close

తాజా వార్తలు

Published : 04/05/2021 20:20 IST
Facebook Share Twitter Share WhatsApp Share Telegram Share

కేంద్రానికి దిల్లీ హైకోర్టు షోకాజ్‌ నోటీసు

ధిక్కరణ చర్యలు ఎందుకు ఉపక్రమించకూడదని ప్రశ్న

దిల్లీ: దేశరాజధాని దిల్లీకి అవసరమైన ఆక్సిజన్‌ను అందించడంలో కేంద్ర ప్రభుత్వం విఫలమవడంపై దిల్లీ హైకోర్టు తీవ్ర అసంతృప్తి వ్యక్తం చేసింది. కేటాయించిన మెడికల్‌ ఆక్సిజన్‌ను అందించాలని కోర్టు ఇచ్చిన ఆదేశాలకు కూడా పాటించకపోవడం పట్ల న్యాయస్థానం అధికారులపై విస్మయం వ్యక్తం చేసింది. ఈ సమయంలో కోర్టు ధిక్కరణ చర్యలకు ఎందుకు ఉపక్రమించకూడదని ప్రశ్నిస్తూ.. కేంద్రానికి షోకాజ్‌ నోటీసు జారీచేసింది.

దిల్లీలో కరోనా వైరస్‌ విజృంభిస్తోన్న వేళ.. అక్కడి ఆసుపత్రులను మెడికల్‌ ఆక్సిజన్‌ కొరత తీవ్రంగా వేధిస్తోంది. వీటికి సంబంధించిన కేసులను విచారిస్తోన్న దిల్లీ హైకోర్టు.. కేంద్రం కేటాయించిన ఆక్సిజన్‌ ఒక్కరోజు కూడా రాష్ట్రానికి అందలేదనే విషయం న్యాయస్థానం దృష్టికి వచ్చిందని పేర్కొంది. అలాంటప్పుడు అఫిడవిట్‌లు దాఖలు చేసి ప్రయోజనమేంటని కేంద్రాన్ని ప్రశ్నించింది. అంతేకాకుండా దిల్లీలో ఆక్సిజన్‌ సంక్షోభం కొనసాగుతుండడం పట్ల కేంద్రంపై అసంతృప్తి వ్యక్తం చేసిన దిల్లీ హైకోర్టు, ఆక్సిజన్‌ సరఫరా చేయడంలో మీకంటే ఐఐటీ, ఐఐఎంలే మెరుగుగా పనిచేస్తాయని అభిప్రాయపడింది.

దిల్లీలో ఆక్సిజన్‌ సరఫరాపై తీసుకుంటున్న చర్యలను కేంద్రప్రభుత్వం ఓ నివేదిక రూపంలో దిల్లీ హైకోర్టు ముందుంచింది. అయితే, నివేదికల ప్రకారం సరిపడ ఆక్సిజన్‌ ఉన్నప్పటికీ సరఫరాలో లోపం ఉన్నట్లు కోర్టు గుర్తించింది. దీనిపై తీవ్ర అసంతృప్తి వ్యక్తంచేసిన కోర్టు.. ధిక్కరణ చర్యలకు ఎందుకు ఉపక్రమించకూడదంటూ షోకాజు నోటీసు జారీచేసింది. అంతేకాకుండా దేశంలో నెలకొన్న కరోనా సంక్షోభాన్ని ఎదుర్కొనేందుకు కేంద్ర వద్ద ఉన్న ప్రణాళికను తెలియజేయాలని దిల్లీ హైకోర్టు ఆదేశించింది.

 

ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని