నిర్భయ దోషి పవన్‌ గుప్తా క్షమాభిక్ష తిరస్కరణ

తాజా వార్తలు

Updated : 04/03/2020 17:12 IST

నిర్భయ దోషి పవన్‌ గుప్తా క్షమాభిక్ష తిరస్కరణ

దిల్లీ: నిర్భయ అత్యాచారం, హత్య కేసు దోషుల్లో ఒకడైన పవన్‌ గుప్తా పెట్టుకున్న క్షమాభిక్ష అభ్యర్థనను రాష్ట్రపతి రామ్‌నాథ్‌ కోవింద్‌ తిరస్కరించారు. నిర్భయ దోషులను మార్చి 3న ఉరితీయాల్సి ఉండగా.. పవన్‌ అభ్యర్థన రాష్ట్రపతి వద్ద పెండింగ్‌లో ఉన్న నేపథ్యంలో శిక్ష అమలు వాయిదా పడింది.  శిక్ష అమలును ఆపేందుకు దోషులు అనేక ప్రయత్నాలు చేస్తున్న విషయం తెలిసిందే. ఇందులో భాగంగానే నలుగురు దోషుల్లో ఒకడైన పవన్‌ గుప్తా గతవారం సుప్రీంకోర్టులో క్యురేటివ్‌ పిటిషన్‌ దాఖలు చేయగా.. దీన్ని న్యాయస్థానం కొట్టివేసింది. దీంతో అతడు చిట్టచివరి అవకాశంగా క్షమాభిక్ష దరఖాస్తు పెట్టుకున్నాడు. ఈ పిటిషన్‌ను కేంద్ర హోంశాఖ రాష్ట్రపతికి పంపగా.. పవన్‌ క్షమాభిక్ష అభ్యర్థనను రాష్ట్రపతి రామ్‌నాథ్‌ కోవింద్‌ నేడు తిరస్కరించారు. 

క్షమాభిక్ష అభ్యర్థన పెండింగ్‌లో ఉన్న దృష్ట్యా ఉరితీతపై స్టే ఇవ్వాలని కోరుతూ పవన్‌ దిల్లీ పటియాల హౌస్‌ కోర్టులో మార్చి 2న పిటిషన్‌ దాఖలు చేశాడు. దీనిపై విచారణ జరిపిన కోర్టు తదుపరి ఆదేశాలు ఇచ్చే వరకు డెత్‌ వారెంట్లపై స్టే విధించింది. దీంతో మూడోసారి దోషుల ఉరిశిక్ష అమలు వాయిదా పడింది.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని