close

తాజా వార్తలు

Updated : 29/10/2020 14:08 IST
Facebook Share Twitter Share WhatsApp Share Telegram Share

పాక్‌ ఆర్మీ జనరల్‌ వణికిన వేళ..

అభినందన్‌ను వెళ్లనీయండి బాబోయ్‌ అన్న పాక్‌ మంత్రి

ఇస్లామాబాద్‌: పాక్‌తో వైమానిక పోరులో శత్రువులను తరిమికొట్టిన భారతీయ వాయుసేన వింగ్‌ కమాండర్‌ అభినందన్‌ వర్థమాన్‌ విషయంలో ఆ దేశ ఆర్మీ చీఫ్‌ జనరల్‌ కమర్‌ జావేద్‌ బాజ్వా గజగజ వణికారట. ఈ విషయాన్ని ఆ దేశ పార్లమెంటు సభ్యుడు ఒకరు స్వయంగా వెల్లడించారు. వర్థమాన్‌ను విడుదల చేయకపోతే భారత్‌ తమపై దాడిచేయనుందని నాటి ఓ అత్యున్నత సమావేశంలో విదేశీ వ్యవహారాల మంత్రి షా మెహ్‌మూద్‌ వెల్లడించారట.

కాళ్లు వణుకుతూ.. చెమటలు పట్టి..

‘‘ఫిబ్రవరి 2019 నాటి సమావేశంలో పాల్గొనేందుకు ప్రధాని ఇమ్రాన్‌ ఖాన్‌ తిరస్కరించారు. ఈలోగా పాక్‌ ఆర్మీ చీఫ్ జనరల్‌ బాజ్వా సమావేశం జరుగుతున్న గదిలోకి వచ్చారు. అప్పుడు ఆయన కాళ్లు వణుకుతున్నాయి.. శరీరమంతా చెమటలు పట్టి ఉంది. చర్చల అనంతరం పాక్‌ విదేశీ వ్యవహారాల శాఖ మంత్రి షా మెహ్‌మూద్‌ ఖురేషీ.. మీకు పుణ్యముంటుంది.. అభినందన్‌ను వెళ్లనీయండి .. లేదంటే భారత్‌ రాత్రి 9 గంటలకు మనమీద దాడి చేసేందుకు సిద్ధమవుతోంది అన్నారు.’’ అని పాకిస్థాన్‌ ముస్లిం లీగ్‌ (ఎన్‌) నేత అయాజ్‌ సాదిక్‌ నాటి సంఘటనా క్రమాన్ని ఆ దేశ పార్లమెంటులో వెల్లడించారు. దీనితో ఇమ్రాన్‌ ఖాన్‌ ప్రభుత్వం భారతీయ వింగ్‌ కమాండర్‌ అభినందన్‌ వర్థమాన్‌ను వెంటనే విడుదల చేయాలనే నిర్ణయానికి వచ్చిందని ఆయన తెలిపారు.

జమ్ముకశ్మీర్‌లోని పుల్వామాలో సీఆర్‌పీఎఫ్‌ సిబ్బందిపై జరిగిన ఉగ్రదాడిలో 40 మంది ప్రాణాలు కోల్పోయిన విషయం తెలిసిందే. దీనికి ప్రతీకారంగా పాక్‌కు చెందిన జైష్‌-ఎ-మోహమ్మద్‌ తీవ్రవాద స్థావరంపై భారత్‌ వాయుసేన విరుచుకుపడింది. ఫిబ్రవరి 27, 2019న కశ్మీరులో పాక్‌ విమానం చొరబాటును అడ్డుకోవటంలో వింగ్‌ కమాండర్‌ అభినందన్‌ అసమాన ప్రతిభ ప్రదర్శించారు. ఈ సందర్భంగా జరిగిన వైమానిక పోరులో పాక్‌కు చెందిన ఓ ఎఫ్‌-16 యుద్ధవిమానాన్ని తన మిగ్‌-21 విమానంతో వెంటాడి మరీ కూల్చివేశారు. అయితే ఈ ఘర్షణలో తన విమానం కూడా కూలిపోవటంతో భారత వింగ్‌ కమాండర్‌ అత్యవసరంగా కిందికి దిగవలసి వచ్చింది. అది పాక్‌ భూభాగం కావటంతో వర్థమాన్‌ను పాక్‌ సైన్యం అదుపులోకి తీసుకుంది. ఇరుదేశాల చర్చల అనంతరం మార్చి 1, 2019న వింగ్‌ కమాండర్‌ అభినందన్‌ వర్ధమాన్‌ను వాఘా సరిహద్దు వద్ద భారత్‌కు అప్పగించారు. ఆయన అసమాన సాహసానికి గాను భారత ప్రభుత్వం అభినందన్‌కు వీర చక్రను బహూకరించింది.



Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.