close

ప్రధానాంశాలు

జనగణన తొలి దశ నిరవధిక వాయిదా

ఈనాడు, దిల్లీ: ఏప్రిల్‌ ఒకటో తేదీ నుంచి చేపట్టాల్సిన 2021 జనగణన తొలి దశను నిరవధికంగా వాయిదా వేస్తున్నట్లు కేంద్ర రిజిస్ట్రార్‌ జనరల్‌, సెన్సస్‌ కమిషనర్‌ ప్రకటించారు. ఈ మేరకు బుధవారం ఆ కార్యాలయం నుంచి ఓ ప్రకటన విడుదలైంది. కరోనా కారణంగా ప్రస్తుతం దేశవ్యాప్తంగా లాక్‌డౌన్‌ అమలుచేస్తున్న నేపథ్యంలో ఈ నిర్ణయం తీసుకున్నట్లు అందులో పేర్కొన్నారు. 2021 జనాభా లెక్కల సేకరణను రెండు దశల్లో చేపట్టాలని నిర్ణయించారు. అందులో భాగంగా తొలిదశ కింద ఏప్రిల్‌ 1 నుంచి సెప్టెంబర్‌ 30వరకు ఇళ్ల గుర్తింపు, ఇళ్ల లెక్కింపు చేయాల్సి ఉంది. అలాగే అసోం మినహా మిగిలిన రాష్ట్రాలు, కేంద్రపాలిత ప్రాంతాల్లో ఈ తొలిదశలోనే జాతీయ జనాభా పట్టిక (ఎన్‌పీఆర్‌)ను నవీకరించాల్సి ఉంది. తాజా నిర్ణయంతో ఈ రెండు కార్యక్రమాలు వాయిదా పడినట్లైంది. తొలిదశలో చేపట్టాల్సిన ఇళ్ల గుర్తింపు, లెక్కింపు, ఎన్‌పీఆర్‌ నవీకరణ కార్యక్రమాలను కోవిడ్‌-19 మహమ్మారి విస్తరణ, లాక్‌డౌన్‌లను దృష్టిలో ఉంచుకొని తదుపరి ఆదేశాలు జారీచేసేంతవరకూ నిరవధికంగా వాయిదా వేస్తున్నట్లు సెన్సస్‌ కమిషనర్‌ తెలిపారు.

ముఖ్యాంశాలు

జిల్లా వార్తలు

దేవతార్చన


రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.