New Chief of Air Staff: భారత వాయుసేన కొత్త చీఫ్‌గా వీఆర్‌ చౌధరి!

తాజా వార్తలు

Updated : 21/09/2021 20:48 IST

New Chief of Air Staff: భారత వాయుసేన కొత్త చీఫ్‌గా వీఆర్‌ చౌధరి!

దిల్లీ: భారత వాయుసేన కొత్త దళపతిగా ఎయిర్‌ మార్షల్‌ వీఆర్‌ చౌధరిని నియమించాలని కేంద్రం నిర్ణయించింది. ప్రస్తుతం వైమానిక దళ ఉపాధ్యక్షుడిగా ఉన్న ఆయన్ను తదుపరి చీఫ్‌గా నియమించనున్నట్లు రక్షణశాఖ ప్రకటించింది. ప్రస్తుతం వైమానిక దళాధిపతిగా కొనసాగుతున్న ఆర్‌కేఎస్‌ భదౌరియా ఈ నెల 30న పదవీ విరమణ చేయనున్నారు. ఈ నేపథ్యంలో కొత్త చీఫ్‌గా చౌధరిని నియమిస్తున్నట్టు రక్షణశాఖ పేర్కొంది. ఎయిర్‌ మార్షల్‌ చౌధరి 1982 డిసెంబర్‌ 29న భారత వాయుసేనలోకి ప్రవేశించారు. పలు రకాల ఫైటర్‌ జెట్‌లతో పాటు ట్రైనర్‌ ఎయిర్‌క్రాఫ్ట్‌లలో 3800 గంటలకుపైగా ప్రయాణించిన అనుభవం ఆయనకు ఉందని భారత వాయుసేన ఓ ప్రకటనలో వెల్లడించింది. ఆయన నేషనల్‌ డిఫెన్స్‌ అకాడమీ, వెల్లింగ్టన్‌లోని డిఫెన్స్‌ సర్వీస్‌ స్టాఫ్‌ కళాశాల పూర్వవిద్యార్థి కూడా. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని