హైదరాబాద్‌: వాటర్‌ మ్యాన్‌ ఆఫ్‌ ఇండియా రాజేంద్రసింగ్‌ నిన్న శ్రీశైలం ప్రాజెక్టును సందర్శించారు. ఈ సందర్బంగా బుధవారం ఆయన హైదరాబాద్‌లో మీడియాతో మాట్లాడారు. శ్రీశైలం ప్రాజెక్టు ప్రమాదంలో పడిందని, వెంటనే మరమ్మతులు చేయకపోతే పెనువిషాదం తప్పదని హెచ్చరించారు. ప్రభుత్వాలు నదులపై ప్రాజెక్టులు నిర్మిస్తున్నాయే తప్ప వాటి నిర్వహణ బాధ్యతలు సరిగా చూసుకోవడం లేదన్నారు. ఏదైనా విపత్తు సంభవిస్తే సగం ఆంధ్రప్రదేశ్‌ కనిపించకుండా పోతుందని ఆవేదన వ్యక్తం చేశారు. డ్యాం సమీపంలో నిర్మాణాలపై ప్రభుత్వం దృష్టి సారించాలని కోరారు. ప్రభుత్వం ఎంత త్వరగా చర్యలు తీసుకుంటే శ్రీశైలం ప్రాజెక్టును అంత పరిరక్షించుకోవచ్చని సూచించారు. గంగాజల్‌ సాక్షరత్‌ యాత్రలో భాగంగా రాజేంద్రసింగ్‌ దేశ వ్యాప్తంగా పర్యటిస్తున్న విషయం తెలిసిందే.