ఇండోనేషియా: ఇండోనేషియాలోని మొలుక్క సముద్రంలో గురువారం రాత్రి భూకంపం సంభవించింది. రిక్టర్‌ స్కేలుపై 7.1 తీవ్రతతో ఇది నమోదైంది. దీంతో అధికారులు సునామీ హెచ్చరిక జారీ చేశారు. ఇండోనేషియాలోని టెర్నేట్‌ పట్టణానికి వాయువ్య దిశలో 139 కి.మీ దూరంలో, 45 కి.మీ లోతులో ఇది సంభవించిందని యూఎస్‌ జియోలాజికల్‌ సర్వే తెలిపింది. భూకంప తీవ్రతకు స్థానికంగా ఉన్న ప్రజలు భయాందోళనకు లోనయ్యారు. దీంతో ముందు జాగ్రత్తగా ప్రజలు సురక్షిత ప్రాంతాలకు తరలివెళ్లారు. ఇప్పటివరకు ఎలాంటి ప్రాణనష్టం గానీ, ఆస్తి నష్టం గానీ జరగలేదని అక్కడి మీడియా పేర్కొంది.