TRENDING TOPICS
IPL 2023

Feedback | E-PAPER | Pratibha

IND w Vs AUS w: 5 పరుగుల తేడాతో భారత్‌ ఓటమి.. ఫైనల్‌కు చేరిన ఆసీస్‌

మహిళల టీ20 ప్రపంచ కప్‌ (womens world cup 2023) ఫైనల్‌కు ఆస్ట్రేలియా దూసుకెళ్లింది. ఉత్కంఠభరితంగా సాగిన సెమీస్‌లో భారత్‌పై ఆసీస్‌ (IND w Vs AUS w) ఐదు పరుగుల తేడాతో విజయం సాధించింది. తొలుత ఆసీస్‌ 172/4 స్కోరు సాధించగా.. భారత్‌ ఎనిమిది వికెట్ల నష్టానికి 167 పరుగులు మాత్రమే చేసింది. హర్మన్‌ప్రీత్‌ కౌర్ (52), జెమీమా రోడ్రిగ్స్‌ (43), దీప్తి శర్మ (20*) రాణించినా భారత్‌ విజయం సాధించలేకపోయింది. ఆసీస్‌ బౌలర్లు గార్డెనర్ 2, బ్రౌన్ 2.. జొనాసన్, స్కట్‌ చెరో వికెట్‌ తీశారు.

Updated : 23 Feb 2023 21:54 IST

23/02/2023 21:25(IST)

ఒక్క పరుగు.. వికెట్

16 ఓవర్లు: కట్టుదిట్టంగా బంతులను సంధించిన డార్సీ బ్రౌన్ కేవలం ఒక్క పరుగు మాత్రమే ఇచ్చి కీలకమైన రిచా ఘోష్ వికెట్‌ను పడగొట్టింది. చివరి బంతికి భారీ షాట్‌కు యత్నించిన రిచా బౌండరీ లైన్‌ వద్ద మెక్‌గ్రాత్ చేతికి చిక్కింది. దీంతో 135 పరుగుల వద్ద భారత్‌ ఆరో వికెట్‌ను కోల్పోయింది.

23/02/2023 21:19(IST)

హర్మన్‌ ఫిఫ్టీ.. రనౌట్

భారత్‌ను మరోసారి దురదృష్టం వెంటాడింది. కీలకమైన సమయంలో అర్ధశతకం సాధించిన కెప్టెన్ హర్మన్‌ప్రీత్ కౌర్ (52) రనౌట్‌ రూపంలో పెవిలియన్‌కు చేరింది. వారెహమ్‌ బౌలింగ్‌లో వరుసగా రెండు ఫోర్లు కొట్టి హాఫ్‌ సెంచరీపూర్తి చేసుకుని మరీ ఔటైంది. ప్రస్తుతం 15 ఓవర్లు ముగిసేరికి భారత్‌ 5 వికెట్ల నష్టానికి 134 పరుగులు చేసింది. క్రీజ్‌లో రిచా ఘోష్ (14*), దీప్తి శర్మ (1*) ఉన్నారు. చివరి ఐదు ఓవర్లలో భారత్‌ విజయానికి 39 పరుగులు కావాలి.

23/02/2023 20:58(IST)

రోడ్రిగ్స్ ఔట్

అద్భుతంగా ఆడిన జెమీమా రోడ్రిగ్స్ (43) పెవిలియన్‌కు చేరింది. డార్సీ బ్రౌన్‌ వేసిన (10.2వ ఓవర్‌) బౌన్సర్‌ను హుక్‌ చేయబోయి కీపర్‌ హీలీ చేతికి క్యాచ్‌ ఇచ్చింది. దీంతో 97 పరుగుల వద్ద భారత్‌ నాలుగో వికెట్‌ను నష్టపోయింది. ప్రస్తుతం 11 ఓవర్లు ముగిసేసరికి భారత్‌ స్కోరు 98/4కి చేరింది. ఈ ఓవర్‌లో కేవలం ఐదు పరుగులు మాత్రమే వచ్చాయి. క్రీజ్‌లో హర్మన్ (33*), రిచా ఘోష్‌ (1*) ఉన్నారు.

23/02/2023 20:54(IST)

60 బంతుల్లో 80

10 ఓవర్లు: భారత ఇన్నింగ్స్‌లో 10 ఓవర్లు ముగిశాయి. స్వల్ప వ్యవధిలో మూడు వికెట్లను కోల్పోయినప్పటికీ భారత్‌ స్కోరు 93/3కి చేరింది. జెమీమా రోడ్రిగ్స్ (39*), హర్మన్ ప్రీత్‌ కౌర్ (33*) ధాటిగా ఆడుతున్నారు. వీరిద్దరూ కేవలం 39 బంతుల్లోనే 65 పరుగులు జోడించారు. ఇంకా 60 బంతుల్లో 80 పరుగులు చేస్తే భారత్‌దే విజయం.

23/02/2023 20:36(IST)

దూకుడుగా బ్యాటింగ్‌

5 ఓవర్లు: భారీ లక్ష్యం ముందుండటతో వికెట్లుపడినా భారత బ్యాటర్లు దూకుడుగానే బ్యాటింగ్‌ చేస్తున్నారు. పెరీ వేసిన ఈ ఓవర్‌లో రెండు ఫోర్లు సహా 14 పరుగులు వచ్చాయి. దీంతో టీమ్‌ఇండియా స్కోరు 47/3కి చేరింది. హర్మన్ (11*), జెమీమా రోడ్రిగ్స్ (16*) వేగంగా ఆడుతున్నారు.

23/02/2023 20:29(IST)

మూడో వికెట్టూ..

వచ్చినప్పటి నుంచి బ్యాటింగ్‌లో ఇబ్బంది పడుతున్న యస్తికా భాటియా (4) ఔటైంది. అయితే రనౌట్‌ కావడం గమనార్హం. దీంతో 3.4 ఓవర్లలో 28 పరుగుల వద్ద భారత్‌ మూడో వికెట్‌ను నష్టపోయింది. ప్రస్తుతం 4 ఓవర్లు ముగిసేసరికి భారత్ స్కోరు 33/3కి చేరింది. రోడ్రిగ్స్‌ (10*), హర్మన్‌ ప్రీత్ (4*) క్రీజ్లో ఉన్నారు.

23/02/2023 20:23(IST)

రోడ్రిగ్స్‌ దూకుడు

3 ఓవర్లు: వరుసగా వికెట్లు పడినా కొత్తగా క్రీజ్‌లోకి వచ్చిన రోడ్రిగ్స్‌ (10*) మాత్రం దూకుడుగానే ఆడుతోంది. ఈ ఓవర్‌లో రెండో బంతికే మంధానా ఔటైనప్పటికీ.. రోడ్రిగ్స్‌ వరుసగా రెండు బౌండరీలు బాదింది. దీంతో భారత్‌ స్కోరు 25/2కి చేరింది.

23/02/2023 20:22(IST)

స్మృతీ కూడా..

భారత్‌కు మళ్లీ ఎదురుదెబ్బ తగిలింది. వరుసగా అర్ధశతకాలు సాధించి మంచి ఫామ్‌లో ఉన్న స్మృతీ మంధాన (2) పెవిలియన్‌కు చేరింది. దీంతో 15 పరుగుల వద్ద రెండో వికెట్‌ను నష్టపోయింది. గార్డెనర్‌ బౌలింగ్‌లో ఎల్బీగా ఔటైంది. తొలుత అంపైర్‌ నాటౌట్‌ ఇవ్వగా.. ఆసీస్‌ డీఆర్‌ఎస్‌కు వెళ్లి ఫలితం సాధించింది.

23/02/2023 20:16(IST)

షఫాలీ ఔట్

భారత్‌కు ఎదురు దెబ్బ తగిలింది. ఊపు మీదున్న షఫాలీ వర్మ (9) స్కట్‌ బౌలింగ్‌లో ఎల్బీగా పెవిలియన్‌కు చేరింది. డీఆర్‌ఎస్‌కు వెళ్లినా ఫలితం దక్కలేదు. దీంతో 1.3వ ఓవర్లలో 11 పరుగుల వద్ద భారత్‌ తొలి వికెట్‌ను నష్టపోయింది. అనంతరం క్రీజ్‌లోకి వచ్చిన యస్తికా భాటియా (4*) బౌండరీ కొట్టింది. దీంతో 2 ఓవర్లు ముగిసేసరికి భారత్‌ స్కోరు 15/1. క్రీజ్‌లో భాటియాతోపాటు మంధాన (2*) ఉంది.

23/02/2023 19:58(IST)

చివర్లో లానింగ్‌ బీభత్సం.. భారత్‌ లక్ష్యం 173

20 ఓవర్లు: ఆరంభంలో ఆచితూచి ఆడిన ఆసీస్‌ కెప్టెన్‌ మెగ్‌ లానింగ్‌ (49*) చివరి ఓవర్‌లో మాత్రం దూకుడుగా ఆడింది. రెండు సిక్స్‌లు, ఫోర్‌ బాదేసింది. ఈ ఓవర్‌లో మొత్తం 18 పరుగులు వచ్చాయి. దీంతో ఆసీస్‌ స్కోరు 172/4కి చేరింది. దీంతో భారత్‌ ఎదుట 173 పరుగులను లక్ష్యంగా నిర్దేశించింది.

23/02/2023 19:53(IST)

మరో వికెట్‌

ఆసీస్‌ నాలుగో వికెట్‌ను కోల్పోయింది. శిఖా పాండే బౌలింగ్‌లో గ్రేస్ హారిస్‌ (7) క్లీన్‌బౌల్డ్‌ అయింది. దీంతో 148 వద్ద నాలుగోవికెట్‌ను కోల్పోయింది. వికెట్‌ పడినప్పటికీ.. ఈ ఓవర్‌లో 12 పరుగులు రావడంతో ఆసీస్‌ స్కోరు 154/4కి చేరింది. క్రీజ్‌లో మెగ్‌ లానింగ్‌ (32*), పెరీ (1*) ఉన్నారు.

23/02/2023 19:50(IST)

గార్డెనర్ క్లీన్‌బౌల్డ్‌

18 ఓవర్లు: దీప్తి శర్మ అద్భుతం చేసింది. ధాటిగా ఆడుతున్న గార్డెనర్‌ (31)ను క్లీన్‌బౌల్డ్‌ చేసింది. మెగ్‌ లానింగ్‌ (28*)తో కలిసి గార్డెనర్‌ నిర్మించిన 53 పరుగుల భాగస్వామ్యానికి తెరపడింది. ప్రస్తుతం 18 ఓవర్లు ముగిసేసరికి ఆసీస్‌ స్కోరు 142/3. క్రీజ్‌లో లానింగ్‌తోపాటు హారిస్‌ (1*) ఉంది.

23/02/2023 19:46(IST)

రేణుకా సింగ్‌కూ తప్పలేదు..

17 ఓవర్లు: టీమ్‌ఇండియా పేసర్ రేణుకా సింగ్‌నూ ఆసీస్‌ బ్యాటర్లు వదల్లేదు. గార్డెనర్ (30*) తొలి రెండు బంతులనే బౌండరీలుగా మలిచింది. మిగతా నాలుగు బంతుల్లో మరో మూడు రన్స్‌ వచ్చాయి. దీంతో ఆసీస్‌ స్కోరు 137/2కి చేరింది. గార్డెనర్‌తోపాటు కెప్టెన్ మెగ్‌ లానింగ్ (25*) నిలకడగా ఆడుతోంది.

23/02/2023 19:26(IST)

మూనీ హాఫ్ సెంచరీ.. ఔట్

12 ఓవర్లు: కీలకమైన క్యాచ్‌ మిస్‌ చేస్తే మూల్యం ఎలా ఉంటుందో భారత్‌కు తెలిసొచ్చింది. శిఖా పాండే బౌలింగ్‌లో వరుసగా రెండు ఫోర్లు కొట్టిన మూనీ (54) హాఫ్ సెంచరీ నమోదు చేసింది. అయితే మరో షాట్ కొట్టే తరుణంలో షఫాలీవర్మ చేతికి క్యాచ్‌ ఇచ్చిన మూనీ పెవిలియన్‌కు చేరింది. ప్రస్తుతం 12 ఓవర్లు ముగిసేసరికి ఆసీస్‌ స్కోరు 89/2కి చేరింది. క్రీజ్‌లో గార్డెనర్ (1*), మెగ్‌ లానింగ్‌ (7*) ఉన్నారు.

23/02/2023 19:15(IST)

ఈసారి లాంగ్‌ఆన్‌లో..

10 ఓవర్లు: అత్యంత సులభమైన క్యాచ్‌ను లాంగ్‌ ఆన్‌లో షఫాలీ నేలపాలు చేసింది. రాధా యాదవ్‌ బౌలింగ్‌లో అప్పటికే ఫోర్ కొట్టిన మూనీ (37*) ఇచ్చిన క్యాచ్‌ను వదిలేయడంతోపాటు బౌండరీ రావడం గమనార్హం. దీంతో ఆసీస్‌ స్కోరు 10 ఓవర్లకు 69/1కి చేరింది. ఈ ఓవర్‌లో మొత్తం పది పరుగులు వచ్చాయి.

23/02/2023 19:06(IST)

హీలీ ఔట్

ఆస్ట్రేలియా తొలి వికెట్‌ను నష్టపోయింది. రాధా యాదవ్‌ బౌలింగ్‌లో ముందుకొచ్చి ఆడబోయిన హీలీ (25)ని రిచా ఘోష్‌ స్టంపౌట్‌ చేసింది. దీంతో 7.3 ఓవర్లలో 52 పరుగుల వద్ద ఆసీస్‌ తొలి వికెట్‌ను కోల్పోయింది. ప్రస్తుతం 8 ఓవర్లు ముగిసేసరికి ఆసీస్‌ స్కోరు 54/1కి చేరింది. క్రీజ్‌లో మూనీ (20*), మెగ్‌ లానింగ్‌ (1*) ఉన్నారు. ఈ ఓవర్‌లో ఫోర్‌ సహా ఏడు పరుగులు వచ్చాయి.

23/02/2023 19:03(IST)

శిఖా సూపర్బ్‌..

7 ఓవర్లు: దూకుడుగా ఆడుతున్న ఆసీస్‌ బ్యాటర్లకు భారత బౌలర్ శిఖపాండే కొంచెం అడ్డుకట్ట వేసింది. ఈ ఓవర్‌లో కేవలం నాలుగు సింగిల్స్‌ను మాత్రమే ఇచ్చింది. దీంతో ఆసీస్‌ స్కోరు 47/0కి చేరింది. బెత్‌ మూనీ (21*), ఎలీసా హీలీ (25*) నిదానంగా ఆడుతున్నారు.

23/02/2023 18:58(IST)

డీఆర్‌ఎస్‌ వృథా

6 ఓవర్లు: ఆసీస్ ఇన్నింగ్స్‌లో పవర్‌ ప్లే ముగిసింది. దీప్తి శర్మ వేసిన ఈ ఓవర్‌లో సిక్స్‌ సహా 9 పరుగులు వచ్చాయి. దీంతో ఆసీస్ స్కోరు 43/0కి చేరింది. అంతకుముందు హీలీ వికెట్‌ కోసం డీఆర్‌ఎస్‌కు వెళ్లిన భారత్‌కు చుక్కెదురైంది. సమీక్షలో నాటౌట్‌గా తేలింది.

23/02/2023 18:52(IST)

మొదటి సారి బౌండరీ లేకుండా..

5 ఓవర్లు: ఆసీస్‌ ఇన్నింగ్స్‌లో మొదటిసారి బౌండరీ లేకుండా ఓవర్‌ ముగియడం ఇదే. శిఖా పాండే వేసిన ఈ ఓవర్‌లో ఐదు పరుగులు వచ్చాయి. దీంతో ఆసీస్‌ స్కోరు 31/0కి చేరింది. శిఖా కట్టుదిట్టంగా బంతులను సంధించడంతో హీలీ (20*), బెత్ మూనీ (10*) నెమ్మదించారు.

23/02/2023 18:48(IST)

వికెట్‌ కోసం..

4 ఓవర్లు: దీప్తి శర్మ అద్భుతంగానే బౌలింగ్‌ చేసింది. ఈ ఓవర్‌లో మొదటి బంతికే ఫోర్‌ వచ్చినా.. మిగతా ఐదు బంతుల్లో కేవలం ఒక్క పరుగును మాత్రమే ఇవ్వడం విశేషం. దీంతో ఆస్ట్రేలియా స్కోరు 26/0. వికెట్‌ కోసం భారత బౌలర్లు తీవ్రంగా శ్రమిస్తున్నా ఫలితం దక్కడం లేదు. క్రీజ్‌లో మూనీ (7*), హీలీ (20*) ఉన్నారు.

23/02/2023 18:44(IST)

ఈసారీ ఏడు పరుగులు..

3 ఓవర్లు: రేణుకా సింగ్ వేసిన ఈ ఓవర్‌లోని తొలి బంతికే హీలీ (14*) ఫోర్‌ కొట్టింది. అయితే మిగతా బంతులను కట్టుదిట్టంగా వేయడంతో మరో పరుగులు మాత్రమే వచ్చాయి. దీంతో ఆసీస్‌ స్కోరు 21/0కి చేరింది. క్రీజ్‌లో హీలీతోపాటు మూనీ (7*) ఉంది.

23/02/2023 18:39(IST)

మళ్లీ ఇంకో బౌండరీ

2 ఓవర్లు: ఆసీస్‌ బ్యాటర్లు కనీసం ఒక్క బౌండరీ అయినా కొట్టేలా పక్కా ప్రణాళికతో బరిలోకి దిగినట్లు ఉన్నారు. దీప్తి శర్మ వేసిన ఈ ఓవర్‌లో మూనీ (6*) బౌండరీ కొట్టింది. ఈ ఓవర్‌లో ఎనిమిది పరుగులు వచ్చాయి. దీంతో ఆసీస్‌ స్కోరు 14/0.

23/02/2023 18:06(IST)

టాస్‌ గెలిచిన ఆసీస్

కేప్‌టౌన్‌ వేదికగా జరుగుతున్న సెమీఫైనల్‌ మ్యాచ్‌లో ఆస్ట్రేలియా టాస్‌ నెగ్గింది. ఆసీస్ కెప్టెన్ మెగ్‌ లానింగ్‌ తొలుత బ్యాటింగ్‌ ఎంచుకొంది. భారత సారథి హర్మన్‌ ప్రీత్‌ కౌర్‌ ఫిట్‌నెస్‌ సాధించి టాస్‌ కోసం మైదానంలోకి వచ్చింది.

23/02/2023 18:03(IST)

భారత్‌కు గుడ్‌ న్యూస్‌

ఆసీస్‌తో కీలకమైన సెమీస్‌లో భారత సారథి హర్మన్‌ ప్రీత్‌ ఆడుతుందో.. లేదో అనే అనుమానాలకు తెరపడింది. హై ఫీవర్‌ కారణంగా అనారోగ్యం పాలైన హర్మన్‌ కోలుకుని జట్టుతో పాటు టాస్‌కు సిద్ధమైంది. మైదానంలో ప్లేయర్లు సన్నద్ధతమవుతున్నారు.

23/02/2023 17:58(IST)

కామన్వెల్త్‌ ఓటమికి.. ఆసీస్‌పై భారత్‌ ప్రతీకారం తీర్చుకొనేనా..?

మహిళల టీ20 ప్రపంచ కప్‌ నాకౌట్ దశకు చేరుకొంది. పది జట్లు టైటిల్‌ రేసులో నిలవగా.. చివరికి నాలుగు టీమ్‌లు మాత్రమే సెమీస్‌కు చేరాయి. గ్రూప్‌ - A నుంచి ఆస్ట్రేలియా, దక్షిణాఫ్రికా.. గ్రూప్ - B నుంచి ఇంగ్లాండ్‌, టీమ్‌ఇండియా సెమీస్‌ బెర్తులను సొంతం చేసుకొన్న విషయం తెలిసిందే. ఇక సెమీస్‌లో ఆసీస్-భారత్, ఇంగ్లాండ్-దక్షిణాఫ్రికా తలపడనున్నాయి. అందులో ఫిబ్రవరి 23న (గురువారం) ఆసీస్‌తో టీమ్ఇండియా తలపడేందుకు సిద్ధమైంది. అయితే, ఆస్ట్రేలియా ఎంత పటిష్టమైన జట్టు అనేది ఇదివరకే భారత్‌కు తెలుసు. మరోసారి అలాంటి టీమ్‌తో తలపడాలంటే సర్వశక్తులూ వడ్డాల్సిందే. పూర్తి వార్త కోసం క్లిక్‌ చేయండి

23/02/2023 17:56(IST)

ఆసీస్‌తో సెమీస్‌.. పూజా ఔట్.. హర్మన్‌ ఆడటంపై అనుమానాలు..!

మహిళల టీ20 ప్రపంచకప్‌లో (Womens T20 World Cup 2023) టీమ్‌ఇండియా సెమీస్‌కు దూసుకొచ్చిన విషయం తెలిసిందే. ఆస్ట్రేలియాతో కీలకమైన పోరుకు సిద్ధమవుతోన్న తరుణంలో భారత్‌కు ఎదురు దెబ్బ తగిలింది. ఆల్‌రౌండర్ పూజా వస్త్రాకర్‌ టీ20 ప్రపంచకప్‌ నుంచే వైదొలగగా.. భారత కెప్టెన్ హర్మన్ ప్రీత్‌ కౌర్ కూడా ఆసీస్‌తో సెమీస్‌ మ్యాచ్‌కు అందుబాటులో ఉంటుందో లేదోననే అనిశ్చితి కొనసాగుతోంది. హై ఫీవర్‌తో బాధపడిన హర్మన్‌ ఇవాళే ఆసుపత్రి నుంచి డిశ్చార్జి అయినట్లు సమాచారం. పూర్తి వార్త కోసం క్లిక్‌ చేయండి

App

IND w Vs AUS w: 5 పరుగుల తేడాతో భారత్‌ ఓటమి.. ఫైనల్‌కు చేరిన ఆసీస్‌

తాజా వార్తలు (Latest News)

Top Ten News @ 9PM: ఈనాడు.నెట్‌లో టాప్‌ 10 వార్తలు

Social look: అనసూయ బ్లూమింగ్‌.. తేజస్వి ఛార్మింగ్‌..

Yashasvi Jaiswal: మైదానంలో నా ఆలోచనంతా అలానే ఉంటుంది: యశస్వి జైస్వాల్

వీసాల్లో మార్పులు.. అండర్‌ గ్రాడ్యుయేట్లకు కాదు: యూకే మంత్రి

Erdogan: జైలు నుంచి అధ్యక్షపీఠం వరకు.. ఎర్డోగాన్‌ రాజకీయ ప్రస్థానం..!

AAP-Congress: ఆర్డినెన్స్‌పై పోరు.. ఆమ్‌ఆద్మీకి కాంగ్రెస్‌ మద్దతిచ్చేనా?

సుఖీభవ

చదువు