close

తాజా వార్తలు

పవన్‌‌, చిరు గురించి తమన్నా కామెంట్‌   

‘జోకర్‌’ సినిమా చూడలేదు..!

హైదరాబాద్‌: తన అందం, అభినయంతో ఎందరో అభిమానుల హృదయాలను కొల్లగొట్టారు మిల్కీబ్యూటీ తమన్నా. తెలుగు, తమిళ చిత్రాలతోపాటు బాలీవుడ్‌ సినిమాల్లో కూడా నటించిన ఆమె తాజాగా సోషల్‌మీడియా వేదికగా అభిమానులతో సరదాగా ముచ్చటించారు. ఇందులో భాగంగా ఎన్నో ఆసక్తికర విషయాలను పంచుకున్నారు. 

మీరు ఇటీవల సత్యభామ కాలేజ్‌ ఫెస్ట్‌లో పాల్గొన్నారు కదా.. మీకెలా అనిపించింది?

తమన్నా: పదేళ్ల తర్వాత నేను అక్కడికి వెళ్లాను. నాకెంతో సంతోషంగా అనిపించింది.

మీ దృష్టిలో ఈ ప్రపంచంలోనే అత్యంత విలువైంది ఏది?

తమన్నా: ఇది చాలా క్లిష్టమైన ప్రశ్న. విభిన్నమైన వ్యక్తులకు విభిన్నమైన ఆలోచనలు, అభిప్రాయాలు ఉంటాయి. నాకు మాత్రం నా కుటుంబం.. ఈ ప్రపంచంలోనే విలువైంది.

మంచి కథ? మంచి పాత్ర? ఏది ఎంచుకుంటారు?

తమన్నా: టీమ్‌ వర్క్‌తోనే సినిమాలు వస్తాయి. కాబట్టి మొదట నేను మంచి టీమ్‌ని చూస్తాను. మంచి కథ, నన్ను ఆసక్తికి గురిచేసే పాత్ర కోసం చూస్తాను.

ఇన్‌స్టాలో 10 మిలియన్ల మంది మిమ్మల్ని ఫాలో అవుతున్నారు కదా.. దాని గురించి ఒక కామెంట్‌ ఇవ్వగలరు?

తమన్నా: చాలా సంతోషంగా ఉంది. మీ ప్రేమాభిమానాలకు ధన్యవాదాలు.

ఇటీవల మీరు టేబుల్‌ టెన్నిస్‌ అంటే ఇష్టమని ఓ ఇంటర్వ్యూలో చెప్పారు. ఏదైనా పోటీల్లో పాల్గొని బహుమతి గెలుచుకున్నారా?

తమన్నా: నాకు ఆడడం అంటే ఇష్టం, అలవాటు. అంతేకానీ పోటీ పడడం కోసం ఆడను.

మీ తల్లిదండ్రుల నుంచి నేర్చుకున్న ఒక విలువైన విషయం ఏమిటి?

తమన్నా: మీరు ఏమైతే ఇస్తారో అదే మీకు వస్తుంది

‘డాంగ్‌ డాంగ్‌’ సాంగ్‌ చేయడం ఎలా అనిపించింది?

తమన్నా: నాకెంతో ఇష్టమైన అనిల్‌ రావిపూడి, మహేశ్‌, దేవిశ్రీలతో కలిసి పనిచేయడం చాలా సరదాగా అనిపించింది.

మరోసారి సూర్యతో కలిసి నటించే అవకాశం వస్తే ఓకే చేస్తారా?

తమన్నా: సూర్యతో కలిసి పనిచేయడం నాకు చాలా ఇష్టం. ఆయనతో పనిచేయడం ఓ కలలా ఉంటుంది.

మీ ఇంట్లోవాళ్లు ముద్దుగా ఏమని పిలుస్తారు?

తమన్నా: తమ్మూ

‘సీటీమార్‌’ కోసం గోపీచంద్‌తో మొదటిసారి, అలాగే సంపత్‌నందితో మూడోసారి పనిచేయడం ఎలా ఉంది?

తమన్నా: ముచ్చటగా మూడోసారి సంపత్‌నందితో కలిసి పనిచేయడం నాకెంతో సంతోషంగా ఉంది. అలాగే గోపీచంద్‌తో మొదటిసారి పనిచేయడం ఫన్‌.

మిమ్మల్ని మీరు నిరూపించుకోవడానికి ఏ జోనర్‌ చిత్రాలను ఎంచుకుంటారు?

తమన్నా: కథానాయిక ప్రాధాన్యమున్న యాక్షన్‌, కామెడీ జోనర్‌ చిత్రాలు.

మీరు ఇప్పటిదాకా నటించిన సినిమాల్లో ఏది ఛాలెంజింగ్‌గా ఉంది?

తమన్నా: బాహుబలి. 

మీకు ఇష్టమైన ప్రదేశం?

తమన్నా: మా ఇల్లు

పవన్‌కల్యాణ్‌ గురించి ఒక్కమాటలో చెప్పంటే?

తమన్నా: ఆయనో గొప్ప స్ఫూర్తి

నటనా రంగంలోకి వచ్చినప్పుడు మీ మొదటి ఆలోచన ఏమిటి?

తమన్నా: కెమెరా ఫేస్‌ చేయాలి. అలాగే రోజూ ఓ కొత్త విషయాన్ని తెలుసుకోవాలి.

సమంత గురించి ఒక్కమాటలో...

తమన్నా: ఆమెతోపాటు ఆమె మనసు కూడా అందంగా ఉంటుంది.

మీకు ఇష్టమైన ఫుడ్‌?

తమన్నా: పావ్‌ బాజీ

ఒకవేళ మీరు ఇంత ఫేమస్‌ కాకపోయి ఉంటే అప్పుడేం చేసేవారు?

తమన్నా: మీలాంటి ఎందరో అభిమానులతో ఛాటింగ్‌ చేసే అవకాశాన్ని మిస్‌ అయ్యేదాన్ని.

జోకర్‌ సినిమా చూశారా? 

తమన్నా: చూడలేదు. కానీ తప్పకుండా చూడాలనుకుంటున్నాను.

‘సరిలేరు నీకెవ్వరు’ ప్రీరిలీజ్‌ ఈవెంట్‌లో చిరంజీవి మిమ్మల్ని ప్రశంసించడం ఎలా అనిపించింది?

తమన్నా: ఆయన గొప్ప వ్యక్తి. సినిమా కోసం పనిచేసిన ప్రతి ఒక్కరికీ ఆయన తగినంత గుర్తింపు ఇస్తారు.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.