CoronaVaccine: త్వరలో చిన్నారులకూ టీకాలు
close

తాజా వార్తలు

Updated : 17/06/2021 08:24 IST

CoronaVaccine: త్వరలో చిన్నారులకూ టీకాలు

పిల్ల కోతుల్లో సమర్థంగా పనిచేసిన రెండు వ్యాక్సిన్లు

న్యూయార్క్‌: కరోనా మహమ్మారిని సమర్థంగా ఎదుర్కొనేలా పిల్లలకూ త్వరలోనే టీకాలు అందుబాటులోకి వచ్చే అవకాశాలు కనిపిస్తున్నాయి! మోడెర్నా వ్యాక్సిన్‌తో పాటు మరో ప్రొటీన్‌ ఆధారిత టీకా ఈ మేరకు ప్రాథమిక ప్రయోగాల్లో సత్ఫలితాలనిచ్చినట్లు అమెరికా శాస్త్రవేత్తలు వెల్లడించారు. తాజా పరిశోధనల్లో భాగంగా వారు 16 పిల్ల కోతులను రెండు బృందాలుగా చేశారు. వాటిలో ఓ బృందానికి మోడెర్నా, మరో వర్గానికి ప్రొటీన్‌ ఆధారిత టీకా అందించారు. రెండు డోసులు అందాక.. వాటన్నింటిలోనూ కొవిడ్‌ కారక ‘సార్స్‌-కొవ్‌-2’ వైరస్‌ను అంతమొందించగల సురక్షిత, బలమైన యాంటీబాడీలు ఉత్పత్తయ్యాయి. 22 వారాలపాటు ఈ యాంటీబాడీ వ్యవస్థ ప్రభావవంతంగా పనిచేసింది. పెద్ద కోతుల్లో 100 మైక్రోగ్రాముల టీకా డోసుతో వచ్చిన స్థాయిలో యాంటీబాడీలు.. చిన్న కోతుల్లో కేవలం 30 మైక్రోగ్రాముల డోసుతోనే ఉత్పత్తయ్యాయి. మోడెర్నా టీకా తీసుకున్న మర్కటాల్లో.. వ్యాధి తీవ్రతను తగ్గించే బలమైన టీ-సెల్‌ ప్రతిస్పందనలు కూడా కనిపించాయని ఉత్తర కరోలినా విశ్వవిద్యాలయం ప్రొఫెసర్‌ క్రిస్టీనా డి పార్‌ తెలిపారు. పిల్లల్లో వ్యాక్సిన్‌ సామర్థ్యాన్ని, భద్రతను దెబ్బతీసే టీ హెల్పర్‌ టైప్‌-2 ప్రతిస్పందనలు ఏ టీకాతోనూ ఉత్పన్నమవలేదని స్పష్టం చేశారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని