China Floods: వెయ్యేళ్లలో చూడనంత భారీ వర్షం.. 300మందికి పైగా మృతి!

తాజా వార్తలు

Updated : 02/08/2021 20:18 IST

China Floods: వెయ్యేళ్లలో చూడనంత భారీ వర్షం.. 300మందికి పైగా మృతి!

బీజింగ్‌: చైనాలో ఇటీవల కురిసిన వర్షాలతో భారీ ప్రాణనష్టం సంభవించింది. వెయ్యేళ్లలో ఎన్నడూ చూడని విధంగా వచ్చిన వరదలతో మృతుల సంఖ్య 300లకు పైగా చేరిందని హెనాన్‌ ప్రొవిన్షియల్‌ అధికారులు తాజాగా ప్రకటించారు. సెంట్రల్‌ చైనాలోని హెనాన్‌ ప్రావిన్స్‌లో ఈ వరదల విలయానికి మొత్తంగా 302 మంది మరణించగా.. 50 మంది గల్లంతైనట్టు తెలిపారు. మృతుల్లో అత్యధికంగా ఝెంగ్‌ఝౌ ప్రొవిన్సియల్‌ కేపిటల్‌కు చెందినవారేనని పేర్కొన్నారు. ఆ ఒక్క నగరంలోనే అత్యధికంగా 292 మంది ప్రాణాలు కోల్పోగా.. 47మంది గల్లంతైనట్టు వివరించారు. మరో మూడు నగరాల్లో ఈ వర్షాలకు పది మంది మృతిచెందినట్టు మీడియాకు వెల్లడించారు. 

జులై 20న చైనాలోని హెనాన్‌ ప్రావిన్స్‌ క్యాపిటల్‌ నగరమైన ఝెన్‌ఝౌలో భారీ వర్షం కురిసిన విషయం తెలిసిందే. కుండపోతగా కురిసిన వర్సానికి ఆ నగరం జలదిగ్బంధంలో చిక్కుకుంది. వీధులన్నీ నదులను తలపించాయి. అనేక వాహనాలు, మనుషులు వరదనీటిలో కొట్టుకుపోయిన వీడియోలు అప్పట్లో సామాజిక మాధ్యమాల్లో వైరల్‌గా మారాయి. ఈ వరదలతో 30 లక్షల మందికి పైగా ప్రజలు వరద ప్రభావానికి గురికాగా.. దాదాపు 3.76 లక్షల మందిని సహాయక సిబ్బంది సురక్షిత ప్రాంతాలకు తరలించినట్టు ఇటీవల చైనా అధికారులు ప్రకటించిన విషయం తెలిసిందే. ఈ వరదల కారణంగా దాదాపు 10 బిలియన్‌ డాలర్ల నష్టం వాటిల్లినట్టు చైనా ప్రకటించింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని