చందన వెంకన్న! - venkateswara swamichandarana venkanna special pagemakarandam

సందేహం

చందన వెంకన్న!

దర్శనీయం

వేంకటేశ్వరస్వామి ఆలయాలు ఎన్నున్నా వాడపల్లి ఎంతో ప్రత్యేకమైంది. ఈ దివ్యస్థలంలో వేంకటేశ్వరుడు కొయ్య విగ్రహంగా దర్శనమిస్తాడు. ఎర్రచందనం చెక్కతో మలిచినందున ఈ స్వామిని చందన స్వరూపుడిగా భావిస్తారు. ఇలాంటి విగ్రహం దేశంలో ఎక్కడా లేదని చెబుతారు. రాజమహేంద్రవరానికి 30 కిలోమీటర్ల దూరంలో గౌతమీ తీరాన, పచ్చని ప్రకృతి ఒడిలో ఉందీ ఆలయం. క్షేత్రవిశేషం ప్రకారం చాలా ఏళ్ల క్రితం ఈ గ్రామంలోని ఒక వృద్ధుడికి వేంకటేశ్వర స్వామి కలలో కనిపించి కృష్ణ గరుడపక్షి వాలినచోట ఓ చందన పేటిక దొరుకుతుందని చెప్పాడు. ఆయన మంగళవాయిద్యాలతో వెళ్లి స్వామి చెప్పిన చోట ఉన్న పేటికను శిల్పితో తెరిపించారు. అందులో శంఖు, చక్ర, గదలతో స్వామి దివ్య మంగళ విగ్రహం కనిపించింది. ఆ స్వామిని ప్రతిష్ఠించి పూజలు చేస్తున్నారు. వాడపల్లి వెంకన్నను తలచుకుని, ఏదైనా సంకల్పం చేసుకుంటే తప్పక నెరవేరుతుందని అంటారు. ప్రతి శనివారం జరిగే ఏడువారాల నోము ప్రసిద్ధి చెందింది. ఈనెల 17 నుంచి 25వ తేదీ వరకు ఇక్కడ బ్రహ్మోత్సవాలు జరగనున్నాయి.

- ఆత్మాల వెంకట రామారావు, ఆత్రేయపురం.