Supreme Court: చిన్నప్పటి సంతకం మారకుండా ఉంటుందా?

తాజా వార్తలు

Published : 30/08/2021 13:14 IST

Supreme Court: చిన్నప్పటి సంతకం మారకుండా ఉంటుందా?

దీని ఆధారంగానే హత్య కేసుపై విచారణ
నోటీసులు ఇచ్చిన సుప్రీంకోర్టు

దిల్లీ: ఒకటో తరగతిలో పెట్టిన సంతకం ఎనిమిదో తరగతికి వచ్చినప్పుడు కూడా అలాగే మారకుండా ఉంటుందా? దీన్ని ఆధారం చేసుకునే సుప్రీంకోర్టు ఓ హత్య కేసుపై విచారణ జరపనుంది. ఒక హత్య కేసులో నిందితుడిని మైనర్‌గా నిర్ధరించిన భాగపట్‌ జువెనైల్‌ జస్టిస్‌ బోర్డు అతనికి తక్కువ శిక్ష విధించింది. పాఠశాల ఇచ్చిన ధ్రువపత్రాల ఆధారంగా ఈ తీర్పు వెల్లడించింది. అయితే ఈ సందర్భంగా సమర్పించినవి తప్పుడు పత్రాలంటూ బాధితులు కింది కోర్టులను ఆశ్రయించినా ఊరట కలగకపోవడంతో సుప్రీంకోర్టులో అప్పీలు చేశారు. నిందితుడు నాలుగేళ్ల వయసు ఉన్నప్పుడు ఒకటో తరగతిలో చేసిన సంతకం, 12 ఏళ్ల వయసులో 8వ తరగతిలో చేసిన సంతకం ఒకేలా ఉండడం అనుమానాలు కలిగిస్తున్నాయని పేర్కొన్నారు. ఇది ఆసక్తికరంగా ఉందని వ్యాఖ్యానించిన జస్టిస్‌ డి.వై.చంద్రచూడ్, జస్టిస్‌ ఎం.ఆర్‌.షాలతో కూడిన ధర్మాసనం నిందితునికి, అతని తల్లికి నోటీసులు ఇచ్చింది. ఆరువారాల్లో సమాధానం ఇవ్వాలని ఆదేశించింది. ఆ వయసులో ఒకేలా సంతకాలు చేయడం జరగదని, అలా ఉన్నాయంటే నకిలీవేనని బాధితుల తరఫు న్యాయవాది వాదించారు. వైద్య పరీక్షలు నిర్వహించి వయసును నిర్ధరించాలని, అందుకు అనుగుణంగా శిక్ష వేయాలని కోరారు. ట్రాక్టర్ల ట్రాలీలు నిలుపు చేసే విషయమై జరిగిన ఘర్షణలో మరికొందరితో కలిసి నిందితుడు కూడా పాల్గొన్నాడని, అందులో ఇద్దరు మరణించారని కేసు నమోదయింది. సంఘటన జరిగిన సమయంలో అతడు మైనర్‌ కావడంతో తక్కువ శిక్ష విధిస్తూ జువెనైల్‌ బోర్డు తీర్పు చెప్పింది.?


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని