farmers protest: ‘వాళ్లు రైతులు కాదు ఆకతాయిలు’.. కేంద్రమంత్రి కామెంట్స్‌

తాజా వార్తలు

Published : 22/07/2021 22:26 IST

farmers protest: ‘వాళ్లు రైతులు కాదు ఆకతాయిలు’.. కేంద్రమంత్రి కామెంట్స్‌

దిల్లీ: కేంద్ర ప్రభుత్వం తీసుకువచ్చిన నూతన వ్యవసాయ చట్టాలకు వ్యతిరేకంగా దిల్లీలో ఆందోళన చేస్తున్న రైతులపై కేంద్రమంత్రి మీనాక్షి లేఖి ఘాటు వ్యాఖ్యలు చేశారు. దేశ రాజధానిలో ఆందోళన చేస్తున్న వారు రైతులు కారని.. వాళ్లు ఆకతాయిలు, దుష్టులని సంబోధించారు. జంతర్‌ మంతర్‌ వద్ద నిరసన చేస్తున్న రైతులు హింసాత్మక ఘటనలకు పాల్పడుతుండడంపై విలేకరులు అడిగిన ప్రశ్నకు కేంద్రమంత్రి ఈ విధంగా స్పందించారు.

‘ఆందోళనలో హింసాత్మక ఘటనలకు పాల్పడుతున్న వారిని రైతులని పిలువకూడదు. కుట్రదారుల చేతులు కలిపి వారు ఆటలు ఆడుతున్నారు. జంతర్‌మంతర్‌లో కూర్చొని ధర్నాలు చేసే సమయం రైతులకు ఉండదు. నిజమైన రైతులు వారి పంటపొలాల పనుల్లో నిమగ్నమై ఉన్నారు. రైతులకు ప్రయోజనం చేకూరవద్దనే ఉద్దేశంతో కొందరు మధ్యవర్తలు ఇలాంటి కార్యక్రమాలు చేయిస్తున్నారు’ అని కేంద్రమంత్రి మీనాక్షి లేఖి పేర్కొన్నారు. జనవరి 26న రైతుల నిరసన సందర్భంగా చోటుచేసుకున్న హింసాత్మక ఘటనలను ఉదహరిరిస్తూ ఆమె ఈ వ్యాఖ్యలు చేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని