అందుకే పార్లమెంటు సమావేశాలు రద్దు: రౌత్‌

తాజా వార్తలు

Published : 20/12/2020 20:45 IST

అందుకే పార్లమెంటు సమావేశాలు రద్దు: రౌత్‌

ముంబయి: రైతుల ఆందోళనల అంశం పార్లమెంటులో చర్చించకూడదనే కేంద్రం శీతాకాల సమావేశాలను రద్దు చేసిందని శివసేన ఎంపీ సంజయ్‌ రౌత్‌ ఆరోపించారు. మరి సమావేశాలు నిర్వహించడం ఆసక్తి లేనప్పుడు కొత్త పార్లమెంటు భవనాలు నిర్మించడం ఎందుకని ప్రశ్నించారు. ఈ మేరకు ఆయన శివసేన అధికార పత్రిక సామ్నా వేదికగా కేంద్రంపై విమర్శలు చేశారు.

‘కేంద్రం వ్యవసాయ చట్టాలకు వ్యతిరేకంగా రైతుల నిరసనల గురించి చర్చ జరగకూడదనే శీతాకాల సమావేశాల్ని రద్దు చేసింది. మరి సభలు నిర్వహించి చర్చలు పెట్టే ఆసక్తి లేనప్పుడు రూ.1000 కోట్లతో నూతన పార్లమెంటు(సెంట్రల్‌ విస్టా ప్రాజెక్టు) నిర్మించడం ఎందుకు. ప్రస్తుతం ఉన్న పార్లమెంటు భవనం బాగానే ఉంది. ఆ భవనం మరో 50 నుంచి 75 సంవత్సరాల వరకు కూడా బాగానే ఉంటుంది. పూర్వపు నాయకుల గొప్పతనం, జ్ఞాపకాల్ని నాశనం చేయాలని ఎవరూ అనుకోరు. కానీ మీ సొంత ఇమేజ్‌ పెంచుకోవడానికి కొత్త నిర్మాణాలు చేపట్టడం ప్రజాస్వామ్యాన్ని అధిగమించడమే అవుతుంది’ అని రౌత్‌ విమర్శించారు. 

నూతన పార్లమెంటు భవన నిర్మాణానికి ప్రధాని నరేంద్రమోదీ డిసెంబర్‌ 10న శంకుస్థాపన చేసిన విషయం తెలిసిందే. ఈ ప్రాజెక్టును దాదాపు రూ.1000 కోట్లతో చేపట్టనున్నారు. 2022 ఆగస్టు 15, స్వాతంత్ర్య దినోత్సవ వేడుకల సమయానికి పూర్తి చేయాలని కేంద్రం లక్ష్యంగా పెట్టుకుంది. కాగా వ్యవసాయ చట్టాలకు వ్యతిరేకంగా నవంబర్‌ 26 నుంచి వేలాది మంది రైతులు దిల్లీ సరిహద్దుల్లో ఆందోళనలు కొనసాగిస్తున్నారు. 

ఇదీ చదవండి

పార్లమెంటు భవనానికి మోదీ శంకుస్థాపన


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని