close
Array ( ) 1

తాజా వార్తలు

నొప్పించినవాళ్లను ఒప్పించేందుకు..

ఈయూ వేదికపై సీఏఏని గట్టిగా సమర్థించిన జైశంకర్‌

బ్రస్సెల్స్‌: భారత ప్రభుత్వం తీసుకున్న ప్రతిష్ఠాత్మక నిర్ణయాలైన పౌరసత్వ సవరణ చట్టం(సీఏఏ), అధికరణ 370 రద్దును విదేశాంగ మంత్రి జైశంకర్‌ ఐరోపా సమాఖ్య(ఈయూ) వేదికపై గట్టిగా సమర్థించారు. ఈయూతో మెరుగైన సంబంధాలే లక్ష్యంగా బ్రస్సెల్స్‌ పర్యటన చేపట్టిన ఆయన సోమవారం జరిగిన సమాఖ్య దేశాల విదేశాంగ మంత్రుల సమావేశానికి విశిష్ట అతిథిగా హాజరయ్యారు. సీఏఏ, అధికరణ 370 రద్దుని కొన్ని దేశాలు తప్పుగా అర్థం చేసుకున్నాయని జైశంకర్‌ సభ్యులకు వివరించారు. సీఏఏ వివక్షాపూరితంగా, కొన్ని వర్గాల మధ్య విభజనకు కారణయ్యేదిగా ఉందంటూ ఇటీవల ఈయూలో కొంతమంది సభ్యులు తీర్మానం ప్రవేశపెట్టిన విషయం తెలిసిందే. ఈ తరుణంలో జైశంకర్‌ అదే వేదికపై వివరణ ఇవ్వడం ప్రాధాన్యం సంతరించుకుంది. ఐరోపా దేశాల్లో అమలవుతున్న ‘ఇమ్మిగ్రేషన్‌ అడ్‌ రిఫ్యూజీ రీసెటిల్‌మెంట్‌’ విధానాలతో సీఏఏని పోల్చి వివరించారు. చాలా ఈయూ దేశాలు సంస్కృతి, జాతీయతను పౌరసత్వానికి ప్రాతిపదికగా తీసుకుంటున్నాయని గుర్తుచేశారు. 

ఈ సందర్భంగా పాకిస్థాన్ తీరునూ జైశంకర్‌ ఈయూ సభ్యులకు వివరించారు. భారత్‌కు పొరుగున ఉన్న దేశంలో ఇస్లాం అధికారిక మతంగా ఉందని..అక్కడి మైనారిటీలపై అకృత్యాలు జరుగుతున్నాయని తెలిపారు. అందుకే అక్కడి వారు భారత్‌లో ఆశ్రయం కోరుతూ వస్తున్నారని వివరించారు. ఈ సందర్భంగా భారత్‌, ఈయూ మధ్య సంబంధాలు బలోపేతం కావాల్సిన ఆవశ్యకతను కూడా జైశంకర్‌ గుర్తుచేశారు.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.