడు. దీంతో ఈ ఓవర్లో మొత్తం 12 పరుగులు వచ్చాయి. హెట్‌మయర్‌ (8), జైశ్వాల్‌ (39) క్రీజులో ఉన్నారు. 12 ఓవర్లకు స్కోరు 103/3.

19/05/2023 22:24(IST)

పడిక్కల్‌ ఔట్‌..

రాజస్థాన్‌ రెండో వికెట్‌ కోల్పోయింది.అర్ధశతకం పూర్తి చేసుకున్న పడిక్కల్‌ అర్షదీప్‌ వేసిన 9.5వ బంతికి భారీ షాట్‌కు ప్రయత్నించి హర్‌ప్రీత్‌ బ్రార్‌కు క్యాచ్‌ ఇచ్చి వెనుదిరిగాడు. శాంసన్‌ క్రీజులోకి వచ్చాడు. 10 ఓవర్లకు స్కోరు 86/2.

19/05/2023 21:44(IST)

బట్లర్‌ డకౌట్

రాజస్థాన్‌కు తొలి షాక్‌ తగిలింది. ఓపెనర్ జోస్ బట్లర్ (0) పరుగులేమీ చేయకుండా రబాడ బౌలింగ్‌లో ఔటయ్యాడు. వికెట్ల ముందు దొరికి పోవడంతో రాజస్థాన్‌ తొలి వికెట్‌ను నష్టపోయింది. అనంతరం క్రీజ్‌లోకి వచ్చిన దేవదత్ పడిక్కల్‌ (4*) బౌండరీ కొట్టాడు. ప్రస్తుతం రాజస్థాన్‌ స్కోరు 2 ఓవర్లకు 16/1. క్రీజ్‌లో పడిక్కల్‌తోపాటు యశస్వి (12*) ఉన్నాడు.

19/05/2023 21:35(IST)

రాజస్థాన్‌ ఛేదన ప్రారంభం

పంజాబ్ నిర్దేశించిన 188 పరుగుల లక్ష్య ఛేదనకు రాజస్థాన్‌ బరిలోకి దిగింది. క్రీజ్‌లోకి జోస్ బట్లర్, యశస్వి జైస్వాల్ వచ్చారు. ఇంపాక్ట్‌ ప్లేయర్‌గా ప్రభ్‌సిమ్రన్‌ స్థానంలో నాథన్‌ ఎల్లిస్‌ను పంజాబ్‌ తీసుకుంది. తొలి ఓవర్‌ను సామ్‌ కరన్‌ వేస్తున్నాడు.

19/05/2023 21:19(IST)

పంజాబ్ స్కోరు 187/5

20 ఓవర్లు: పంజాబ్ ఇన్నింగ్స్‌ ముగిసింది. నిర్ణీత 20 ఓవర్లలో ఐదు వికెట్ల నష్టానికి 187 పరుగులు చేసింది. దీంతో రాజస్థాన్‌కు 188 పరుగులను టార్గెట్‌గా నిర్దేశించింది. ట్రెంట్ బౌల్ట్‌ వేసిన చివరి ఓవర్‌లో షారుఖ్‌ ఖాన్ (41*) సిక్స్‌, రెండు ఫోర్లు సహా 18 పరుగులు రాబట్టాడు. సామ్ కరన్ (49*) కలిసి షారుఖ్‌ ఆరో వికెట్‌కు కేవలం 37 బంతుల్లోనే 73 పరుగులు జోడించాడు. చివరి రెండు ఓవర్లలో పంజాబ్ బ్యాటర్లు ఏకంగా 46 పరుగులను దంచేశారు.

19/05/2023 21:13(IST)

చాహల్‌ బౌలింగ్‌లో వీరబాదుడు

19 ఓవర్లు: ఇప్పటి వరకు కాస్త నిలకడగా ఆడిన సామ్‌ కరన్ (49*) చాహల్‌ వేసిన ఈ ఓవర్‌లో రెచ్చిపోయాడు. ఏకంగా రెండు సిక్స్‌లు, ఫోర్ బాదేశాడు. మరోవైపు షారుఖ్‌ ఖాన్ (23*) కూడా సిక్స్‌, ఫోర్ కొట్టాడు. దీంతో ఈ ఓవర్‌లో ఏకంగా 28 పరుగులు వచ్చాయి. పంజాబ్ స్కోరు 169/5కి చేరింది. చివరి బంతికి కరన్ ఇచ్చిన క్యాచ్‌ను రాజస్థాన్‌ ఫీల్డర్‌ నేలపాలు చేశాడు.

19/05/2023 20:44(IST)

జితేశ్ ఔట్

నవ్‌దీప్‌ సైని బౌలింగ్‌లో భారీ షాట్‌కు యత్నించిన జితేశ్ శర్మ (44) ఫెరీరా చేతికి చిక్కాడు. దీంతో 13.5 ఓవర్లలో 114 పరుగుల వద్ద పంజాబ్ ఐదో వికెట్‌ను కోల్పోయింది. ఇదే ఓవర్‌లో జితేశ్‌ రెండు ఫోర్లు, సిక్స్‌ కొట్టాడు. అనంతరం క్రీజ్‌లోకి షారుఖ్‌ ఖాన్ (1*) వచ్చాడు. ఈ ఓవర్‌లో 15 పరుగులు రావడంతో పంజాబ్ స్కోరు 115/5కి చేరింది.

19/05/2023 20:07(IST)

లివింగ్‌స్టోన్‌ క్లీన్‌బౌల్డ్‌

దిల్లీతో మ్యాచ్‌లో అదరగొట్టిన లివింగ్‌స్టోన్ (9) ఈసారి మాత్రం తక్కువ పరుగులకే ఔటయ్యాడు. నవ్‌దీప్‌ సైని బౌలింగ్‌లో (6.3వ ఓవర్) క్లీన్‌బౌల్డ్‌గా పెవిలియన్‌కు చేరాడు. దీంతో 50 పరుగుల వద్ద నాలుగో వికెట్‌ను పంజాబ్ నష్టపోయింది. ఈ ఓవర్‌లో ఐదు పరుగులే రావడంతో పంజాబ్ స్కోరు 7 ఓవర్లకు 53/4కి చేరింది. క్రీజ్‌లో జితేశ్ శర్మ (1*), సామ్‌ కరన్ (2*) ఉన్నారు.

19/05/2023 20:02(IST)

కెప్టెన్‌ ఔట్

పంజాబ్‌ కింగ్స్‌ కెప్టెన్‌ శిఖర్ ధావన్‌ (17) పెవిలియన్‌కు చేరాడు. ఆడమ్ జంపా బౌలింగ్‌లో (5.3వ ఓవర్‌) వికెట్ల ముందు దొరికిపోయాడు. దీంతో 46 పరుగుల వద్ద పంజాబ్ మూడో వికెట్‌ను కోల్పోయింది. ఈ ఓవర్‌లోనూ కేవలం మూడు పరుగులే రావడంతో పంజాబ్‌ స్కోరు పవర్‌ప్లే ముగిసేసరికి (6 ఓవర్లు) 48/3కి చేరింది. క్రీజ్‌లో లివింగ్‌స్టోన్ (7*), సామ్‌ కరన్ (1*) ఉన్నారు.

19/05/2023 19:52(IST)

అథర్వ ఔట్

మరో కీలక వికెట్ పడింది. దూకుడుగా ఆడుతున్న అథర్వ (19) పెవిలియన్‌కు చేరాడు. నవ్‌దీప్‌ సైని బౌలింగ్‌లో వరుసగా రెండు ఫోర్లు బాదాడు. మరో బంతిని ఆడే క్రమంలో దేవదత్ పడిక్కల్‌ చేతికి చిక్కాడు. దీంతో 38 పరుగుల వద్ద రెండో వికెట్‌ను కోల్పోయింది. ఈ ఓవర్‌లో వికెట్‌ పడినా మూడు బౌండరీలు రావడంతో 12 పరుగులు వచ్చాయి. అథర్వ ఔటైన తర్వాత క్రీజ్‌లోకి వచ్చిన లియామ్‌ లివింగ్‌స్టోన్ (4*) ఫోర్ కొట్టాడు. దీంతో పంజాబ్‌ స్కోరు 4 ఓవర్లకు 42/2కి చేరింది.

19/05/2023 19:42(IST)

ధావన్ దూకుడు

2 ఓవర్లు: తొలి ఓవర్‌లోనే వికెట్‌ కోల్పోయిన పంజాబ్‌ స్కోరు బోర్డును కెప్టెన్ శిఖర్ ధావన్‌ (11*) ముందుకు సాగేలా చేశాడు. సందీప్‌ శర్మ వేసిన ఈ ఓవర్‌లో సిక్స్‌, ఫోర్‌ బాదేశాడు. అథర్వ (4*) కూడా ఒక బౌండరీ రాబట్టాడు. మొత్తం 16 పరుగులు రావడంతో పంజాబ్ స్కోరు 18/0కి చేరింది.

19/05/2023 19:35(IST)

తొలి వికెట్‌ డౌన్

పంజాబ్‌కు ఆదిలోనే షాక్‌ తగిలింది. ప్రభ్‌ సిమ్రన్‌సింగ్‌ను (2) ట్రెంట్ బౌల్ట్‌ ఔట్ చేశాడు. అద్భుతమైన బంతికి బౌల్ట్‌కే క్యాచ్‌ ఇచ్చి ప్రభ్‌ పెవిలియన్‌కు చేరాడు. దీంతో 2 పరుగుల వద్ద పంజాబ్‌ తొలి వికెట్‌ను నష్టపోయింది. ఈ ఓవర్‌లో బౌల్ట్‌ కేవలం రెండు పరుగులే ఇచ్చాడు. క్రీజ్‌లో శిఖర్ ధావన్, అథర్వ తైడే ఉన్నారు.

App

PBKS vs RR: పంజాబ్‌పై అద్భుత విజయం.. నిలిచిన రాజస్థాన్‌ ప్లేఆఫ్స్‌ ఆశలు!

తాజా వార్తలు (Latest News)

లోకేశ్‌కు చిన్న హాని జరిగినా జగన్‌దే బాధ్యత

Crime News: ప్రియుడి మర్మాంగం కోసిన యువతి

Crime News: క్రికెట్‌లో వాగ్వాదం.. బ్యాటుతో కొట్టి చంపిన బాలుడు

నయన చిత్రం.. ప్రతీకార నేపథ్యం

శ్రీవారి సర్వదర్శనానికి 24 గంటలు

బ్యాటింగ్‌ ఎంచుకోవాల్సింది: మాజీ కోచ్‌ రవిశాస్త్రి

సుఖీభవ

చదువు