తప్పించుకునే వైరస్‌లను చిక్కించుకునే సాధనం!

తాజా వార్తలు

Published : 12/08/2021 15:29 IST

తప్పించుకునే వైరస్‌లను చిక్కించుకునే సాధనం!

వాషింగ్టన్‌: కరోనా వైరస్‌ ప్రపంచమంతటా వ్యాపించి, పలు దేశాల్లో రూపం మార్చుకుంటోంది. ఇలా మార్పులు సంతరించుకున్న వైరస్‌ ప్రమాదకరంగా మారి... వ్యాక్సిన్ల ద్వారా ఉత్పత్తయ్యే యాంటీబాడీలకు చిక్కడం లేదు! దీంతో కొన్నిసార్లు టీకాలు తీసుకున్నవారు కూడా కొవిడ్‌కు గురై, ఆసుపత్రుల్లో చేరాల్సి వస్తోంది. దీనికి పరిష్కారం కనుగొనేందుకు అమెరికాలోని ‘యూనివర్సిటీ ఆఫ్‌ కొలరాడో బౌల్డర్‌’ శాస్త్రవేత్తలు సరికొత్త విధానాన్ని అభివృద్ధి చేశారు. యాంటీబాడీలను తప్పించుకుని తిరుగుతున్న కరోనా, హెచ్‌ఐవీ, ఇన్‌ఫ్లుయెంజా తదితర వైరస్‌లను దీని ద్వారా గుర్తించవచ్చు! అంతేకాదు. వీటిని నాశనం చేసేందుకు ఎలాంటి యాంటీబాడీలు అవసరమన్నది కూడా ఈ విధానం ద్వారా తెలుసుకోవచ్చు.

‘‘పరిశోధనలో భాగంగా వంటల్లో వాడే ఈస్ట్‌ను జన్యుపరంగా మార్పుచేశాం. తర్వాత అందులో కరోనా వైరస్‌లోని స్పైక్‌ ప్రొటీన్‌ భాగాలను ఉంచాం. ప్రత్యేక ట్యూబ్‌ ద్వారా పరిశీలించగా... ఈ ప్రొటీన్లలో చాలా మార్పులు చోటుచేసుకున్నట్టు గుర్తించాం. ఇందులో కొన్ని ఇప్పటివరకూ మనకు తెలియనివి కూడా ఉన్నాయి. వీటిని ప్రత్యేక సాఫ్ట్‌వేర్‌తో విశ్లేషించడం ద్వారా... వైరస్‌లో చోటుచేసుకోబోయే ఉత్పరివర్తనాలను ముందుగానే అంచనా వేయవచ్చు. బూస్టర్‌ డోసు తయారీకీ ఈ వివరాలు తోడ్పడగలవు’’ అని పరిశోధనకర్త తిమోతి వైట్‌హెడ్‌ వివరించారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని