close

తాజా వార్తలు

ఓవైపు దళపతి.. మరోవైపు సేతుపతి

ఆసక్తి పెంచుతున్న మాస్టర్‌ మూడో పోస్టర్‌

ఇంటర్నెట్‌ డెస్క్‌: ఇళయ దళపతి విజయ్‌ కథానాయకుడిగా, విజయ్‌ సేతుపతి ప్రతినాయకుడిగా తెరకెక్కుతున్న చిత్రం ‘మాస్టర్‌’. ఇప్పటికే ఈ సినిమాకు సంబంధించి ఫస్ట్‌, సెంకండ్‌ లుక్‌లు విడుదల చేసి అభిమానుల్లో ఆసక్తి పెంచిన చిత్ర బృందం.. తాజాగా మరో లుక్‌ విడుదల చేసింది. అయితే, ఈసారి విడుదల చేసిన ఈ లుక్‌ ముందు వాటికి భిన్నంగా, మరింత ఆసక్తి పెంచేలా ఉంది. ఈ పోస్టర్‌లో ఓవైపు తలపతి విజయ్‌, మరోవైపు విజయ్‌ సేతుపతి ఎదురెదురుగా ముఖాలపై గాయాలతో కనిపిస్తారు. ఇందులో ఇద్దరూ చొక్కా లేకుండా ఉండటంతో ఈ సినిమాలో విజయ్‌ సిక్స్‌ ప్యాక్‌ బాడీతో కనిపించనున్నట్లు అభిమానులు అంచనా వేస్తున్నారు. ‘బ్లాక్‌బస్టర్‌ హిట్టు లోడింగ్‌’ అంటూ అభిమానులు సామాజిక మాధ్యమాల్లో పోస్టులు పెడుతున్నారు. దీంతో చిత్ర బృందం విడుదల చేసిన పోస్టర్ కొద్ది సేపట్లోనే సామాజిక మాధ్యమాల్లో వరల్డ్‌వైడ్‌ ట్రెండింగ్‌గా మారింది.

విజయ్‌ హీరోగా వచ్చిన బిగిలే(విజిల్‌) భారీ విజయం సాధించింది. మరోవైపు విజయ్‌ సేతుపతి సైతం ప్రతినాయకుడి పాత్రల్లో ఇరగదీస్తున్నాడు. ఇద్దరు విజయ్‌ల కలయికలో రానున్న ఈ సినిమాపై అభిమానులు భారీగా అంచనాలు పెట్టుకున్నారు. లోకేష్‌ కనకరాజ్‌ దర్శకత్వం వహిస్తున్నారు. మాళవిక మోహన్‌ హీరోయిన్‌గా కనిపించనుండగా ఆండ్రియా, శాంతను ఇతర కీలక పాత్రల్లో నటిస్తున్నారు. ఈ చిత్రానికి అనిరుధ్‌ సంగీత దర్శకుడిగా వ్యవహరిస్తున్నారు. ఎక్స్‌బీ ఫిలిమ్‌ క్రియేషన్స్‌ నిర్మాణ సంస్థ. ఈ సినిమా ఏప్రిల్‌ 10న అభిమానుల ముందు రానున్నట్లు సమాచారం.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.