close

తాజా వార్తలు

Updated : 27/02/2021 04:26 IST
Facebook Share Twitter Share WhatsApp Share Telegram Share

ప్రజలు దేన్నైనా సహిస్తారు కానీ..

గుజరాత్ వాసులకు కేజ్రీవాల్ కృతజ్ఞతలు

అహ్మదాబాద్: మొదటి ప్రయత్నంలోనే గుజరాత్‌లోని సూరత్‌ మున్సిపల్ కార్పొరేషన్‌ ఎన్నికల్లో ఆమ్ ఆద్మీ పార్టీ(ఆప్‌) 27 స్థానాలు గెలుచుకొని సత్తా చాటింది. తమ పార్టీని ఆదరించిన ఓటర్లకు కృతజ్ఞతలు తెలియజేసేందుకు ఆప్ కన్వీనర్ అరవింద్ కేజ్రీవాల్ శుక్రవారం సూరత్‌లో రోడ్‌షోలో పాల్గొన్నారు. ఈ క్రమంలో ఆయన మాట్లాడుతూ..‘మాకు 27 సీట్లు దక్కితే..వారికి 93 స్థానాలు వచ్చాయి. ఈ సంఖ్య పెద్ద విషయం కాదు. మా పార్టీలో ప్రతి ఒక్కరు..పది మంది ప్రత్యర్థులకు సరితూగగలరు. సూరత్‌ ప్రజలు మాకు ప్రతిపక్ష పాత్రను కట్టబెట్టారు. మా ప్రత్యర్థులను ఏ తప్పు చేయనివ్వం. ప్రజలు దేన్నైనా సహిస్తారు కానీ..అహంకారం, అవమానాన్ని సహించరు. సహాయం కోసం మన చెంతకు వచ్చేవారిని ఎప్పటికీ అవమానించకూడదు’ అంటూ ఆ రోడ్‌షోలో కేజ్రీవాల్ వ్యాఖ్యానించారు. పరోక్షంగా భాజపా వైఖరిని ఎండగట్టారు.  

ఇటీవల ముగిసిన గుజరాత్ మున్సిపల్ కార్పొరేషన్ ఎన్నికల్లో భాజపా క్లీన్‌స్వీప్ చేసింది. అన్ని కార్పొరేషన్లలో భారీ విజయం సాధించింది. ఈ ఎన్నికల్లో తొలిసారి బరిలోకి దిగిన ఆప్‌ బోణీ కొట్టింది. సూరత్ కార్పొరేషన్లో 27 డివిజన్లు గెలుచుకొని పార్టీ శ్రేణుల్లో కొత్త జోష్ నింపింది. మరోవైపు, ప్రధాన ప్రతిపక్షమైన కాంగ్రెస్ పెద్దగా ప్రభావం చూపలేకపోయింది. కేవలం 45 సీట్లకే పరిమితమైపోయింది. 


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని