close

తాజా వార్తలు

Updated : 21/02/2021 04:27 IST
Facebook Share Twitter Share WhatsApp Share Telegram Share

కొవిడ్‌ తీవ్రతను గుర్తించేందుకు కృత్రిమమేధ

పరికరాన్ని తయారు చేసిన ఇండియన్‌ ఇన్‌స్టిట్యూట్‌ ఆఫ్‌ సైన్స్‌ పరిశోధకులు

బెంగళూరు: కరోనా వైరస్‌ సంక్రమించిన వ్యక్తుల ఊపిరితిత్తుల ఇన్ఫెక్షన్‌ తీవ్రతను కనుగొనేందుకు బెంగళూరులోని ఐఐఎస్సీ (ఇండియన్‌ ఇన్‌స్టిట్యూట్‌ ఆఫ్‌ సైన్స్‌) పరిశోధకులు ఒక సాఫ్ట్‌వేర్‌ పరికరాన్ని తయారు చేశారు. కృత్రిమమేధ ఆధారంగా పనిచేసే ఈ పరికరాన్ని నార్వేలోని ఓస్లో యూనివర్సిటీ హాస్పిటల్, యూనివర్సిటీ ఆఫ్‌ అడ్జెర్‌ సహకారంతో అభివృద్ధి చేసినట్లు వారు తెలిపారు. దీనికి సంబంధించిన పత్రాలు ఇటీవల ఐఈఈఈ ట్రాన్సాక్షన్స్‌ ఆన్‌ న్యూరల్‌ నెట్‌వర్క్‌ అండ్‌ లెర్నింగ్‌ సిస్టమ్స్‌ జర్నల్‌లో ప్రచురితమయ్యాయి. ఈ మేరకు ఐఐఎస్సీ ఒక ప్రకటనలో వెల్లడించింది.

ఆ పరికరానికి ఆనమ్‌నెట్‌ అనే పేరును పెట్టారు.‘‘కొవిడ్‌-19 కారణంగా అనేక శ్వాస సంబంధిత సమస్యలతో పాటు, ఊపిరితిత్తుల కణజాలాలకు తీవ్ర నష్టం కలుగుతోంది. ఎక్స్‌రే, సీటీ స్కాన్ల ఆధారంగా వైద్యులు దానిని గుర్తిస్తున్నారు. ఈ ఆనమ్‌నెట్‌ ఒక ప్రత్యేక న్యూట్రల్‌ నెట్వర్క్‌ ఆధారంగా ఆ ఎక్స్‌రేలను చదివి కరోనా వైరస్‌ తీవ్రతను గుర్తిస్తుంది.’’ అని ఐఐఎస్సీ పరిశోధకులు వెల్లడించారు. దీని ఆధారంగా వేగంగా చికిత్స అందించేందుకు వీలుంటుందని వారు తెలిపారు. ఆనమ్‌నెట్‌ కచ్చితత్వంతో పని చేసి ఊపిరితిత్తుల్లో కరోనా తీవ్రతను గుర్తిస్తుందన్నారు.

ఈ ఆనమ్‌నెట్‌ తేలికగా ఉంటుందని వారు తెలిపారు. దీని ఆధారంగా కొవిసెగ్‌ అనే మొబైల్‌ యాప్‌ను తయారుచేస్తున్నట్లు వారు వెల్లడించారు. త్వరలో దీన్ని బ్రెయిన్‌ స్కాన్‌ కూడా చేసేందుకు అనుగుణంగా మార్చుతామన్నారు.

ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని