close

తాజా వార్తలు

Updated : 19/04/2021 14:29 IST
Facebook Share Twitter Share WhatsApp Share Telegram Share

ఆసక్తి రేకెత్తించిన కేంద్ర మంత్రి ట్వీట్‌

 

దిల్లీ: దేశంలో కరోనా కేసులు రోజురోజుకూ అధికమవుతున్నాయి. మరోవైపు కొవిడ్‌ బాధితులకు చికిత్స అందించేందుకు ఆస్పత్రులు కరవవుతున్నాయి. ఈ నేపథ్యంలో కేంద్ర రోడ్డు, రవాణాశాఖ మంత్రి వీకే సింగ్‌ చేసిన ట్వీట్‌ ఆసక్తి రేకెత్తించింది. తన నియోజకవర్గ పరిధి ఘజియాబాద్‌లో కరోనా సోకిన ఓ వ్యక్తి గురించి ప్రస్తావిస్తూ ‘‘ నా సోదరుడికి కరోనా సోకింది. ఆస్పత్రిలో ఓ పడకను ఏర్పాటు చేయాలని ఘజియాబాద్‌ అధికారులకు విజ్ఞప్తి చేస్తున్నా’’ అంటూ ట్వీట్‌ చేశారు.  దీనికి ఘజియాబాద్‌ జిల్లా మెజిస్ట్రేట్‌ను ట్యాగ్‌ చేశారు. దీంతో ఆ ట్వీట్‌ వైరల్‌గా మారింది.

ఈ ట్వీట్‌పై శివసేన నాయకురాలు, ఎంపీ ప్రియాంక చతుర్వేది స్పందించారు. ఆసుపత్రిలో ఓ పడక కోసం కేంద్ర మంత్రి ఇలా విజ్ఞప్తి చేయడం ఆయన నిస్సహాయతను తెలియజేస్తోందని ఆమె ట్వీట్‌ చేశారు. కరోనా సోకిన ఆ వ్యక్తికి సాయం అందాలని, అతడు క్షేమంగా ఉండాలని ఆశిస్తున్నట్లు ఆమె తెలిపారు. 

ట్వీట్‌ వైరల్‌ కావడంతో కొద్దిసేపటి తర్వాత వీకే సింగ్‌ స్పందించారు. ఆయన తనకు సోదరుడేమీ కాదని, తన నియోజకవర్గ పరిధిలోని ఓ వ్యక్తి అని వివరణ ఇస్తూ మరో ట్వీట్‌ చేశారు. తాను స్వయంగా ట్వీట్‌ చేస్తే అధికారులు వేగంగా స్పందిస్తారని, తద్వారా ఆయనకు వైద్యసాయం అందుతుందనే ఉద్దేశంతో మానవతాదృక్పథంతోనే అలా చేసినట్లు తెలిపారు. అనంతరం ముందుచేసిన ట్వీట్‌ను తొలగించారు.


 

ఇవీ చదవండి


 

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని