Breaking | Feedback | ePratibha | E-PAPER | Pratibha

SRH vs RR: హైదరాబాద్‌పై రాజస్థాన్‌ ఘన విజయం

ఇండియన్‌ ప్రీమియర్‌ లీగ్‌ (IPL 2023)లో ఇవాళ కూడా డబుల్ హెడ్డర్స్‌ మ్యాచ్‌లు ఉన్నాయి. అందులో భాగంగా హైదరాబాద్‌ అభిమానులకు పండుగ వచ్చేసింది. ఉప్పల్‌ స్టేడియం వేదికగా సన్‌ రైజర్స్ హైదరాబాద్‌, రాజస్థాన్‌ రాయల్స్ తలపడుతున్నాయి. తొలుత బ్యాటింగ్‌ చేసిన రాజస్థాన్‌ నిర్ణీత 20 ఓవర్లలో 5 వికెట్ల నష్టానికి 203 పరుగులు చేసింది.

Updated : 02 Apr 2023 19:23 IST

02/04/2023 19:22(IST)

హైదరాబాద్‌పై రాజస్థాన్‌ ఘన విజయం

ఐపీఎల్‌-16 సీజన్‌ను సన్‌రైజర్స్‌ హైదరాబాద్ ఓటమితో ఆరంభించింది. ఉప్పల్‌ మైదానంలో జరిగిన మ్యాచ్‌లో హైదరాబాద్‌పై రాజస్థాన్‌ 72 పరుగుల తేడాతో ఘన విజయం సాధించింది. తొలుత బ్యాటింగ్‌ చేసిన రాజస్థాన్‌.. నిర్ణీత 20 ఓవర్లలో 5 వికెట్ల నష్టానికి 203 పరుగుల భారీ స్కోరు సాధించింది. కొండంత లక్ష్యంతో బరిలోకి దిగిన హైదరాబాద్‌ 20 ఓవర్లలో 8 వికెట్లు కోల్పోయి 131 పరుగులే చేసింది.

02/04/2023 18:25(IST)

సగం వికెట్లు డౌన్‌

సన్‌రైజర్స్‌ 50 పరుగులు కూడా చేయకముందే 5 వికెట్లు కోల్పోయి పీకల్లోతు కష్టాల్లో పడింది. అశ్విన్‌ వేసిన 9.3 ఓవర్‌కు గ్లెన్‌ ఫిలిప్స్ (8) ఆసిఫ్‌కు క్యాచ్‌ ఇచ్చి వెనుదిరిగాడు. దీంతో 48 పరుగుల వద్ద హైదరాబాద్‌ ఐదో వికెట్ కోల్పోయింది. ఫారూఖి ప్లేస్‌లో అబ్దుల్ సమద్‌ ఇంపాక్ట్‌ ప్లేయర్‌గా వచ్చాడు. 10 ఓవర్లకు స్కోరు 48/5. మయాంక్ అగర్వాల్ (25), సమద్‌ (0) క్రీజులో ఉన్నారు.

02/04/2023 18:18(IST)

నాలుగో వికెట్

భారీ లక్ష్య ఛేదనలో హైదరాబాద్‌ తడబడుతోంది. కనీసం పోటీ కూడా ఇవ్వలేకపోతోంది. ఇప్పటికే మూడు వికెట్లు కోల్పోయిన సన్‌రైజర్స్‌.. తాజాగా మరో వికెట్‌ నష్టపోయింది. వాషింగ్టన్‌ సుందర్ (1) ఔటయ్యాడు. హోల్డర్‌ వేసిన 8.2 ఓవర్‌కు హెట్‌మైయిర్‌కు క్యాచ్‌ ఇచ్చి ఔటయ్యాడు. 9 ఓవర్లకు స్కోరు 46/4. మయాంక్ అగర్వాల్ (24), ఫిలిప్స్‌ (7) క్రీజులో ఉన్నారు.

02/04/2023 17:55(IST)

ఐదే

కళ్లముందు కొండంత లక్ష్యం ఉన్నా హైదరాబాద్‌ బ్యాటర్లు నెమ్మదిగా ఆడుతున్నారు. బౌల్ట్ వేసిన మూడో ఓవర్‌లో ఐదు పరుగులే వచ్చాయి. మూడో బంతికి మయాంక్ అగర్వాల్ ఫోర్‌ బాదాడు. 3 ఓవర్లకు స్కోరు 12/2. అగర్వాల్ (8), బ్రూక్‌ (4) క్రీజులో ఉన్నారు.

02/04/2023 17:36(IST)

తొలి ఓవర్‌లోనే రెండు వికెట్లు

హైదరాబాద్‌కు ఆదిలోనే షాక్‌ తగిలింది. మొదటి ఓవర్లోనే రెండు వికెట్లు కోల్పోయింది. ట్రెంట్ బౌల్ట్‌ వేసిన ఇన్నింగ్స్‌ తొలి ఓవర్‌లో మూడో బంతికి అభిషేక్‌ శర్మ (0) క్లీన్‌బౌల్డ్ అయ్యాడు. తర్వాత క్రీజులోకి వచ్చిన రాహుల్ త్రిపాఠి (0) ఇదే ఓవర్‌లో ఐదో బంతికి స్లిప్‌లో హోల్డర్‌కు చిక్కాడు.1 ఓవర్‌కు హైదరాబాద్‌ 0/2. మయాంక్‌ అగర్వాల్ (0), హ్యారీ బ్రూక్ (0) క్రీజులో ఉన్నారు.

02/04/2023 17:19(IST)

సన్‌రైజర్స్‌ ముందు భారీ లక్ష్యం

సన్‌రైజర్స్‌ హైదరాబాద్‌తో జరుగుతున్న మ్యాచ్‌లో రాజస్థాన్‌ బ్యాటింగ్‌ పూర్తయింది. జోస్‌ బట్లర్ (54; 22 బంతుల్లో 7 ఫోర్లు, 3 సిక్స్‌లు) విధ్వంసానికి తోడు యశస్వీ జైస్వాల్ (54; 37 బంతుల్లో 9 ఫోర్లు), శాంసన్‌ (55; 32 బంతుల్లో 3 ఫోర్లు, 4 సిక్స్‌లు) కూడా అర్ధ శతకాలు బాదడంతో నిర్ణీత 20 ఓవర్లలో 5 వికెట్ల నష్టానికి 203 పరుగులు చేసింది. హైదరాబాద్‌బౌలర్లలో ఫజల్ హక్‌ ఫారూఖి, నటరాజన్‌ తలో రెండు వికెట్లు పడగొట్టగా.. ఉమ్రాన్‌ మాలిక్‌ ఒక వికెట్ తీశాడు.

02/04/2023 17:11(IST)

సూపర్బ్‌ క్యాచ్‌

రాజస్థాన్‌ ఐదో వికెట్ కోల్పోయింది. సంజూ శాంసన్‌ (55) ఔటయ్యాడు. నటరాజన్‌ వేసిన 18.3 ఓవర్‌కు శాంసన్‌ భారీ షాట్ ఆడగా.. బౌండరీ లైన్‌ వద్ద అభిషేక్‌ శర్మ సూపర్‌ క్యాచ్‌ అందుకున్నాడు. 19 ఓవర్లకు స్కోరు 193/5. హెట్‌మైయిర్‌ (12), అశ్విన్‌ (1) క్రీజులో ఉన్నారు.

02/04/2023 17:03(IST)

సంజూ శాంసన్‌ అర్ధ శతకం

రాజస్థాన్‌ కెప్టెన్‌ శాంసన్‌ 28 బంతుల్లో అర్ధ శతకం పూర్తి చేసుకున్నాడు. నటరాజన్‌ వేసిన 16.3 ఓవర్‌కు సింగిల్ తీసి 50 పరుగుల మార్క్‌ అందుకున్నాడు. 17 ఓవర్లకు స్కోరు 173/4. శాంసన్‌ (50), హెట్‌మైర్‌ (2) క్రీజులో ఉన్నారు.

02/04/2023 16:30(IST)

శాంసన్ మళ్లీ

ఉమ్రాన్‌ మాలిక్‌ వేసిన కిందటి ఓవర్‌లో సిక్సర్ బాదిన శాంసన్‌ అదిల్ రషీద్‌ వేసిన 11 ఓవర్‌లో మొదటి బంతిని కూడా బౌండరీ అవతలికి పంపాడు. తర్వాత మూడు సింగిల్స్‌ వచ్చాయి. 11 ఓవర్లకు స్కోరు 132/1. జైస్వాల్ (48), శాంసన్‌ (29) క్రీజులో ఉన్నారు.

02/04/2023 16:25(IST)

అర్ధ శతకం దిశగా జైస్వాల్

ఉమ్రాన్‌ మాలిక్‌ భారీగా పరుగులు సమర్పించుకుంటున్నాడు. 10 ఓవర్‌లో 12 పరుగులు ఇచ్చాడు. మొదటి బంతికి జైస్వాల్ ఫోర్ బాదగా.. నాలుగో బాల్‌కు శాంసన్‌ సిక్సర్‌ కొట్టాడు. 10 ఓవర్లకు స్కోరు 122/1. జైస్వాల్ (46), శాంసన్‌ (21) పరుగులతో ఉన్నారు.

02/04/2023 16:17(IST)

వంద దాటిన స్కోరు

రాజస్థాన్‌ బ్యాటర్లు దూకుడుగా ఆడుతున్నారు. ఉమ్రాన్‌ మాలిక్ వేసిన ఎనిమిదో ఓవర్‌లో 12 పరుగులు రాబట్టారు. మూడు, నాలుగు బంతులను శాంసన్‌ బౌండరీకీ పంపాడు. 8 ఓవర్లకు స్కోరు 105/1. శాంసన్‌ (11), జైస్వాల్ (39) పరుగులతో ఉన్నారు.

02/04/2023 16:04(IST)

బట్లర్‌ హాఫ్‌ సెంచరీ.. ఔట్‌

వరుసగా ఫోర్లు, సిక్సర్లతో విరుచుకుపడుతున్న బట్లర్‌ 20 బంతుల్లోనే అర్ధ శతకం పూర్తి చేసుకున్నాడు. ఫజల్‌ హక్‌ ఫారూఖి వేసిన ఆరో ఓవర్‌లో రెండు ఫోర్లు బాది 50 పరుగుల మార్క్‌ను అందుకున్నాడు. తర్వాత కూడా ఓ ఫోర్ బాదిన అతడు.. 5.5 ఓవర్‌కు క్లీన్‌బౌల్డ్ అయ్యాడు. పవర్ ప్లే పూర్తయ్యేసరికి రాజస్థాన్‌ స్కోరు 85/1. యశస్వీ జైస్వాల్ (30), సంజూ శాంసన్‌ (0) క్రీజులో ఉన్నారు.

02/04/2023 15:56(IST)

బట్లర్‌ జోరు

జోస్‌ బట్లర్‌ జోరు కొనసాగిస్తున్నాడు. వాషింగ్టన్‌ సుందర్ వేసిన నాలుగో ఓవర్‌లో మొదటి రెండు బంతులను సిక్సర్లుగా మలిచాడు. ఐదో బంతికి యశస్వీ జైస్వాల్ ఫోర్‌ బాదాడు. 4 ఓవర్లకు స్కోరు 56/0. జైస్వాల్ (30), బట్లర్‌ (30) పరుగులతో ఉన్నారు.

02/04/2023 15:46(IST)

మూడో ఓవర్‌లోనూ అదే స్పీడ్‌

రెండో ఓవర్‌ ఇచ్చిన కిక్‌లో రాజస్థాన్‌ మూడో ఓవర్‌లోనూ దూకుడుగా బ్యాటింగ్‌ చేసింది. భువనేశ్వర్‌ వేసిన మూడో ఓవర్‌ తొలి బంతికే జోస్‌ బట్లర్‌ సిక్సర్‌ కొట్టాడు. ఆ తర్వాత కూడా వేగం కొనసాగడంంతో ఈ ఓవర్‌లో 17 పరుగులు వచ్చాయి. 3 ఓవర్లకు స్కోరు 37/0. బట్లర్‌ (12), యశస్వీ జైస్వాల్ (24) పరుగులతో ఉన్నారు.

02/04/2023 15:37(IST)

బ్యాటింగ్‌ ఆరంభించిన రాజస్థాన్‌..

రాజస్థాన్‌ రాయల్స్‌ బ్యాటింగ్‌ ఆరంభించింది. జోస్‌ బట్లర్‌, జైస్వాల్‌ ఓపెనర్లుగా బరిలోకి దిగారు. ఇటు తొలి ఓవర్‌ను భువనేశ్వర్‌ వేశాడు. మూడో బంతికి ఫోర్‌ బాది జైస్వాల్‌ తన ఖాతా ప్రారంభించాడు. తొలి ఓవర్‌ ముగిసేసరికి ఆరు పరుగులు చేసింది ఆ జట్టు.

02/04/2023 14:51(IST)

3 గంటలకు టాస్‌

హైదరాబాద్‌, రాజస్థాన్‌ జట్ల మధ్య మరికాసేపట్లో మ్యాచ్‌ ప్రారంభం కానుంది. ఇప్పటికే ఇరు జట్లు, అభిమానులు స్టేడియానికి చేరుకున్నారు. మరికాసేపట్లో టాస్‌ వేయనున్నారు. ఈ మ్యాచ్‌లో హైదరాబాద్‌ ఇంపాక్ట్‌ ప్లేయర్‌గా ఎవరిని తీసుకుంటారనే దానిపై ఉత్కంఠ కొనసాగుతోంది.

02/04/2023 14:23(IST)

రాచకొండ సీపీ పర్యవేక్షణ

ఉప్పల్ స్టేడియం వద్ద భద్రతను రాచకొండ కమిషనర్ డీఎస్ చౌహాన్‌ పర్యటిస్తున్నారు. మైదానం లోపలికి సెల్‌ఫోన్‌ను మాత్రమే పోలీసులు అనుమతిస్తున్నారు. ఎలాంటి అవాంఛనీయ సంఘటనలు జరగకుండా కట్టుదిట్టమైన ఏర్పాట్లను చేశారు.

02/04/2023 14:13(IST)

ఫ్యాన్స్‌ సందడి ప్రారంభం

మరికాసేపట్లో రాజస్థాన్‌తో హైదరాబాద్ తలపడనుంది. దీంతో ఉప్పల్ స్టేడియం వద్ద అభిమానుల సందడి మొదలైంది. మైదానం లోపలికి ప్రేక్షకులను సిబ్బంది అనుమతిస్తున్నారు. ఉప్పల్ స్టేడియం సమీపంలో టికెట్లను బ్లాక్‌లో అమ్మేందుకు ప్రయత్నిస్తుండగా పదిమందిని పోలీసులు చేశారు.

02/04/2023 13:54(IST)

ఐపీఎల్‌ మ్యాచ్‌లకు పకడ్బందీ భద్రత

ఉప్పల్‌లోని రాజీవ్‌గాంధీ అంతర్జాతీయ క్రికెట్‌ స్టేడియంలో జరగనున్న ఐపీఎల్‌ క్రికెట్‌ మ్యాచ్‌లకు కట్టుదిట్టమైన భద్రత కల్పించినట్లు రాచకొండ సీపీ డీఎస్‌ చౌహాన్‌ పేర్కొన్నారు. ప్రేక్షకులకు, సాధారణ పౌరులకు ఎలాంటి ఇబ్బందులు లేకుండా ఉండేలా ముందస్తు చర్యలు తీసుకున్నామన్నారు. మ్యాచ్‌లకు సంబంధించిన టికెట్ల విక్రయం ఆన్‌లైన్‌లో జరుగుతుందని.. ఎవరైనా బ్లాక్‌లో విక్రయిస్తే కఠిన చర్యలు తీసుకుంటామన్నారు. స్టేడియంలో శనివారం ఏర్పాటు చేసిన విలేకరుల సమావేశంలో జాయింట్‌ సీపీ సత్యనారాయణ, మల్కాజిగిరి డీసీపీ జానకి, ట్రాఫిక్‌ డీసీపీ అభిషేక్‌ మహంతితో కలిసి ఆయన మాట్లాడారు. పూర్తి వార్త కోసం క్లిక్‌ చేయండి

02/04/2023 13:52(IST)

ఎస్‌ఆర్‌హెచ్ X ఆర్‌ఆర్‌.. గత చరిత్రను మరిచేలా గెలవాలి..!

ఐపీఎల్‌ (IPL 2023) ప్రస్థానంలో సన్‌రైజర్స్ హైదరాబాద్‌ (SRH) చరిత్ర అద్భుతంగానే ఉన్నట్లు కనిపిస్తుంది. ఛాంపియన్‌గా నిలవడంతోపాటు వరుసగా నాలుగేళ్లపాటు ప్లేఆఫ్స్‌కు చేరింది. అయితే, గత రెండు సీజన్లలో ఘోర వైఫల్యంతో విమర్శపాలైంది. పది జట్లు తలపడిన గత సీజన్‌లో సన్‌రైజర్స్ హైదరాబాద్‌ పాయింట్ల పట్టికలో 8వ స్థానంతో సరిపెట్టుకుంది. అంతకుముందు ఏడాది మరీ ఘోరం. చివరి స్థానంలో నిలిచింది. ఈ క్రమంలో జట్టులో సమూల మార్పులు చేసి బరిలోకి దిగింది. గతేడాది రన్నరప్‌గా నిలిచిన రాజస్థాన్‌ రాయల్స్‌తో తలపడేందుకు సిద్ధమైంది. పూర్తి వార్త కోసం క్లిక్‌ చేయండి

02/04/2023 13:51(IST)

టోర్నీలోని మిగతా మ్యాచుల్లో కేన్ విలియమ్సన్ ఆడడు

గతేడాది ఛాంపియన్‌గా నిలిచి ఐపీఎల్‌ (IPL 2023) 16వ సీజన్‌ను ఘనంగా ప్రారంభించిన గుజరాత్‌ టైటాన్స్‌కు (GT) షాక్ తగిలింది. మినీ వేలంలో కొనుగోలు చేసిన కేన్‌ విలియమ్సన్‌ గాయం కారణంగా మిగతా టోర్నీకి దూరమవుతున్నట్లు గుజరాత్‌ టైటాన్స్‌ యాజమాన్యం ప్రకటించింది. చెన్నై సూపర్‌ కింగ్స్‌ జట్టుతో జరిగిన టోర్నీ తొలి మ్యాచ్‌లో ఫీల్డింగ్‌ చేస్తున్నప్పుడు కేన్‌ కాలికి గాయమైంది. దీంతో బ్యాటింగ్‌కు రాకపోవడంతో అతడి స్థానంలో సాయి సుదర్శన్‌ను ఇంపాక్ట్‌ ప్లేయర్‌గా ఎంపిక చేసుకుని బ్యాటింగ్‌ ఆడించింది. ఇప్పుడు వైద్య పరీక్షల అనంతరం గాయంపై గుజరాత్‌ కీలక ప్రకటన చేసింది. పూర్తి వార్త కోసం క్లిక్‌ చేయండి

02/04/2023 13:50(IST)

SRH vs RR: ఆరెంజ్‌ రాత మారేనా?

2016లో ఛాంపియన్స్‌.. వరుసగా నాలుగేళ్లు ప్లేఆఫ్స్‌. కానీ గత రెండు సీజన్‌లలో ఘోర వైఫల్యం. నిరుడు 10 జట్లలో ఎనిమిదో స్థానం. అంతకుముందు 8 జట్లలో చిట్టచివరి ర్యాంకు. ఐపీఎల్‌లో గత ఏడేళ్లలో సన్‌రైజర్స్‌ హైదరాబాద్‌ ప్రస్థానమిది. వరుసగా రెండు సీజన్‌లలో వైఫల్యం నేపథ్యంలో కోచ్‌, కెప్టెన్‌తో సహా పూర్తి ప్రక్షాళన చేసిన సన్‌రైజర్స్‌ 2023 సీజన్‌కు సిద్ధమైంది. కొత్త కెప్టెన్‌.. సరికొత్త కూర్పుతో కనిపిస్తున్న ఆరెంజ్‌ ఆర్మీ ఆదివారం ఉప్పల్‌ స్టేడియంలో రాజస్థాన్‌ రాయల్స్‌ పోరుతో ఐపీఎల్‌-16కు శ్రీకారం చుట్టనుంది. పూర్తి వార్త కోసం క్లిక్‌ చేయండి

App

SRH vs RR: హైదరాబాద్‌పై రాజస్థాన్‌ ఘన విజయం

తాజా వార్తలు (Latest News)

రూ. 120 కోట్లకు పైగా అక్రమార్జన.. ఎట్టకేలకు చిక్కిన స్క్రాప్‌ మాఫియా డాన్‌

ఆ 80 కుటుంబాలకు రక్షణ కల్పించండి.. పోలీసులకు హైకోర్టు ఆదేశం

టీ20 ప్రపంచకప్‌నకు టీమ్‌ ఇండియాను మీరే ఎంపిక చేయండి!

నాలుగో రోజూ లాభాల్లో.. 22,400 ఎగువన నిఫ్టీ

62వేల మంది వాలంటీర్లు రాజీనామా చేశారు.. కోర్టుకు తెలిపిన ఈసీ న్యాయవాది

ఎన్నికలను మేం నియంత్రించలేం: ‘వీవీప్యాట్‌’ కేసులో సుప్రీం కీలక వ్యాఖ్యలు

సుఖీభవ

చదువు