అందులో ఉంది అనంత శక్తి!

...మంత్రమంటే?

దేవతలకు సందేశం: మంత్రం దేవతలను పిలవడానికి ఉన్న ప్రధాన సాధనం. చరాచర సృష్టికీ కారణమైన దేవతలు దివ్యలోకాల నుంచి దేవికా నదీ తీరంలో తొలిసారిగా భూమి మీదకు వచ్చారని పురాణాలు చెబుతున్నాయి. వారి అనుగ్రహం కోసం ఉచ్చరించేవే మంత్రాలు.

నాదమే వేదం: మంత్రంలో శబ్దాలుంటాయి. వాటిని జపించడం వల్ల శక్తి పుడుతుంది. ఆ శక్తిని సాధకుడు కాంతిపరివేషంలా దర్శించగలుగుతాడు.

ఎలా నేర్చుకోవాలి?
ఒక వ్యక్తి గురువు ద్వారానే మంత్ర శిక్షణ పొందాలి. ఒక సైంటిస్ట్‌ జర్మన్‌లో వ్యాసం రాశారు. గురువు చిత్ర పటం ముందు కూర్చుని ధ్యానం చేయడం వల్ల జెడ్‌ కిరణాలు శరీరంలోకి చొచ్చుకొచ్చినట్లు అనుభూతిని పొందానని చెప్పారు. జెడ్‌ కిరణాలు విశ్వశక్తికి సంబంధించినవి.

గాయత్రి ప్రత్యేకత?
గాయత్రిలాంటి మంత్రం లేదు. తల్లిలాంటి దైవంలేదు అని అంటారు. గాయత్రీ మంత్రంలో సూర్యశక్తి ఉందని చెబుతారు. లెడ్‌ బీటర్‌ అనే పాశ్చాత్య ఆధ్యాత్మికవేత్త గాయత్రీ మంత్రం గురించి తెలుసుకుందామని ఓ సాధకుడి దగ్గరకు వెళ్లాడు. జపం చేస్తున్నప్పుడు మీ ఎదురుగా కూర్చుంటానని అనుమతి కోరాడు. అలాగేనన్న సాధకుడు ధ్యానమగ్నుడయ్యాడు. ఆ స్థితిలో ఏడు రంగులున్న కాంతి పుంజాలు సాధకుడి నుంచి ఊర్ధ్వదిశగా పయనిస్తున్నట్లుగా లెడ్‌బీటర్‌ చూశాడు.

వ్యత్యాసం అదే...
ధ్యానానికి ఏకాగ్రత అవసరం కానీ మంత్రానికి అలా అవసరం లేదు. మంత్రోచ్ఛాటన జరుగుతున్నప్పుడు ఎన్నో ఆలోచనలు వస్తుంటాయి. అవి వస్తూ, పోతూ ఉన్నా పట్టించుకోవద్దు. అవి ఒక రోజు నిశ్శేషమవుతాయి. తద్వారా మనస్సుకు, శరీరానికి అనంతమైన శక్తి కలుగుతుంది. మంత్రంతో మనసుకు శిక్షణనివ్వడం ద్వారా రోగాలను నయం చేసే శక్తిని కూడా పొందొచ్చని నిరూపించిన సంఘటనలున్నాయి.

- సిద్ధేశ్వరానంద భారతీ స్వామి, కుర్తాళం పీఠాధిపతి

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి