Crackers Ban: దీపావళి బాణసంచాపై నిషేధం.. దీదీ సర్కార్‌ కీలక నిర్ణయం!

తాజా వార్తలు

Published : 27/10/2021 23:53 IST

Crackers Ban: దీపావళి బాణసంచాపై నిషేధం.. దీదీ సర్కార్‌ కీలక నిర్ణయం!

కోల్‌కతా (Kolkata): దీపావళి బాణసంచా (Diwali Fire Crakers)పై పశ్చిమ బెంగాల్‌ ప్రభుత్వం (West Bengal Govt.) కీలక నిర్ణయం తీసుకుంది. దీపావళి (Deepavali) సహా రాబోయే ఇతర పండుగల్లో టపాసుల విక్రయం, వినియోగంపై నిషేధం (Fire Crackers Ban) విధించింది. స్వీయ నిర్బంధంలో ఉన్న కొవిడ్‌ రోగుల ఆరోగ్య పరిస్థితి, రాష్ట్రంలో వాయు కాలుష్యాన్ని దృష్టిలో ఉంచుకొని ఈ నిర్ణయం తీసుకున్నట్టు మమతా బెనర్జీ ప్రభుత్వం (Mamata Benarjee Govt.) తెలిపింది. పర్యావరణ హితమైన టపాసులను మాత్రమే వినియోగించేందుకు అనుమతించనున్నట్టు తెలిపింది. అందుకు కూడా రెండు గంటల పాటు మాత్రమే అవకాశం కల్పిస్తున్నట్టు పేర్కొంది.

దీపావళి రోజున రాత్రి 8 గంటల నుంచి రాత్రి 10గంటల మధ్య టపాసులు కాల్చేందుకు అనుమతిస్తున్నారు. ఛత్‌ పూజ సందర్భంగా ఉదయం 6 నుంచి 8 గంటల వరకు; క్రిస్మస్‌ రోజున 35 నిమిషాల పాటు; నూతన సంవత్సర వేడుకల సందర్భంగా అర్ధరాత్రి 11.55 గంటల నుంచి 12.30 వరకు మాత్రమే పర్యావరణహిత టపాసులు కాల్చేందుకు అవకాశం కల్పిస్తున్నట్టు పశ్చిమ బెంగాల్‌ కాలుష్య నింత్రణ బోర్డు తెలిపింది. బాణసంచా కాల్చడంతో విడుదలయ్యే హానికరమైన రసాయనాలు శ్వాస సంబంధిత సమస్యలు ఉన్నవారిపై తీవ్ర ప్రభావం చూపే అవకాశం ఉన్న నేపథ్యంలో ఈ నిర్ణయం తీసుకున్నట్టు పేర్కొంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని