Positivity Rate:దిల్లీలో 5 శాతం దిగువకు..  

తాజా వార్తలు

Published : 21/05/2021 17:19 IST

Positivity Rate:దిల్లీలో 5 శాతం దిగువకు..  

దిల్లీ: కరోనా విజృంభణతో ఉక్కిరిబిక్కిరైన దేశ రాజధాని నగరానికి మహమ్మారి నుంచి కాస్త ఉపశమనం కలిగినట్టే కనబడుతోంది. దిల్లీలో ఏప్రిల్‌ మాసంలో దాదాపు 36శాతంగా ఉన్న పాజిటివిటీ రేటు తాజాగా 4.7శాతానికి తగ్గడం విశేషం. గడిచిన 24గంటల వ్యవధిలో 3009 కేసులు రాగా.. 252 మరణాలు నమోదయ్యాయి. ఏప్రిల్‌ 4 తర్వాత పాజిటివిటీ రేటు 5శాతం కన్నా తక్కువ నమోదుకావడం ఇదే తొలిసారి. 5శాతం కన్నా తక్కువ ఉంటే సేఫ్‌ జోన్‌లో ఉన్నట్టేనని ఇప్పటికే ప్రపంచ ఆరోగ్య సంస్థ ప్రకటించిన విషయం తెలిసిందే. దీంతో ప్రస్తుతం కొనసాగుతున్న లాక్‌డౌన్‌ను ప్రభుత్వం కొనసాగిస్తుందో లేదో వేచి చూడాల్సి ఉంటుంది.

మరోవైపు, లాక్‌డౌన్‌ విధించడం వల్లే సెకండ్‌ వేవ్‌ ఉద్ధృతి తగ్గుముఖం పట్టినట్టు వైద్యరంగ నిపుణులు పేర్కొంటున్నారు. దిల్లీలో వరుసగా మూడో రోజు 4వేల కన్నా తక్కువ కేసులు నమోదు కావడంతో క్రియాశీల కేసుల సంఖ్య 35,683కి తగ్గింది. అక్కడ ఇప్పటి వరకు 14,12,959 మంది కోలుకోగా.. 22831 మంది మృతి చెందారు. రాష్ట్రంలో రికవరీ రేటు 95.85 శాతం కాగా.. మరణాల రేటు 1.62శాతంగా ఉంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని