close

తాజా వార్తలు

అమెరికా అధ్యక్ష ఎన్నికల బరి నుంచి తప్పుకున్న కమలా హారిస్‌

వాషింగ్టన్‌: 2020లో జరగనున్న అమెరికా అధ్యక్ష ఎన్నికల బరి నుంచి డెమోక్రటిక్‌ అభ్యర్థి, భారత సంతతికి చెందిన కమలా హారిస్‌ తప్పుకున్నారు. ఎన్నికల ప్రచారాన్ని ఆమె మంగళవారంతో ముగించారు. ‘‘నా మద్దతుదారులకు ఇది చాలా విచారకరం. ఈ రోజు నేను నా ప్రచారాన్ని నిలిపివేస్తున్నాను. కానీ మీతో ఒక విషయం స్పష్టంగా చెప్పదల్చుకున్నాను. ప్రజల కోసం నిరంతరం పోరాటం చేస్తూనే ఉంటాను’’ అని కమలా హ్యారిస్‌ ట్వీట్‌ చేశారు. తను తీసుకున్న నిర్ణయం చాలా కష్టతరమైనదని ఆమె పేర్కొన్నారు. అంతకు ముందు ఆమె మంగళవారం ఉదయం తన సీనియర్‌ సిబ్బందికి ఈ నిర్ణయం గురించి తెలిపారు. అనంతరం తన మద్దతుదారులను ఉద్దేశించి ట్వీట్‌ చేశారు. డెమోక్రటిక్‌ పార్టీలో కీలక నేతగా మారిన కమలా హ్యారీస్‌ ఒకానొక సమయంలో అధ్యక్ష పదవికి ప్రముఖ పోటీదారుగా నిలిచారు. అయితే ఆమె అధ్యక్ష ఎన్నికల బరి నుంచి తప్పుకోవడానికి ఆర్థిక ఒత్తిళ్లే కారణమని ఆమె తెలిపారు. ‘‘నేను బిలియనీర్‌ను కాదు. సొంత ప్రచారానికి నిధులు సమకూర్చుకునే పరిస్థితుల్లో లేను. ప్రచారం కొనసాగుతున్న కొద్దీ, మనం పోటీ పడటానికి అవరసరమైన నిధులు సేకరించడం కష్టంతో కూడుకున్న పని’’ అని అమె తన మద్దతుదారులకు తెలిపారు. న్యూయార్క్‌ మేయర్‌ మైక్‌ బ్లూమ్‌బర్గ్‌ రంగంలోకి దిగిన తర్వాత హ్యారిస్‌కు మద్దతు కాస్త తగ్గినట్లు తెలుస్తోంది. సెనెటర్‌గా ఎన్నికైన తొలి భారత సంతతి మహిళగా కమలా హారిస్‌ చరిత్రకెక్కారు.

ట్రంప్‌నకు చురకలంటించిన హారిస్‌..

కమలా హారిస్‌ అధ్యక్ష బరి నుంచి వైదొలగడంపై ఆ దేశ అధ్యక్షుడు ట్రంప్‌ స్పందించారు. ‘‘చాలా బాధ కలిగించే అంశం. నిన్ను మేం కోల్పోతున్నాం కమలా?’’ అంటూ ట్విటర్‌ వేదికగా ఎద్దేవా చేస్తూ తన ట్రంపరితనాన్ని ప్రదర్శించారు. ట్రంప్‌ వ్యాఖ్యలకు కమలా దీటుగా సమాధానం ఇచ్చారు. ‘‘ప్రెసిడెంట్‌.. చింతించాల్సిన అవసరం లేదు. మీపై జరిగే (అభిశంసన) విచారణలో కలుస్తా’’ అంటూ చురకలంటించారు. ఉక్రెయిన్‌ అధ్యక్షుడితో ఫోన్ సంభాషణల విషయంలో ట్రంప్‌ అభిశంసన విచారణ ఎదుర్కొంటున్న విషయం తెలిసిందే.  



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.