నడ్డా కేసులో ముగ్గురు ఐపీఎస్‌లకు నోటీసులు!
close

తాజా వార్తలు

Published : 15/12/2020 22:33 IST

నడ్డా కేసులో ముగ్గురు ఐపీఎస్‌లకు నోటీసులు!

దిల్లీ: భాజపా జాతీయ అధ్యక్షుడు జేపీ నడ్డా వాహనంపై రాళ్ల దాడి కేసులో కేంద్రం కఠినంగా వ్యవహరిస్తోంది. పశ్చిమ బెంగాల్‌లో జరిగిన ఈ దాడికి సంబంధించి ఇప్పటికే పలువురిని అరెస్టు చేసింది. భద్రతా లోపాల కారణంగానే భాజపా అధ్యక్షుడిపై దాడి జరిగిందని కేంద్రం వెల్లడించింది. ముగ్గురు ఐపీఎస్‌ అధికారులను డిప్యుటేషన్‌పై కేంద్రంలోకి రావాలంటూ హోంశాఖ గతంలోనే సమన్లు జారీ చేసింది. అయితే ఆ ముగ్గురు ఐపీఎస్‌లు డిప్యుటేషన్‌ మీద వెళ్లకపోవడంపై వారికి నోటీసులు జారీ చేయనున్నట్లు హోంశాఖ వర్గాలు తాజాగా వెల్లడించాయి. సదరు అధికారులను డిప్యుటేషన్‌ మీద పంపించకపోవడంపై బెంగాల్‌ ప్రభుత్వాన్ని సైతం వివరణ కోరనుంది.

పశ్చిమ బెంగాల్‌లో పర్యటించిన జేపీ నడ్డాపై ఈనెల 10వ తేదీన కొందరు రాళ్ల దాడికి పాల్పడ్డారు. రహదారిని నిర్బంధించి నడ్డా కాన్వాయ్‌పై రాళ్లు, కర్రలతో దాడి చేశారు. బెంగాల్‌ అధికార పార్టీ తృణమూల్‌ కాంగ్రెస్‌ మద్దతుదారులే ఈ దాడికి పాల్పడినట్లు భాజపా ఆరోపించింది. ఈ ఘటనపై ఆగ్రహించిన కేంద్రం బెంగాల్‌ డీజీపీతోపాటు చీఫ్‌ సెక్రటరీకి సమన్లు జారీ చేసింది. బెంగాల్‌ కేడర్‌లో విధులు నిర్వహిస్తున్న డైమండ్‌ హార్బర్‌ ఎస్పీ, ప్రెసిడెన్సీ రేంజ్‌ డీఐజీ, దక్షిణ బెంగాల్‌ అదనపు డీజీలపై చర్యలకు ఉపక్రమించింది.

ఇవీ చదవండి...

జేపీ నడ్డా కాన్వాయ్‌పై రాళ్ల దాడి

బెంగాల్‌ పోలీసుఅధికారులపై కేంద్రం కొరడా


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని