close

తాజా వార్తలు

నేనెందుకు కశ్మీరుకు వెళ్లాలి?

కశ్మీరు భారత్‌ అంతర్గత వ్యవహారం... మరోసారి కుండబద్దలు కొట్టిన రష్యా

దిల్లీ: జమ్ము-కశ్మీర్‌ ప్రాంత రాజ్యాంగ స్థితి పునర్వ్యవస్థీకరణ భారత్‌ అంతర్గత వ్యవహారమని, దానిలో తమ ప్రమేయం ఉండదని రష్యా మరోసారి తేల్చిచెప్పింది. ఒక దేశ అంతర్గత వ్యవహారాలలో జోక్యం కల్పించుకోకూడదు అనేది ద్వైపాక్షిక సంబంధాల ప్రాథమిక సూత్రాలలో ఒకటని భారత్‌లో రష్యా రాయబారి నికోలాయ్‌ కుదషేవ్‌ గుర్తుచేశారు. పాకిస్థాన్‌ పరంగా కశ్మీరు అంశాన్ని మరోసారి చర్చించాలనే చైనా విజ్ఞప్తిని ఐక్యరాజ్యసమితి రెండోసారి కూడా తోసిపుచ్చింది. ఇది జరిగిన ఒక్కరోజులోనే రష్యా నుంచి ఈ ప్రకటన వెలువడటం ప్రాముఖ్యతను సంతరించుకుంది.

కశ్మీరు ప్రత్యేక హోదా రద్దైన నేపథ్యంలో ఆ ప్రాంతాన్ని సందర్శిస్తారా? అన్న మరో ప్రశ్నకు జవాబుగా కుదషేవ్‌, తనకు అత్యవసరంగా ఆ ప్రదేశానికి వెళ్లవలసిన ఆవశ్యకత లేదన్నారు. ‘‘అక్కడకు వెళ్లడానికి నాకు ఏ కారణమూ లేదు. ఎవరికైనా అభ్యంతరాలు, అనుమానాలు ఉంటే వారు వెళ్లవచ్చు. కానీ, మేము ఇతర దేశాల అంతర్గత వ్యవహారాల్లో జోక్యం చేసుకోము’’ అని ఆయన నిర్ద్వంద్వంగా చెప్పారు. ప్రపంచ క్షేమం కోసం అంటూ ఏకపక్షంగా ఉండటం, ఏక ధృవ ప్రపంచాన్ని ఆకాంక్షించటం సరికాదని రష్యా అధ్యక్షుడి ఇటీవలి ప్రసంగంలోని అంశాలను ఆయన ఉటంకించారు. అదే విధంగా భారత విదేశాంగ విధానం ఎవరికీ అభ్యంతరం కానిదని, దేశాలన్నీ దానిని అనుసరిస్తే ప్రపంచం మరింత మెరుగవుతుందని భారత్‌ను ప్రశంసించారు. 


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.