భార్య స్నానం చేసిన దృశ్యాలను చిత్రీకరించిన భర్త

గుంటూరు నేరవార్తలు, న్యూస్‌టుడే: భార్యకు ఏ ఆపద వచ్చినా కడదాకా అండగా నిలవాల్సిన భర్తే వికృత చర్యలకు పాల్పడ్డాడు. భార్య స్నానం చేస్తుండగా ఆమెకు తెలియకుండా తన చరవాణిలో వీడియో చిత్రీకరించాడు. దానిని భార్యకు చూపి..అదనంగా కట్నం ఇవ్వకపోతే అంతర్జాలంలో పెడతానంటూ బెదిరింపులకు దిగాడు. ఈ దుశ్చర్యను భరించలేని బాధితురాలు ఆమె తల్లితో కలిసి సోమవారం అర్బన్‌ స్పందనలో ఫిర్యాదు చేశారు.గుంటూరు శ్రీనివాసరావుపేటకు చెందిన ఓ గృహిణి  తన పెద్ద కుమార్తెను తాడికొండకు చెందిన ఓ వ్యక్తికి ఇచ్చి 2017లో వివాహం చేశారు. అనంతరం అదనపు కట్నం కోసం అతడు భార్యను వేధించడం ప్రారంభించాడు. ఇటీవల భార్య స్నానం చేస్తుండగా చరవాణిలో చిత్రీకరించి అనైతికానికి పాల్పడ్డాడు.