Breaking | Feedback | ePratibha | E-PAPER | Pratibha

RR vs RCB: రాజస్థాన్‌ ఆలౌట్.. 112 పరుగుల తేడాతో ఆర్సీబీ ఘన విజయం

రాజస్థాన్‌పై ఆర్సీబీ 112 పరుగుల తేడాతో ఘన విజయం సాధించింది. తొలుత బ్యాటింగ్ చేసిన బెంగళూరు.. 5 వికెట్ల నష్టానికి 171 పరుగులు చేసింది. ఈ లక్ష్యఛేదనలో రాజస్థాన్‌ 59 పరుగులకే ఆలౌటైంది.

Updated : 14 May 2023 18:37 IST

14/05/2023 18:23(IST)

రాజస్థాన్‌ ఆలౌట్..

ప్లే ఆఫ్స్‌ ఆశలు సజీవంగా ఉండాలంటే తప్పక గెలవాల్సిన మ్యాచ్‌లో రాయల్‌ ఛాలెంజర్స్‌ బెంగళూరు బౌలర్లు విజృంభించారు. దీంతో రాజస్థాన్‌పై ఆర్సీబీ 112 పరుగుల తేడాతో ఘన విజయం సాధించింది. ఈ ఓటమితో రాజస్థాన్‌ ప్లే ఆఫ్స్‌ అవకాశాలు సంక్లిష్టం చేసుకుంది. తొలుత బ్యాటింగ్ చేసిన బెంగళూరు.. 5 వికెట్ల నష్టానికి 171 పరుగులు చేసింది. ఈ లక్ష్యఛేదనలో రాజస్థాన్‌ 59 పరుగులకే ఆలౌటైంది.

14/05/2023 18:09(IST)

హ్యాట్రిక్‌ సిక్స్‌లు.. లాస్ట్ బాల్‌కు రనౌట్

కర్ణ్‌ శర్మ వేసిన ఎనిమిదో ఓవర్‌లో మొదటి రెండు బంతుల్లో ఒక్క పరుగూ రాలేదు. తర్వాతి మూడు బంతులను హెట్‌మయర్‌ (28 ) సిక్సర్లుగా మలియాడు. చివరి బంతికి అశ్విన్‌ (0) రనౌట్‌ అయ్యాడు. దీంతో 8 ఓవర్లకు స్కోరు 50/7.

14/05/2023 17:56(IST)

రాజస్థాన్‌ 5 డౌన్‌.. పార్నెల్‌కు 3

బెంగళూరు బౌలర్లు మరో రాజస్థాన్‌ బ్యాటర్‌ను పెవిలియన్‌కు పంపించారు. జో రూట్‌ (10) పార్నెల్ బౌలింగ్‌లో వికెట్ల ముందు దొరికిపోయాడు. దీంతో పార్నెల్ తీసిన వికెట్ల సంఖ్య మూడుకు చేరింది. రాజస్థాన్‌ స్కోరు 28/5. 6 ఓవర్లకు స్కోరు 28/5. హెట్‌మయర్‌ (7), ధ్రువ్ జురెల్ (0) క్రీజులో ఉన్నారు.

14/05/2023 17:50(IST)

నాలుగో వికెట్టూ పడింది!

బెంగళూరుతో జరుగుతున్న మ్యాచ్‌లో రాజస్థాన్‌ కష్టాలు కొనసాగుతున్నాయి. ఐదో ఓవర్‌ రెండో బంతికి దేవదత్‌ పడిక్కల్‌ (4) ఔటయ్యాడు. మైఖేల్‌ బ్రేస్‌వెల్‌ వేసి బంతికి షాట్‌ ఆడబోయి.. మిడ్‌ వికెట్‌లో ఉన్న మహ్మద్‌ సిరాజ్‌కి క్యాచ్‌ ఇచ్చి వెనుదిరిగాడు. రాజస్థాన్‌ స్కోరు 4.2 ఓవర్లకు 20/4.

14/05/2023 17:35(IST)

మూడో వికెట్

రాజస్థాన్ కష్టాల్లో పడింది. వరుసగా కీలకమైన మూడు వికెట్లు కోల్పోయింది. పార్నెల్ వేసిన రెండో ఓవర్‌లో రెండో బంతికి బట్లర్ డకౌట్‌ కాగా.. నాలుగో బంతికి సంజు శాంసన్ (4) వికెట్ కీపర్‌ అనుజ్‌ రావత్‌కు క్యాచ్‌ ఇచ్చాడు. 2 ఓవర్లకు స్కోరు 11/3. దేవదత్‌ పడిక్కల్ (4), జో రూట్ (1) పరుగులతో ఉన్నారు.

14/05/2023 17:25(IST)

రాజస్థాన్‌కు బిగ్‌ షాక్‌

172 పరుగుల లక్ష్యంతో బరిలోకి దిగిన రాజస్థాన్‌కు భారీ షాక్‌ తగిలింది. సూపర్‌ ఫామ్‌లో ఉన్న యశస్వి జైస్వాల్ (0) ఔటయ్యాడు. సిరాజ్ వేసిన తొలి ఓవర్‌లో రెండో బంతికి కోహ్లీకి క్యాచ్‌ ఇచ్చాడు. తర్వాత క్రీజులోకి వచ్చిన సంజు శాంసన్ (4) ఈ ఓవర్లో చివరి బంతికి ఫోర్ బాదాడు. 1 ఓవర్‌ ముగిసేసరికి స్కోరు 5/1. బట్లర్ (0) క్రీజ్‌లో ఉన్నాడు.

14/05/2023 17:07(IST)

ఆర్సీబీ బ్యాటింగ్‌ పూర్తి

రాజస్థాన్ రాయల్స్‌తో జరుగుతున్న మ్యాచ్‌లో రాయల్‌ ఛాలెంజర్స్‌ బెంగళూరు బ్యాటింగ్‌ పూర్తయింది. డుప్లెసిస్ (55; 44 బంతుల్లో 3 ఫోర్లు, 2 సిక్స్‌లు), మ్యాక్స్‌వెల్ (54; 33 బంతుల్లో 5 ఫోర్లు, 3 సిక్స్‌లు) అర్ధ శతకాలతో రాణించడంతో నిర్ణీత 20 ఓవర్లలో 5 వికెట్ల నష్టానికి 171 పరుగులు చేసింది. చివర్లో అనుజ్‌ రావత్ (29*; 11 బంతుల్లో 3 ఫోర్లు, 2 సిక్స్‌లు) మెరుపులు మెరిపించడంతో బెంగళూరు స్కోరు 170 దాటింది. విరాట్ కోహ్లీ (18) పరుగులు చేయగా.. మహిపాల్ లామ్రోర్ (1), దినేశ్ కార్తిక్‌ (0) విఫలమయ్యారు. మైఖేల్ బ్రాస్‌వెల్ (9*) నాటౌట్‌గా నిలిచాడు. రాజస్థాన్ బౌలర్లలో ఆసిఫ్‌, ఆడమ్ జంపా తలో రెండు వికెట్లు పడగొట్టగా.. సందీప్ శర్మ ఒక వికెట్ తీశారు.

14/05/2023 16:55(IST)

మ్యాక్సీ క్లీన్‌బౌల్డ్

మ్యాక్స్‌వెల్ (54) ఔటయ్యాడు. సందీప్ శర్మ వేసిన 17.3 ఓవర్‌కు క్లీన్‌బౌల్డ్ అయ్యాడు. దీంతో 137 పరుగుల వద్ద ఆర్సీబీ ఐదో వికెట్ కోల్పోయింది. తర్వాత క్రీజులోకి వచ్చిన అనుజ్‌ రావత్ (6) ఫోర్ బాదాడు. 18 ఓవర్లకు స్కోరు 143/5. బ్రాస్‌వెల్ (4) పరుగులతో ఉన్నాడు.

14/05/2023 16:39(IST)

డుప్లెసిస్ హాఫ్‌ సెంచరీ.. ఔట్

బెంగళూరు రెండో వికెట్ కోల్పోయింది. ఆసిఫ్‌ వేసిన 15వ ఓవర్‌లో రెండో బంతికి సిక్స్‌ బాది అర్ధ శతకం పూర్తి చేసుకున్న డుప్లెసిస్ (55) ఐదో బంతికి యశస్వికి క్యాచ్‌ ఇచ్చాడు. 15 ఓవర్లకు స్కోరు 120/2. మహిపాల్ (1), మ్యాక్స్‌వెల్ (41) పరుగులతో ఉన్నారు.

14/05/2023 16:01(IST)

ఫస్ట్ వికెట్

బెంగళూరు మొదటి వికెట్ కోల్పోయింది. విరాట్ కోహ్లీ (18) ఔటయ్యాడు. ఆసిఫ్‌ వేసిన ఏడో ఓవర్లో చివరి బంతికి యశస్వి జైస్వాల్‌కు క్యాచ్‌ ఇచ్చాడు. 7 ఓవర్లకు స్కోరు 50/1. డుప్లెసిస్ (30) పరుగులతో ఉండగా.. మ్యాక్స్‌వెల్ క్రీజులోకి వచ్చాడు.

14/05/2023 15:56(IST)

చివరి బంతికి ఫోర్

బెంగళూరు ఓపెనర్లు నిలకడగా ఆడుతున్నారు. రవిచంద్రన్ అశ్విన్‌ వేసిన ఆరో ఓవర్‌లో ఎనిమిది పరుగులు వచ్చాయి. చివరి బంతిని డుప్లెసిస్ బౌండరీకి పంపాడు. 6 ఓవర్లకు స్కోరు 42/0. డుప్లెసిస్ (23), విరాట్ కోహ్లీ (17) పరుగులతో ఉన్నారు.

App

RR vs RCB: రాజస్థాన్‌ ఆలౌట్.. 112 పరుగుల తేడాతో ఆర్సీబీ ఘన విజయం

తాజా వార్తలు (Latest News)

వైకాపా పాలనలో చంద్రబాబుపై 22 కేసులు

‘వాట్సప్‌ గురు’ మరో ఘనత!

జనం కళ్లలో జగన్‌ దుమ్ము

నటి హర్షికపై దాడి

అన్నమయ్య జిల్లాలో విషాదం.. ముగ్గురు పిల్లలతో కలిసి తల్లి ఆత్మహత్య

జగన్‌ ఎదుటే జనసేనానికి జేజేలు.. విద్యార్థుల నినాదాలతో అవాక్కయిన సీఎం

సుఖీభవ

చదువు