close

తాజా వార్తలు

కాల్‌సెంటర్‌ ఉద్యోగికి రూ.3.5కోట్ల జరిమానా!

దిల్లీ: మధ్యప్రదేశ్‌లోని బింద్‌ జిల్లాలో వింత ఘటన చోటుచేసుకుంది. కాల్‌ సెంటర్‌లో పనిచేసే ఓ వ్యక్తికి ఆదాయ పన్ను శాఖ నుంచి రూ.3.49కోట్ల పన్ను జరిమానా నోటీసు రావడం ఆశ్చర్యానికి గురిచేసింది. జనవరి 17లోపు ఆ నగదు చెల్లించాలని నోటీసులో పేర్కొనడంతో బాధితుడు అవాక్కయ్యాడు. మధ్యప్రదేశ్‌లోని బింద్‌ జిల్లాకు చెందిన రవి గుప్తా అనే వ్యక్తి పంజాబ్‌లో నివాసం ఉంటున్నాడు. అతడు ఓ బీపీవో సంస్థలో ఉద్యోగం చేస్తున్నాడు. అయితే ఇటీవల అతడికి ఆదాయ పన్ను శాఖ నుంచి ఓ నోటీసు వచ్చింది. అందులో 2011-12 సంవత్సరంలో తన పాన్‌ నంబర్‌ మీద రూ.132 కోట్ల లావాదేవీలు జరిపినట్లు.. అందుకు గానూ రూ.3.49కోట్ల పెనాల్టీ చెల్లించాలని తెలిపింది. దీంతో షాక్‌కు గురైన బాధితుడు ఐటీ అధికారుల దృష్టికి తన సమస్యను తీసుకెళ్లాడు. 

ఆ లావాదేవీల గురించి తనకేమీ తెలియదని.. ఎవరో తన పాన్‌ నంబర్‌ సాయంతో నకిలీ ఖాతా తెరిచినట్లు చెప్పాడు. కానీ ఫలితం లేకపోవడంతో తానే నేరుగా విచారణ చేసి నిజం తెలిసి ఆశ్చర్యానికి గురయ్యాడు. ముంబయిలో స్థాపించిన ఓ సూరత్‌ బేస్‌ వజ్రాల కంపెనీ తన పాన్‌ నంబర్‌పై నకిలీ ఖాతా ద్వారా లావాదేవీలు జరిపినట్లు గుర్తించానని ఆరోపించాడు. కొన్ని లావాదేవీల తర్వాత ఆ ఖాతాను తొలగించినట్లు తెలిసిందని చెప్పాడు. నిందితులు ఎవరో తనకు తెలియదని.. కానీ ఇప్పుడు తాను పెనాల్టీ చెల్లించకపోతే ఐటీ శాఖ వారు రుణం ద్వారా కొన్న తన ఇంటిని జప్తు చేస్తామని నోటీసులో పేర్కొన్నారని బాధితుడు వాపోయారు. 

 



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.