CBSE: పరీక్షలు రద్దు చేయాలని కేజ్రీవాల్‌ విజ్ఞప్తి
close

తాజా వార్తలు

Published : 01/06/2021 16:38 IST

CBSE: పరీక్షలు రద్దు చేయాలని కేజ్రీవాల్‌ విజ్ఞప్తి

దిల్లీ: సీబీఎస్‌ఈ బోర్డు 12వ తరగతి పరీక్షలు రద్దు చేయాలని కేంద్ర ప్రభుత్వానికి విజ్ఞప్తి చేసినట్టు దిల్లీ సీఎం అరవింద్‌ కేజ్రీవాల్‌ వెల్లడించారు. గత పనితీరు ఆధారంగా విద్యార్థులను ఎవాల్యుయేట్‌ చేయాలని కోరినట్టు తెలిపారు. ఈ మేరకు మంగళవారం సాయంత్రం కేజ్రీవాల్‌ ట్విట్‌ చేశారు. కరోనా మహమ్మారి నేపథ్యంలో విద్యార్థులు, వారి తల్లిదండ్రులు 12వ తరగతి పరీక్షల గురించి తీవ్ర ఆందోళన వ్యక్తంచేస్తున్నారని పేర్కొన్నారు. వ్యాక్సినేషన్‌ లేకుండా పరీక్షలు నిర్వహించరాదని వారు కోరుకుంటున్నారని తెలిపారు. ఈ నేపథ్యంలో సీబీఎస్‌ఈ బోర్డు 12వ తరగతి పరీక్షలను రద్దు చేయాలని కేంద్రానికి విజ్ఞప్తి చేసినట్టు కేజ్రీవాల్‌ పేర్కొన్నారు.

మరోవైపు, సీబీఎస్‌ఈ 12వ తరగతి పరీక్షల నిర్వహణ అంశంపై చర్చించేందుకు ప్రధాని నరేంద్ర మోదీ అధ్యక్షతన కీలక భేటీ జరగడానికి ముందు కేజ్రీవాల్‌ ఈ ట్వీట్‌ చేయడం గమనార్హం. కరోనా ఉద్ధృతి నేపథ్యంలో ఏప్రిల్‌ 14న సీబీఎస్‌ఈ 10 తరగతి పరీక్షలు రద్దు చేసిన అధికారులు.. 12వ తరగతి పరీక్షలను వాయిదా వేసిన విషయం తెలిసిందే.  ఈ పరీక్షల నిర్వహణపై ఇటీవల కేంద్ర విద్యాశాఖ అన్ని రాష్ట్రాలతో సంప్రదింపులు జరిపి అభిప్రాయాలు కోరింది. ఆ వివరాలు, పరీక్షల నిర్వహణకు ఉన్న అవకాశాలను అధికారులు ప్రధానికి వివరించనున్నారు. ఈ సమావేశంలో సీబీఎస్‌ఈ పరీక్షలపై ఓ నిర్ణయం తీసుకొనే అవకాశం ఉంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని