close

తాజా వార్తలు

పట్టాలెక్కిన రెండో ప్రైవేటు రైలు

అహ్మదాబాద్‌: భారత రైల్వే చరిత్రలోనే తొలి ప్రైవేటు రైలుగా పేరుగాంచిన తేజస్‌ ఎక్స్‌ప్రెస్‌.. రెండో మార్గంలో అందుబాటులోకి వచ్చింది. అహ్మదాబాద్‌-ముంబయి మార్గంలో తేజస్‌ రైలును గుజరాత్‌ ముఖ్యమంత్రి విజయ్‌ రూపానీ శుక్రవారం జెండా ఊపి ప్రారంభించారు. గుజరాత్‌ నుంచి ఆరున్నర గంటల్లో ఈ రైలు ముంబయి చేరుకోనుంది. కాగా.. జనవరి 19 నుంచి రైలు వాణిజ్యపరంగా సేవలను అందించనుంది. 

తేజస్‌ రైలు ప్రారంభోత్సవానికి రైల్వే మంత్రి పీయూష్‌ గోయల్‌ హాజరుకావాల్సి ఉండగా.. వాతావరణం సరిగ్గా లేకపోవడంతో రాలేదని భాజపా ఎంపీ కిరిట్‌ సోలంకీ తెలిపారు. ఈ రైలు తమ రాష్ట్రానికి గర్వకారణమని, దీని ద్వారా మహారాష్ట్ర, గుజరాత్‌ లబ్ధి పొందుతాయని విజయ్‌ రూపానీ ఆశాభావం వ్యక్తం చేశారు. ఇదే మార్గంలో బుల్లెట్‌ రైలు కోసం పనులు జరుగుతున్నట్లు తెలిపారు. 

ప్రస్తుతం దిల్లీ-లఖ్‌నవూ మధ్య తేజస్‌ రైలు నడుస్తోన్న విషయం తెలిసిందే. గతేడాది అక్టోబరు 4న ఈ తొలి ప్రైవేటు రైలును ప్రారంభించారు. తొలిసారిగా భారత రైల్వే శాఖ కాకుండా, దాని అనుబంధ సంస్థ ఐఆర్‌సీటీసీ ఆధ్వర్యంలో తేజస్‌ను నడుపుతున్నారు. అధునాతన సౌకర్యాలు, హంగులతో ఈ రైలును తీసుకొచ్చారు. తాజాగా అహ్మదాబాద్‌-ముంబయి మార్గంలోనూ తేజస్‌ను అందుబాటులోకి తెచ్చారు. దేశవ్యాప్తంగా 100 మార్గాల్లో 150 రైళ్లను ప్రైవేటు ఆపరేటర్ల ఆధ్వర్యంలో నడపాలని రైల్వేశాఖ యోచిస్తోంది. 



Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.