హెచ్‌-1బి వీసాలకు లాటరీ

ప్రధానాంశాలు

హెచ్‌-1బి వీసాలకు లాటరీ

వాషింగ్టన్‌: అమెరికాలో ఉద్యోగం చేయాలని ఎదురుచూస్తున్న భారతీయ ఐటీ నిపుణులకు మరో అవకాశం వచ్చింది. ఈ ఏడాది మొదట్లో నిర్వహించిన హెచ్‌-1బి వీసాల ర్యాండమ్‌ ఎంపికలో అవకాశం దక్కని వారికి అమెరికా సిటిజన్‌షిప్‌ అండ్‌ ఇమ్మిగ్రేషన్‌ సర్వీసెస్‌ (యూఎస్‌సీఐఎస్‌) గురువారం మరోసారి లాటరీ నిర్వహించింది. 2022 ఆర్థిక సంవత్సరానికి అమెరికా అవసరాలకు సరిపడా వీసాలు కంప్యూటరైజ్డ్‌ లాటరీలో జారీ కాలేదని, ఈ కారణంగానే రెండోసారి లాటరీ తీసి 27,717 మందిని అదనంగా ఎంపిక చేసినట్టు యూఎస్‌సీఐఎస్‌ తెలిపింది. ఈ లాటరీలో ఎంపికైన వారు తమ పిటిషన్‌ ఫైల్‌ చేసేందుకు ఆగస్టు 2 నుంచి నవంబరు 3 వరకు సమయం ఇస్తున్నట్టు చెప్పింది. కాగా రెండో లాటరీలో ఎంపికైన వారిలో అత్యధికులు భారతీయులేనని తెలుస్తోంది.


Tags :

ప్రధానాంశాలు

జిల్లా వార్తలు

దేవతార్చన


మరిన్ని