EAMCET వాయిదా!
close

ప్రధానాంశాలు

EAMCET వాయిదా!

ఇంటర్‌ పరీక్షలు జరగకపోవడమే కారణం
ఆగస్టులో నిర్వహించే అవకాశం

ఈనాడు, హైదరాబాద్‌: ఎంసెట్‌ వాయిదాపడే అవకాశాలు మెండుగా కనిపిస్తున్నాయి. గతంలో ప్రకటించిన కాలపట్టిక ప్రకారం జులై 5 నుంచి 9వ తేదీ వరకు ఈ పరీక్షలు జరగాలి. ఇంటర్‌ పరీక్షలను జులై 15 తర్వాత జరుపుతామని తాజాగా రాష్ట్ర ప్రభుత్వం కేంద్ర విద్యాశాఖకు లిఖితపూర్వకంగా చెప్పింది. ఈ నేపథ్యంలో ఆ పరీక్షలు పూర్తికాకుండా ఎంసెట్‌ నిర్వహించడం సమంజసం కాదనే నిర్ణయానికి ఉన్నత విద్యామండలి వచ్చింది. ఇంటర్‌ పరీక్షలు పూర్తయిన తర్వాత 15 రోజుల వ్యవధి ఇచ్చి జరపాలని భావిస్తోంది. దీన్నిబట్టి ఎంసెట్‌ ఆగస్టులో నిర్వహించే అవకాశం ఉంటుందని ఉన్నత విద్యామండలి వర్గాలు చెబుతున్నాయి. ఈ పరీక్షకు ఇప్పటివరకు 2.05 లక్షల దరఖాస్తులు అందాయి.
*ఇదే కాదు జూన్‌ 7వ తేదీ నుంచి జరగాల్సిన పీఈసెట్‌ పోటీలు, జూన్‌ 19-22వ తేదీ వరకు జరిగే పీజీఈసెట్‌, జులై 1న నిర్వహించాల్సిన ఈసెట్‌ కూడా వాయిదా పడే అవకాశాలున్నాయి. డిగ్రీ ఫలితాలతో సంబంధం ఉన్న ఇతర ప్రవేశ పరీక్షల తేదీలు కూడా మారే అవకాశం ఉందని సంబంధిత వర్గాలు పేర్కొన్నాయి.

జులై 5 నుంచి సీఏ పరీక్షలు
ఈనాడు, హైదరాబాద్‌: దేశవ్యాప్తంగా 2021, మే నెలలో జరగాల్సిన సీఏ ఇంటర్‌మీడియట్‌, ఫైనల్‌ పరీక్షలు జులై 5వ తేదీ నుంచి మొదలుకానున్నాయి. ఈ విషయాన్ని ఇన్‌స్టిట్యూట్‌ ఆఫ్‌ ఛార్టెర్డ్‌ అకౌంటెంట్స్‌ ఆఫ్‌ ఇండియా(ఐసీఏఐ) వెల్లడించింది. పూర్తి కాలపట్టికను త్వరలో ప్రకటిస్తామని తెలిపింది.


Tags :

ప్రధానాంశాలు

జిల్లా వార్తలు

దేవతార్చన


మరిన్ని