close

తాజా వార్తలు

Published : 30/11/2020 20:24 IST
Facebook Share Twitter Share WhatsApp Share Telegram Share

డిసెంబర్‌లో కర్ణాటక గ్రామ పంచాయతీ ఎన్నికలు

బెంగళూరు: కన్నడ గ్రామ పంచాయతీ ఎన్నికల నగారా మోగింది. ఈ మేరకు రాష్ట్రంలోని 5,700లకు పైగా ఉన్న గ్రామ పంచాయతీలకు డిసెంబర్‌ 22, 27న రెండు దశల్లో ఎన్నికలు నిర్వహించనున్నట్లు రాష్ట్ర ఎలక్షన్‌ కమిషనర్‌ బి. బసవరాజు  సోమవారం తెలిపారు. ఎన్నికల ఫలితాలు 30వ తేదీన వెల్లడించనున్నట్లు చెప్పారు. ఆయన మాట్లాడుతూ.. రాష్ట్రంలోని 6,004 గ్రామ పంచాయతీలకు గానూ కేవలం 5,762 గ్రామ పంచాయతీలకు మాత్రమే ఎన్నికలు నిర్వహిస్తున్నాం. ఇప్పటికీ 162 గ్రామ పంచాయతీల్లో  పదవీ సమయం పూర్తి కాలేదు. ఆరు స్థానాల్లో కోర్టు కేసులు నడుస్తున్నాయి. 74 గ్రామ పంచాయతీలు పట్టణ పంచాయతీలుగా మారాయి.  మొత్తం 92,121 గ్రామ పంచాయతీ వార్డులు ఉన్నాయి. 2.97 కోట్ల ఓటర్లు ఉన్నారు. ఓటింగ్ కోసం 45,128 పోలింగ్‌ బూత్‌లను ఏర్పాటు చేయనున్నారు. ఓటింగ్‌ ఉదయం 7 నుంచి సాయంత్రం 5 గంటల వరకు ఉంటుంది. కొవిడ్‌-19 దృష్ట్యా ప్రశాంత వాతావరణంలో ఎన్నికలు నిర్వహించనున్నట్లు కమిషన్‌ తెలిపింది. డిసెంబర్‌ 11, 16లను నామినేషన్‌ వేయడానికి చివరి తేదీలుగా ప్రకటించారు. నామినేషన్‌ ఉపసంహరణకు డిసెంబర్‌  14, 19 చివరి తేదీ.  గ్రామ పంచాయతీ ఎన్నికలు కీలకమైనవని గతంలో ముఖ్యమంత్రి యడియూరప్ప అన్నారు.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

చిత్ర వార్తలు

మరిన్ని

దేవతార్చన