ఎన్నికల వేళ అవార్డులా?: కాంగ్రెస్‌

తాజా వార్తలు

Updated : 02/04/2021 06:16 IST

ఎన్నికల వేళ అవార్డులా?: కాంగ్రెస్‌

దిల్లీ: శాసనసభ ఎన్నికల సమయంలో తమిళ సూపర్‌స్టార్‌ రజనీకి దాదాసాహెబ్‌ ఫాల్కే అవార్డును ప్రకటించడమేంటని కాంగ్రెస్‌ ప్రశ్నించింది. ఇటువంటి చర్యలతో భాజపా నేతృత్వంలోని కేంద్ర సర్కారు ప్రతిదీ రాజకీయానికి అనుకూలంగా మల్చుకుంటోందని విమర్శించింది. ఈ మేరకు ఆ పార్టీ నేత రాజీవ్‌ శుక్లా గురువారం ఆయన మీడియాతో మాట్లాడారు. హీరో రజనీ అంటే ప్రతిఒక్కరూ గౌరవిస్తారని, ఆయన జీవితం అందరికీ స్ఫూర్తి దాయకమన్నారు. ఆయనకు ఎప్పుడో ఈ అవార్డును ప్రదానం చేయాల్సిందన్నారు. ప్రస్తుతం ఐదు రాష్ట్రాల అసెంబ్లీ ఎన్నికల వేళ ఈ ఏడాదే ఎందుకు ప్రకటించారని ప్రశ్నించారు. వివిధ రంగాల్లోని ప్రముఖులను భాజపా అనవసరంగా రాజకీయ వివాదాల్లోకి లాగుతోందని విమర్శించారు. ప్రజలు అన్నీ గమనిస్తున్నారని, ఎన్నికల్లో వారికి (భాజపా) తగిన గుణపాఠం చెబుతారని వ్యాఖ్యానించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని