హౌజింగ్‌ సోసైటీల్లో వ్యాక్సినేషన్‌ డ్రైవ్‌ను పరిశీలించండి

తాజా వార్తలు

Published : 09/06/2021 00:10 IST

హౌజింగ్‌ సోసైటీల్లో వ్యాక్సినేషన్‌ డ్రైవ్‌ను పరిశీలించండి

 దిల్లీ హైకోర్టు

దిల్లీ: కొవిడ్‌ వ్యాక్సినేషన్‌ ప్రక్రియలో హౌజింగ్‌ సోసైటీలు, రెసిడెంట్స్‌ వెల్‌ఫేర్‌ అసోసియేషన్లను భాగం చేయడాన్ని పరిశీలించాలని కేంద్ర ప్రభుత్వానికి దిల్లీ హైకోర్టు సూచించింది. ప్రైవేటు ఆస్పత్రులతో ఒప్పందం కుదుర్చుకొని హౌజింగ్ సోసైటీల్లో వ్యాక్సినేషన్‌ క్యాంపులు చేపడితే ప్రజలు వ్యాక్సిన్‌ తీసుకోవడం సులభమవుతుందని హైకోర్టు అభిప్రాయం వ్యక్తం చేసింది. ఇది మంచి సూచనే అయితే వెంటనే హౌజింగ్ సోసైటీల్లో వ్యాక్సినేషన్‌ డ్రైవ్‌ను చేపట్టేలా చూడాలని తెలిపింది. ఇలాంటి క్యాంపుల నిర్వహణకు సంబంధిత అధికారులు అనుమతి నిరాకరిస్తే.. అందుకు గల కారణాన్ని స్టేటస్‌ రిపోర్టులో పొందుపర్చాలని న్యాయస్థానం పేర్కొంది.

రెసిడెంట్స్‌ వెల్‌ఫేర్‌ అసోసియేషన్లకు కొవిడ్‌ వ్యాక్సినేషన్‌ అనుమతి ఇవ్వాలంటూ అమికస్‌ క్యూరీ, సీనియర్ న్యాయవాది రాజ్‌శేఖర్‌ రావు వేసిన పిటిషన్‌పై జస్టిస్‌ విపిన్‌ సంఘీ, జస్మీత్‌ సింగ్‌తో కూడిన ధర్మాసనం విచారణ జరిపింది. ‘‘హౌజింగ్‌ సోసైటీ వ్యాక్సినేషన్‌ క్యాంపులను నిర్వహించడంలో ఏవైనా ఇబ్బందులు ఉంటే చెప్పలేం కానీ.. మా దృష్టిలో ఇలాంటి క్యాంపుల నిర్వహణపై దృష్టి సారించాల్సిన అవసరం ఉందనిపిస్తోంది. ఈ క్యాంపులకు అనుమతి ఇవ్వడం ద్వారా హౌజింగ్ సోసైటీల్లో ఉండే ప్రజలు సురక్షితంగా, సులువుగా టీకాలు తీసుకోగలరు’’అని ధర్మాసనం వ్యాఖ్యానించింది. ఈ విషయంపై స్టేటస్‌ రిపోర్టును జులై 7న కోర్టుకు సమర్పించాలని కేంద్రాన్ని ఆదేశించింది. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని