Corona: జూన్‌ నుంచి మరణాల్లో తగ్గుదల
close

తాజా వార్తలు

Updated : 19/05/2021 14:11 IST

Corona: జూన్‌ నుంచి మరణాల్లో తగ్గుదల

అంచనా వేస్తున్న నిపుణులు

దిల్లీ: భారత్‌లో కరోనా రెండో దశ విజృంభణ కొనసాగుతోంది. రోజువారీ కేసుల సంఖ్యలో స్వల్ప తగ్గుదల కనిపిస్తున్నప్పటికీ.. మరణాలు మాత్రం రికార్డు స్థాయిలో నమోదవుతున్నాయి. ఈ నేపథ్యంలో జూన్‌ నుంచి కరోనా మరణాల్లో తగ్గుదల కనిపిస్తుందని వైద్య నిపుణులు అంచనా వేస్తున్నారు. రాష్ట్రాల్లో లాక్‌డౌన్‌లు అమలు చేయడంతో పాటు, టీకా కొరతను అధిగమిస్తామని వారు వెల్లడించారు. ఎక్కువ మందికి వ్యాక్సిన్‌ అందేలా చూడటం వల్ల  కరోనా మరణాల్లో గణనీయమైన తగ్గుదల ఉంటుందని తెలిపారు.

పెరగనున్న టీకా సరఫరా..

భారత్‌లో తయారవుతున్న కొవాగ్జిన్‌, కొవిషీల్డ్‌ టీకాల సంఖ్యను పెంచేందుకు ప్రయత్నాలు కొనసాగుతున్నాయి. రోజుకు 25లక్షలకు పైగా డోసులు అందించాలని ఇప్పటికే టీకా తయారీదారులకు సూచించారు. జూన్‌ నుంచి కొన్ని రాష్ట్రాల్లో లాక్‌డౌన్‌ సడలింపులు ఇచ్చి వ్యాక్సినేషన్‌ ప్రక్రియను వేగవంతం చేయాలని నిర్ణయించారు. రోజు రోజుకూ టీకా తీసుకొనే వారి సంఖ్యలో తగ్గుదల కన్పిస్తోందని నిపుణులు తెలిపారు. వీలైనంత త్వరలో 45ఏళ్లు పైబడిన వారికి టీకాలు అందించడం పూర్తి చేసి 18ఏళ్లు పైబడిన వారికి వ్యాక్సిన్‌ అందించేందుకు చర్యలు చేపడుతున్నట్లు అధికారులు వెల్లడించారు. రాజస్థాన్‌, బిహార్‌, దిల్లీ, ఉత్తరప్రదేశ్‌, హరియాణాల్లో ఇప్పటికే 18ఏళ్లు పైబడిన వారికి టీకాలు అందిస్తుండగా.. మిగతా రాష్ట్రాల్లో ప్రారంభించాల్సి ఉంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని