drone: పాక్‌ సహకారంతోనే డ్రోన్ల దాడి ..!

తాజా వార్తలు

Published : 30/06/2021 15:26 IST

drone: పాక్‌ సహకారంతోనే డ్రోన్ల దాడి ..!

 తేల్చి చెప్పిన ‘చినార్‌ కోర్‌’ కమాండర్‌ డీపీ  పాండే

ఇంటర్నెట్‌డెస్క్‌: పాక్‌ ప్రభుత్వ సహకారంతోనే డ్రోన్‌దాడి సాంకేతికత పరిజ్ఞానం ఉగ్రవాదులకు చేరిందని చినార్‌ కోర్‌ (15వ కోర్‌) కమాండర్‌ లెఫ్టినెంట్‌ జనరల్‌ డీపీ పాండే పేర్కొన్నారు. ఆయన ఒక ఆంగ్ల వార్తా ఛానల్‌తో మాట్లాడుతూ ఈ వ్యాఖ్యలు చేశారు. ఈ ఘటనలో లష్కరే తొయిబా,జైషే మహమ్మద్‌ ప్రమేయం ఉండే అవకాశం ఉందన్నారు.  పాక్‌ సైన్యానికి డ్రోన్లు, డ్రోన్ల టెక్నాలజీ, యుద్ధతంత్రంపై  అవగాహన ఉందని.. ఇది ఆ ప్రభుత్వ సాయంతో నడుస్తోందని వ్యాఖ్యానించారు. భవిష్యత్తులో కూడా ఇవి కొనసాగవచ్చని అన్నారు. సైనిక దళాలు వీటిని ఎదుర్కొనేందుకు ఉన్న మార్గాలను పరిగణలోకి తీసుకొని ముందు జాగ్రత్త చర్యలు తీసుకొంటుందన్నారు. 

ఈ కేసులో విషయాలు బయటకు తెలిస్తే దర్యాప్తునకు ఇబ్బందిగా మారుతుందన్నారు. ప్రాథమిక దర్యాప్తు తర్వాత మాత్రం ఎంతో కొంత పాక్‌ ప్రభుత్వం అండ ఈ శక్తులకు ఉందని అర్థమైందన్నారు. జమ్ముకశ్మీర్‌లో గత నాలుగేళ్లుగా శాంతిభద్రతల పరిస్థితి మెరుగ్గానే ఉందన్నారు. జమ్ముకశ్మీర్‌ పోలీసులు కూడా ఈ దాడిలో లష్కరే పాత్ర ఉందని అనుమానిస్తున్నారు. ఇటీవల బనిహాల్‌ అనే లష్కరే ఆపరేటర్‌ను అరెస్టు చేయడంతో ఇది మరింత బలపడింది. అతని వద్ద నుంచి 4 కిలోల బరువున్న పేలుడు పదార్థాలను స్వాధీనం చేసుకొన్నారు. జమ్ము వాయుసేన స్థావరంపై దాడి జరిగిన కొద్ది గంటల్లోనే అరెస్టు చేశారు. ఇప్పటికే కొన్నేళ్లుగా పాక్‌ సరిహద్దుల్లో ఆయుధాలను జారవిడిచేందుకు డ్రోన్లను ఉపయోగిస్తోంది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని