సెకండ్‌ వేవ్‌ ఇంకా పోలేదు.. అలా చేయకండి!

తాజా వార్తలు

Updated : 10/07/2021 20:46 IST

సెకండ్‌ వేవ్‌ ఇంకా పోలేదు.. అలా చేయకండి!

 కొవిడ్‌ నిబంధనలు పాటించాలని కేంద్ర హోంశాఖ విజ్ఞప్తి

దిల్లీ: దేశంలో కరోనా మహమ్మారి రెండో దశ ఇంకా ముగిసిపోలేదని కేంద్రం మరోసారి హెచ్చరించింది. పర్యాటక ప్రాంతాల్లో కొవిడ్‌ నిబంధనల్ని విస్మరించొద్దని కేంద్ర హోంశాఖ కార్యదర్శి అజయ్ భల్లా విజ్ఞప్తి చేశారు. శనివారం ఆయన దేశంలోని హిల్‌ స్టేషన్లు, పర్యాటక ప్రాంతాల్లో కరోనా పరిస్థితిపై సమీక్షించారు. ఆయా ప్రాంతాల్లో వైరస్‌ వ్యాప్తికి సంబంధించి  తీసుకోవాల్సిన చర్యలపై సమీక్షించారు. దేశవ్యాప్తంగా పాజిటివిటీ రేటు తగ్గుతున్నట్టు కనబడినప్పటికీ.. రాజస్థాన్‌, కేరళ, మహారాష్ట్ర, తమిళనాడు, పశ్చిమబెంగాల్‌, ఉత్తరాఖండ్‌, హిమాచల్‌ ప్రదేశ్‌లలో కరోనా పాజిటివి రేటు 10శాతం కన్నా ఎక్కువగానే ఉన్నట్టు చెప్పారు. 

ఈ సమావేశంలో గోవా, హిమాచల్‌ప్రదేశ్‌, కేరళ, మహారాష్ట్ర, రాజస్థాన్‌, తమిళనాడు, ఉత్తరాఖండ్‌, పశ్చిమబెంగాల్‌ రాష్ట్రాల్లో కరోనా వైరస్‌తో పరిస్థితితో పాటు వ్యాక్సినేషన్‌ స్థితిపైనా చర్చించారు. పర్యాటక ప్రాంతాల్లో కొవిడ్‌ నిబంధనలను విస్మరిస్తున్నట్టు మీడియాలో వస్తున్న కథనాల నేపథ్యంలో హెచ్చరికలు చేశారు. మహమ్మారి ఇంకా ముగిసిపోలేదన్న అజయ్‌ భల్లా.. మాస్క్‌లు ధరించడం, భౌతికదూరం పాటించడం వంటి జాగ్రత్తలు పాటించడంలో రాష్ట్ర ప్రభుత్వాలు కఠినంగా వ్యవహరించాలన్నారు. టెస్టింగ్‌, ట్రాకింగ్‌‌, ట్రీట్‌, వ్యాక్సినేషన్‌, కొవిడ్‌ నిబంధనలు అమలు.. ఈ ఐదు అంచెల్ని పాటించాలని సూచించారు. ఈ సమీక్షలో నీతి ఆయోగ్‌ సభ్యుడు (ఆరోగ్యం) డాక్టర్‌ వీకే పాల్‌, ఆరోగ్యశాఖ కార్యదర్శి, ఐసీఎంఆర్‌ డీజీ, ఎనిమిది రాష్ట్రాల సీఎస్‌లు, డీజీపీలు, ఆరోగ్యశాఖ ముఖ్య కార్యదర్శులు పాల్గొన్నారు.

కొవిడ్ ఆంక్షలు సడలించడంతో పలు రాష్ట్రాల్లోని పర్యాటక ప్రదేశాల్లో జనాలు సేదతీరుతున్న దృశ్యాలు నెట్టింట్లో చక్కర్లు కొడుతున్నాయి. మూడో ముప్పు పొంచి ఉన్న వేళ.. హిమాచల్‌ప్రదేశ్‌లోని మనాలి, ఉత్తరాఖండ్‌లోని కెమ్టీ జలపాతం, హరిద్వార్‌లోని హర్‌ కీ పౌరి ఘాట్‌వద్ద జన సమూహాల  దృశ్యాలు కేంద్ర, రాష్ట్ర ప్రభుత్వాలు, వైద్య రంగ నిపుణుల్ని తీవ్ర ఆందోళనకు గురిచేస్తున్న విషయం తెలిసిందే.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని