close

తాజా వార్తలు

Published : 04/08/2020 21:20 IST
Facebook Share Twitter Share WhatsApp Share Telegram Share

పీఎం- కేర్స్‌ నిధులతో 50వేల వెంటిలేటర్లు

దిల్లీ: కరోనాపై పోరులో కీలకమైన ఐసీయూ వెంటిలేటర్ల ఉత్పత్తి విషయంలో మేకిన్‌ ఇండియాకు పెద్దపీట వేసినట్లు కేంద్ర వైద్యారోగ్యశాఖ వెల్లడించింది. మొత్తం 60వేల వెంటిలేటర్లకు కేంద్రం ఆర్డర్‌ ఇవ్వగా.. అందులో 96 శాతం వెంటిలేటర్లు మేకిన్‌ ఇండియాలో భాగమేనని ఆ శాఖ కార్యదర్శి రాజేశ్‌ భూషణ్‌ తెలిపారు. అందులో 50వేల వెంటిలేటర్లను పీఎం- కేర్స్‌ నిధులతో ఆర్డర్‌ చేసినట్లు చెప్పారు. ఈ మేరకు ఆయన మీడియాతో మాట్లాడారు.

కరోనాకు ముందు దేశంలో వెంటిలేటర్ల తయారీ పరిశ్రమ అంతంతగానే ఉందని రాజేశ్‌ భూషణ్‌ అన్నారు. అలాంటిది ఇప్పుడు ఓ భారీ పరిశ్రమగా రూపుదిద్దుకుందని చెప్పారు. కేంద్రం 60వేల వెంటిలేటర్లకు ఆర్డర్‌ చేసిందని, వీటి తయారీలో భారత్‌ ఎలక్ట్రానిక్స్‌ లిమిటెడ్‌ (బీఈఎల్‌), ఆంధ్రా మెడ్‌టెక్‌ జోన్‌ది కీలక పాత్ర అని తెలిపారు. మొత్తం 50వేల వెంటిలేటర్ల కొనుగోలుకు రూ.2వేల కోట్లు పీఎం- కేర్స్‌ నుంచి వెచ్చించినట్లు తెలిపారు. ఇప్పటికే 18వేల వెంటిలేటర్లు రాష్ట్రాలకు చేరాయన్నారు. దేశంలో కరోనా బారిన పడిన వారిలో 0.27 శాతం మందికి మాత్రమే వెంటిలేటర్‌ సపోర్ట్‌ అవసరం అవుతోందని వివరించారు.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.